२ तिस्लुनि 2:16 - Muria Far Western

¹⁶ अनि मावोर प्रबु येसु मसि अनि मावोर बाबो परमेस्वर माकुन मया किन्तोर अनि ओना दया माकुन प्रोत्साहन अनि सोबाय आशा हिता।

२ तिस्लुनि 2:16 Iomraidhean Croise

लूका 16:25

“मति अब्रहाम इतुर, ‘हे मरि, निमा आपुना जिवातमेन सोबातांग चिजकुन येतितोन, अनि लाजर खराब चिजकुन येचमतोर इदाम निमा अलहा। मति लाजर इदेक इगा सोबाय शान्तिते मन्तोर, अनि निमा नरकतिगा तळपे मान्तोन।

युहनाल 13:1

अनि पसहा हनुमता मुने नावा इद दुनिया तासिस बाबोना हेरे हन्दाना ओना बेरा अवता इन्जोर येसु पुतुर, अनि ओर इद दुनियाते मतोर आपुना लोकुरकुन बदाम मया किन्दुर अदामे आकरिवनाह मया किसोर मतोर।

युहनाल 15:13

अनि बोरायि आपुनोर गोतियाह साटि आपुना जिवा हेविर इदेनताल हजोर मया बोनाय हिले।

युहनाल 15:9

अनि नावोर बाबो बदाम नाकुन मया किन्तोर अदामे नना वने मिकुन मया किन्तोना, निमाट नावा मयाते मन्ट।

युहनाल 16:22

अदाम लेहका मिकुन वने इदेक दुःख मन्ता, मति नना मिकुन असा मिलेमायका अनि मिया मन्दुन पकाय गिरदा आयार, अनि मिया गिरदातुन बोरायि मियागडाल उन्चुन ओयोर आयनुरक।

युहनाल 3:16

परमेस्वर आपुनोर वरोरे मरिनिगा बोरायि विस्वास केविर ते ओना नाश आयमाकि मति ओन अनन्त काळता जिवा पुटि इन्जोर परमेस्वर आपुनोर वरोरे मरिन हियान साटि इद दरतिता लोकुरकुन पकाय मया कितुर।

युहनाल 4:14

मति नना हिता एर उन्डानुर ओन बसकेय एर उन्डावसो आयार। बोद येर नना हियाका ओद उन्दि जेरा लेहका ओना जिवनते आयार, ओद बसकेय बन्द आयो, ओद जेरा दरोज पोंगसोर मन्दार अनि ओद एर ओन अनन्त जिवन हियार।”

बुतोंग 15:11

इंगो, प्रबु येसुना दयाते पिसाना पुटहानुर इन्जोर माक विस्वास किन्तोरोम अदामे ओरक वने विस्वास किन्तोरक” इन्जोर पतरस इतुर।

बुतोंग 18:27

ओर अगडाल अखाया प्रदेशतिगा हन्दाना निश्चय कितुर ते इफिसुस सहेरता मसि विस्वासि लोकुरक ओन सोबाय रितिते हिमत किस ओन मिलेमायिर इन्जोर आख्या प्रदेशता चेलालोरकुन पत्र कोटतुरक। अनि ओर आखाय प्रदेशतिगा अवतुर। ओर अगा अवस परमेस्वरना दयाते विस्वास कितोर ओर विस्वासि लोकुरकुन पकाय मदत कितुर।

रोमि 1:7

मावोर बाबो परमेस्वरनिकेडाल अनि प्रबु येसु मसिनिकेडाल मिकुन दया अनि शान्ति पुटि।

रोमि 4:16

इन्जोर परमेस्वरना वाचा विस्वासता काया आन्दु अनि इद परमेस्वरताल दया आस फुकोटते पुटान्ता। इद प्रकारते परमेस्वरना वाचा अब्रहामना सबोय वंशज साटि मन्ता। केवल नियमतुन मानेमान्तोरक ओर लोकुरकुन आयो मति अब्रहामना लेहका विस्वास किन्तोरक लोकुरकुन वने पुटार इन्जोर पका कियाना साटि मन्ता। बाक्याकि अब्रहाम माक सबोय लोकुरा बाबाल मन्तोर।

