२ तिस्लुनि 2:11 - Muria Far Western

¹¹ इन्जोर ओर मानेय लोकुरकुन दोखा हियान साटि परमेस्वर परवांगि हियानुर। अनि इद कारणते ओर मानेय बाताल इन्तोर अदेन लोकुरक स्विकार कियानुरक।

२ तिस्लुनि 2:11 Iomraidhean Croise

मत्ति 24:11

परमेस्वरना पोल्लो वेहवाल इदाम आपुनतुन खोटाल वेहवालोर पकाय लोकुरक वासुन पकाय लोकुरकुन भळके कियानुरक।

मत्ति 24:5

‘नना मसि आन्दान’ इदाम इन्जुन पकाय लोकुरक नावा पोरोयते वास पकाय लोकुरकुन भळके कियानुरक।

रोमि 1:28

बसके ओर परमेस्वरना बारेते विचार कियाना वने विरोद कितुर असकेडाल परमेस्वर ओरकुन ओरा मन्दा बेकार विचार ओरा पोरो अदिकार कियाला हितुर। इन्जोर ओर बसकेय केमाकिर अदाम पकायि खराब बुतो ओर लोकुरक कितुरक।

१ तिस्लुनि 2:3

बाक्याकि मावा उपदेश खोटाल या बोदे गलति उद्देश्य या चलाकि हिले आसि मति शुद्ध मता।

१ तिमुति 4:1

मति येसु मसिना असा मल्स वायाना मुने हुचुक लोकुरक परमेस्वरना खरोय उपदेशतुन हरचियानुरक इन्जोर परमेस्वरना आत्मा साप रुपते वेहिन्तोर। अनि ओरक दोखा हेवाल दुष्टात्माता पोल्लो केन्जानुरक अनि दुष्टात्मा बाताल करहान्ता ओद खोटाल उपदेशतिगा लोकुरक विस्वास कियानुरक।

२ तिमुति 4:4

अनि ओर खरोय उपदेशतुन केन्जोर मति ओरा आजि-दादा लोकुरक बनेकिता कालपनिक पिटोनिंग मानेमायनुरक इदाम उन्दि बेरा वायार।