२ तिस्लुनि 1:9 - Muria Far Western

⁹ अनि बोर लोकुरक परमेस्वरतुन पुनोर अनि ओना सोबाता पोल्लोतुन मानेमायोर ओर लोकुरकुन प्रबु येसु आपुना मुनेटाल हटेकिसुन अनन्त नाशता दन्ड हियानुर। इव पोल्लोंग प्रबु येसु मसि दुसरो बेरा वायानपा आयार।

२ तिस्लुनि 1:9 Iomraidhean Croise

मत्ति 16:27

अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर।

मत्ति 22:13

असके राजाल सेवक लोकुरकुन, ‘येनांग कय-काल्क दोहच ओन बाहरो आन्दारते हरचिम्ट, अगा किलाना अनि पल्क कटरेकियाना आयार’ इन्जोर इतुर।

मत्ति 24:30

असके मानेयतोर मरिना चिन्हा आबारतिगा दिसार अनि पजा दरतिता सबोय जातितोर लोकुरक वरेते किलसोर नना मानेयतोर मरिन पकाय लाव अनि महिमातासंग आबारता ढगिंगते वायानपा हुळानुरक।

मत्ति 25:41

“पजा ओर डावान बासाडोरकुन इन्दानुर, ‘हे सरापि लोकुरक, नावा मुनेटाल सयतान अनि ओनोर दूतक साटि तयार किता मन्ता ओद अनन्त काळता साटि मन्ता किसतिगा हन्ट।

मत्ति 25:46

अनि येरक अनन्त काळता दन्ड भोगेमायान साटि दायनुरक मति परमेस्वरना मुने येताना योग्य बुतो केवाल लोकुरक अनन्त जिवनतिगा दायनुरक।”

मत्ति 26:24

नावा बारेते पवित्र पुस्तकतिगा कोटता लेहका नना मानेयतोर मरि हायका। मति मानेयतोर मरिन पयपियाहन्तोर ओर मानेयतुन परमेस्वरताल पकाय दन्ड पुटार, ओर जनमे आयोर आस मनेर ते ओना साटि बेस आस मन्वार।”

मत्ति 7:23

असके नना ओरकुन ‘नना बसकेय मिकुन पुनोन। हे खराब बुतो केवालोर, नावा हेरेटाल लक हन्ट’ इन्जोर साप साप इन्जिका।”

लूका 13:27

मति मालकाल इन्दानुर, ‘निमाट बगाडोरक आन्दिट इदाम नना मिकुन पुनोन। हे खराब बुतोंग केवालोरक निमाट सबोय लोकुरक नावा हेरेटाल लक हन्ट!’ इदाम ओर मिकुन इन्दानुर।

युहनाल 5:14

पजा येसु ओर सुदरेमातोर मानेयतुन मन्दिरतिगा मिलेमातुर अनि “हुळा निमा सुदरेमातोन, इदेनताल वने हजोर सन्कट वायमाकि इन्जोर असा बोदायि पाप केमा” इदाम येसु ओन इतुर।

फिलिप्पि 3:19

आकरिते परमेस्वर ओरकुन नाश कियानुर, ओरा पोटाय ओरा परमेस्वर मन्ता, ओरक आपुना लज्जाता बुतोतिगा घमेन्ड किन्तोर अनि ओर केवल दरतिता चिजकतिगा चिन्ता किन्तोर।

१ तिस्लुनि 5:3

इदेक माकुन सबोय शान्तिते अनि सोबाय मन्तोम इन्जोर लोकुरक इन्तोर मति बदाम गरभवतितुन बालक जनम आयान साटि नोमुर वायार अदाम लेहका सान्डे ओरागा हजोर नाशता दन्ड वायार।

२ तिस्लुनि 2:8

बसके ओर पोसिहवाल आपुना हरितिगाडाल लक हन्दानुर असके प्रबुन अनि प्रबुना कानुनतुन विरुद बुतोकेवाल प्रगट आयनुर असके प्रबु येसु आपुना आग्याते ओन हव्कानुर अनि आपुना वायाना लावते ओन भस्म कियानुर।

यहुदि 10:29

ते परमेस्वरना मरिन मजाकिस मानेमायोर अनि आपुनतुन पवित्र किन्ता ओद करारता नतुरतुन अपवित्र चिज इदाम मानेमास परमेस्वरना दयाता आत्मातुन अपमान कितुर ओर मानेय बचोन पकाय दन्ड पुटार इन्जोर निमाट विचार कितिट बहे?

२ पतरस 2:17

येर खोटाल करिहवालोरक लोकुरक वतिता झरा लेहका मन्तोरक, अनि वळिय उळेहकिस ओन्ता एर हिले ढगिंग लेहका आन्दुरक, ओरा साटि परमेस्वर अनन्त काळता आन्दारता जागा ठहरे किस मतोर।

२ पतरस 3:7

अनि इदेकता ब्रंमान्ड अनि दरति ओदे पोल्लोता द्वारा पोतहान साटि इरतोर, अनि न्यायता दिया अनि परमेस्वरना मुने खराब बुतो केवालोरा नाश आयाना दियांगवनाह इदामे इरस मन्दानुर इन्जोर ओरक आपुनास मरिंगतुरक।

यहुदा 1:13

आपुना पकाय लज्जाता बुतोता कारणते येरक फेस तोहवालोर समुद्रता पकाय भयानक पळवाह लेहका मन्तोरक। अनि येरक आपुना स्थानते मनो ओद वलियवाल हुकोंग लेहका मन्तोरक। येरा साटि परमेस्वर अनन्तकाळता अन्दकार इरतोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:11

असके पजा नना उन्दि हजोर पान्डरि सिंहासन अनि अदेन पोरो वरोर उदितोर हुळतान, ओना मुनेटाल दरति अनि आबार बदले मात, अनि अवेहकुन असा बसकेय हुळोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:14

हामुर अनि हातोर लोकुरा मन्दाना जागातुन किसता तळायतिगा वाटसितुर। इद किसता तळाय दुसरो हामुर आन्दु।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:8

मति वरियवालोर, अनि अविस्वासि लोकुरक, कपटि, अनि हव्कवालोरक, अनि व्यभिचारि लोकुरक, अनि होदाल बुतो केवालोर अनि मूरति पुजा केवालोर अनि सबोय खोटाल वळकवालोरा भाग किस अनि गंधकते पतियसोर मन्ता ओद तळायतिगा पुटार, इद दुसरो हामुर आन्दु।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:15

मति नयक, अनि होदाह अनि व्यभिचारिंग अनि हव्कवालोरक अनि मूरति पुजा केवालोरक अनि खोटाल पोल्लोंग कियाना इच्चा केवाल अनि खोटाल वळकवाल इदाम खराब लोकुरक सहेरता बाहरो आयनुरक।”