रोमि 4:4

मति बुतो केवालना रोजि हियाना बोदे दान आयो मति ओद ते रोजि पुटाना ओना हक्क मन्ता।

रोमि 5:8

मति माक पापिये मतोम ते वने मसि मावा साटि आपुना जिवा हितुर इदाम परमेस्वर मावा साटि आपुना मायातुन तोहतुर।

इफिसुस 5:2

अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।

इफिसुस 5:25

हे मुजोहनिटा, मसिहाल वने मसिलोकुरा सभातुन मया किस आपुनतुन ओरा साटि बलिदान हिसितुर अदामे आप-आपुना मुत्तेहनासंग मया इराट।

कुलुसि 1:23

इद आबारता अडिय सबोय सृष्टितुन इद सोबाता पोल्लोता प्रचार किस नना पोलुस ओद सोबाता पोल्लो प्रचार कियान साटि सेवक बने मातोना।

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

१ तिस्लुनि 3:11

इदेक मावोर बाबो परमेस्वर अनि मावोर प्रबु येसु मसि माकुन मियागा वायान साटि माकुन हरि हेविर।

२ तिस्लुनि 2:13

हे बायि-दादालोरक, प्रबु मिकुन मया किन्तोर। अनि परमेस्वर मिकुन सबोय बनेकियानता मुने आचतुर इन्जोर माकुन मिया बारेते दरोज परमेस्वरना धन्यवाद हियाला पहाजे। बाक्याकि पवित्र आत्मा मिकुन पवित्र बनेकिन्तोर अनि निमाट आपुना विस्वास सच्चायिते किन्तोरिट।

तितुस 1:2

अनि इद दुनिया बनेमायानाता मुनेटाले बसकेय खोटाल वळकोर ओर परमेस्वर इद आशाता बारेता वाचा हितोर।

यहुदि 7:19

बाक्याकि मूसाना नियमता द्वारा बोरे मानेय परमेस्वरना मुने परिपूर्ण आय परो आतुर। इन्जोर अदेनताल पकाय हजोर अनि माक परमेस्वरना हेरे हन्दिला परान्तोरोम उन्दि आशा मन्जे येसु मसिना विस्वासता द्वारा पुटता मुक्ति अदेना जागाते सुरुवात कितुर।

१ युहनाल 3:16

अनि ओर मावा साटि आपुना जिवा हितुर इदेनतेय माक मया बाताल इन्जोर पुतोम। इन्जोर माक वने तमोन साटि आपुना जिवा हियाला पहाजे।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:5

अनि विस्वासयोग्य साक्षि अनि हातोरनिगाडाल असा जिवे मायवाल लोकुरकनिगाडाल पहले जिवे मातोर अनि दुनियाता सबोय राजाहलोरा राजाल मन्तोर ओर येसु मसिनिकेडाल मिकुन दया अनि शान्ति पुटसोर मनि। ओर माकुन मया किस आपुना बलिदान हायानाता नतुरता द्वारा माकुन पापताल लेहच,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:5

असा नरका आयो आयार, प्रबु परमेस्वर ओरकुन वेळिचि हियानुर इन्जोर ओरकुन टिवरिता वेळिचि या पोळदता वेळिचिता जरुरि मनो आयार, अनि ओरक सबोय काळदे राज कियानुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:9

हुळा, यहुदिलोकुरक हिलेरक मति यहुदिलोकुरक आन्दुरक इदाम खोटाल वळकान्तोरक हुचुलोर लोकुरकुन नना सयतानना उपदेशता पालन केवालोरा दलताल ततका; ओरक वास निया काल्कपोरो अरानुरक अनि नना नियासंग मया किन्तोना इन्जोर ओरक पुन्दाना सन्दि नना बनेहकियाका।