२ तिस्लुनि 3:1 - Muria Far Western

¹ हे बायि-दादालोरक, बदाम निमाट प्रबुना पोल्लो स्विकार कितिट अदामे प्रबुना पोल्लो सबोय प्रदेशतिगा सान्डे फयलेमायि अनि महिमा फयलेमायिर इन्जोर आकरिते निमाट मावा साटि प्रार्थना किम्ट।

२ तिस्लुनि 3:1 Iomraidhean Croise

मत्ति 9:38

इन्जोर आपुना डन्डता फसलतुन कोयान साटि पकाय बुतो केवालोरकुन लोहिर इन्जोर डन्डता मालकाल परमेस्वरिन विनन्ति किम्ट” इन्जोर इतुर।

लूका 10:2

अनि येसु चेलालोरकुन इतुर, “पन्डता डन्ड पकाय मन्ता, मति बन्यारक कमि मन्तोरक इन्जोर ओर आपुना डन्डतिगा कोयान साटि बन्यारक लोहिर इन्जोर डन्डतोर मालकान विनन्ति किम्ट।

बुतोंग 12:24

मति परमेस्वरना पोल्लो विळसोर अनि सबोय जागातिगा फयलेमासोर हतु।

बुतोंग 19:20

इद रितिते प्रबुना पोल्लो लावदे अनि मजबुत आस फयलेमासोर हतु।

बुतोंग 6:7

परमेस्वरना पोल्लो फयलेमासोर हतु अनि येरुसलेमतिगा मसिना चेलालोकुरा संख्या विळसोर हतु अनि यहुदि याजक लोकुरा उन्दि हजोर दल येसुना बारेता सोबाता पोल्लो येतितुरक।

रोमि 15:30

हे नावोर बायि-दादालोरक, मावोर प्रबु येसु मसिनिगा माक विस्वास इरस पवित्र आत्माता मदतते माक वरोर दुसरोन मया किन्तोरोम इन्जोर नना मिकुन विनन्ति किन्तोना:

१ कुरिन्थुस 16:9

बाक्याकि अगा सोबाय सेवा कियान साटि इदेक पकाय सन्दि पुटतु ते वने विरोद केवालोरक वने पकाय मन्तोरक।

२ कुरिन्थुस 1:11

निमाट वने मिलेमास प्रार्थनाता द्वारा माकुन मदत किम्ट, अदाम पकायि लोकुरा प्रार्थनाते माकुन पुटता वरदान साटि पकायि लोकुरक मावा कारणते परमेस्वरना धन्यवाद कियाना साटि सन्दि आयार।

२ कुरिन्थुस 13:11

हे बायि-दादालोरक, इदेक नना मिकुन नमस्कार किस मियागडाल दान्तोना। नना कियान साटि मिकुन वेहतान ओद सबोय पोल्लोंग अदामे किसोर मन्ट। वरोर दुसरोन मानेमास उन्दि मन्दे विचार किस शान्तिते मन्ट अदेनते मया अनि शान्ति हेवाल परमेस्वर मियासंग मन्दानुर।

कुलुसि 4:3

अनि मसिना बारेता ओद रहस्य योजनाता वर्णन लोकुरकुन वेहान साटि परमेस्वर सन्दि हेविर इन्जोर मावा साटि वने प्रार्थना किम्ट। नना इद सोबाता पोल्लो वेहतान इन्जोर इगा जहेलतिगा मन्तोना।

१ तिस्लुनि 1:5

बाक्याकि माक वेहता प्रबुना सोबाता पोल्लो केवल शब्द रुपते आयो मति पकाय लावदे अनि पवित्र आत्माता मदत अनि पकाय विस्वासते मिया हेरे अवतु। अनि माक मिया मदत साटि मियासंग बदाम मन्तोम इन्जोर निमाट पुन्तोरिट।

१ तिस्लुनि 1:8

बाक्याकि मियागडाल मकिदुनिया अनि अगया प्रदेशता सबोय लोकुरक प्रबुना सोबाता पोल्लो केन्जतोर। अनि मिया विस्वास ओर परमेस्वरनिगा मन्ता, अदेना बारेते सबोय नाटे नाटेनिगा चर्चा फयलेमात इन्जोर अदेना बारेते बाताले इन्दाना जरुरि हिले।

१ तिस्लुनि 2:1

हे बायि-दादालोरक, मावा मियाके वायाना व्यर्थ आयो इन्जोर निमाट पुन्तोरिट।

१ तिस्लुनि 2:13

मावाताल परमेस्वरना सोबाता पोल्लो मियासंग अवतु इन्जोर माक वने परमेस्वरना दरोज धन्यवाद किन्तोरोम। अनि निमाट अदेन केवल मानेयना पोल्लो लेहका आयो मति परमेस्वरना पोल्लो इन्जोर समजेमासुन स्विकार कितिट। अनि परमेस्वरना विस्वास किन्तोर ओर लोकुरा जिवाते परमेस्वरना पोल्लो सोबाय बुतो किसोर मन्ता।

१ तिस्लुनि 4:1

इन्जोर हे बायि-दादालोरक, बदाम निमाट मावाकेडाल योग्य चाल चलन ताकाना अनि परमेस्वरतुन गिरिदा कियाना करियतोरिट, अदाम निमाट ताकिन्तोरिट अनि असा वने विळसोर हन्ट इन्जोर माक मिकुन विनन्ति किस समजेकिन्तोरोम।

१ तिस्लुनि 5:17

अनि दरोज प्रार्थना किसोर मन्ट।

१ तिस्लुनि 5:25

हे बायि-दादालोरक, निमाट मावा साटि वने प्रार्थना किम्ट।

२ तिमुति 2:9

अनि इद सुसमाचार साटि नना कुकरमिना लेहका साकळि करिहसुन दुःख सहेमान्तोनान, मति परमेस्वरना पोल्लो फयलेकियान साटि बोरे मानेय रोके कियापरोर।