२ तिस्लुनि 3:16 - Muria Far Western

¹⁶ अनि शान्ति हेवाल प्रबु बोदे परिस्थितितिगा मिकुन दरोज शान्ति हिसोर मियासंग मनिर।

२ तिस्लुनि 3:16 Iomraidhean Croise

मत्ति 1:23

इदाम प्रबु आपुना पोल्लो वेहवालना द्वारा इन्ज मतोर ओद पोल्लो पुरा आयि इन्जोर इद सबोय आत।

मत्ति 28:20

नना मिकुन आग्या हितोना ओद सबोय पोल्लोंग ओरकुन मानेमायिला करहिस सबोय जातितोर लोकुरकुन नावा चेलाह बनेहकिम्ट; नना ते दुनियाता अन्तवनाह दरोज मियासंग मन्तोना” इन्जोर इतुर।

लूका 2:14

“स्वरगतिगा परमेस्वरना हजोरपण दिसिर अनि दरतितिगा परमेस्वर बोनिगा गिरिदा आन्तोर ओरकुन शान्ति पुटि” इदाम इतोरक।

युहनाल 14:27

अनि नना मिकुन शान्ति हिस दान्तोना, अनि नना आपुना शान्ति मिकुन हिन्तोना। दुनिया हिन्ता लेहका आयो नना मिकुन हिन्तोना। अनि मिया मन दुःखि आयमाकि अनि वरियमाकि।

युहनाल 16:33

अनि मिकुन नावागा शान्ति पुटि इन्जोर नना इव पोल्लोंग मिकुन इतोना। अनि दुनियातिगा मिकुन तकलिप आन्ता मति हिमत किम्ट बाक्याकि नना दुनियातुन जिकतोना।”

रोमि 1:7

मावोर बाबो परमेस्वरनिकेडाल अनि प्रबु येसु मसिनिकेडाल मिकुन दया अनि शान्ति पुटि।

रोमि 15:33

शान्ति हेवाल परमेस्वर मिया सबोयसंग मनिर इन्जोर नना प्रार्थना किन्तोना। आमिन।

रोमि 16:20

मावोर शान्ति हेवाल परमेस्वर ओर सयताना नाश किस मिया अदिकारते ततानुर। अनि मावोर प्रबु येसु मसि मिकुन दया केविर इन्जोर नना प्रार्थना किन्तोना।

१ कुरिन्थुस 14:33

बाक्याकि मावोर परमेस्वर सबोय क्रमानुसार केवाल मन्तोर। मति सबोय आयि सोबाय रितिते शान्तिते आयिला हेवाल मन्तोर।

२ कुरिन्थुस 13:11

हे बायि-दादालोरक, इदेक नना मिकुन नमस्कार किस मियागडाल दान्तोना। नना कियान साटि मिकुन वेहतान ओद सबोय पोल्लोंग अदामे किसोर मन्ट। वरोर दुसरोन मानेमास उन्दि मन्दे विचार किस शान्तिते मन्ट अदेनते मया अनि शान्ति हेवाल परमेस्वर मियासंग मन्दानुर।

इफिसुस 6:23

परमेस्वर बाबो अनि प्रबु येसु मसिनिकेडाल तमोलोरकुन शान्ति अनि विस्वासतासंग मया पुटि।

१ तिस्लुनि 3:11

इदेक मावोर बाबो परमेस्वर अनि मावोर प्रबु येसु मसि माकुन मियागा वायान साटि माकुन हरि हेविर।

१ तिस्लुनि 5:23

अनि शान्ति हिसोर परमेस्वर मिकुन पवित्र बनेहकेविर, मिया आत्मा, मिया जिवा अनि मिया मेन्दुलतुन मावोर प्रबु येसु मसिना दुसरो बेरा प्रगट आयानपा पुरा निरदोष बनेकिसुन ओना मुने प्रगट आयान साटि मिकुन सुरक्षित मनि।

२ तिस्लुनि 3:18

मावोर प्रबु येसु मसिना दया मिया सबोय लोकुरकनिगा आसोर मनि।

२ तिमुति 4:22

प्रबु नियासंग मनिर। अनि ओना दया नियागा आसोर मनि।

फिलेमोन 1:25

मावोर प्रबु येसु मसिना दया मिया आत्मातासंग आसोर मनि। आमिन।

यहुदि 13:20

इदेक वरोर हजोर मेहवाल लेहका मसिलोकुरा सभाता मुक्याल मन्तोर मावोर प्रबु येसुन हातोरिगाडाल असा जिवेहकितोर शान्ति हेवाल परमेस्वर अनन्त काळदा करारता नतुरते सबोय सोबाय पोल्लो हिस मिकुन परिपूर्ण केविर! अदाम येसु मसिना द्वारा मावागा बुतो किसोर मन्ता परमेस्वरना इच्चा ओना योजना अनुसार पुरा कियान साटि मिकुन मदत केवि। सबोय काळदे ओना हजोरपण आसोर मनि। आमिन।

यहुदि 7:2

“ओर युधतिगा हारेकितुरक ओर लोकुरकनिगाडाल पयस ततुर ओव सबोय चिजता दहावो भागवने” अब्रहाम येन हितुर; ओना पोरोयता पहलेटा अर्थ “परमेस्वरना मुने येताना योग्य राजाल” अनि पजा ओर “शालेमतोर राजाल” मन्जे “शान्तिता राजाल” इन्जोर वने अर्थ मन्ता।