२ तिस्लुनि 1:7 - Muria Far Western

^7-8 अनि प्रबु येसु आपुना लाववाले स्वरगदूतकनासंग स्वरगताल दमकेमाता किसते प्रगट आस परमेस्वरतुन पुनोर अनि मावोर प्रबु येसुना सोबाता पोल्लोतुन मानेमायोर ओरकुन दन्ड हियानुर। अनि मिकुन अनि माकुन वने आपुना पकाय तकलिपतिगाडाल ओन आराम हियानुर।

२ तिस्लुनि 1:7 Iomraidhean Croise

मत्ति 16:27

अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर।

मत्ति 16:28

नना मानेयतोर मरि आपुना राज्यतिगा वायाना हुळानावनाह हायोर आयनुरक हुचुलोर लोकुरक इगा नितितोरिगडाल मन्तोर इन्जोर नना मिकुन खरोय इन्तोना।”

मत्ति 25:31

येसु असा इतुर, “नना मानेयतोर मरि आपुना महिमाते सबोय स्वरगदूतकनासंग वायनुर असके नना महिमातासंग आपुना सिंहासनतिगा उदका।

मत्ति 25:41

“पजा ओर डावान बासाडोरकुन इन्दानुर, ‘हे सरापि लोकुरक, नावा मुनेटाल सयतान अनि ओनोर दूतक साटि तयार किता मन्ता ओद अनन्त काळता साटि मन्ता किसतिगा हन्ट।

मत्ति 26:64

येसु ओन इतुर, “निमाय इतोन, इदेकताल निमाट मानेयतोर मरिन सबोय लाववाले परमेस्वरना तिन्दान कयबासा उदितोर अनि आबारता ढगिंगते वायाना वने हुळकिट इन्जोर नना मिकुन इन्तोना” इदाम इतुर।

मरकुस 14:62

येसु इतुर, “इंगो, नना ओरे आन्दान; निमाट नना मानेयतोर मरिन सबोयताल लाववाले परमेस्वरना तिन्दान कयबासा उदस अनि आबारतांग ढगिंगते वायाना हुळकिट।”

मरकुस 8:38

इद व्यभिचार अनि पापि केवालोरा पिळिता नडुम बोरायि नावा अनि नावा पोल्लोनुंग येतिला लज्जेमायनुरक ते नना मानेयतोर मरि वने ओना बारेते पवित्र स्वरगदूतकनासंग आपुना बाबोना महिमातासंग वायका असके लज्जा कियाकान।”

लूका 16:25

“मति अब्रहाम इतुर, ‘हे मरि, निमा आपुना जिवातमेन सोबातांग चिजकुन येतितोन, अनि लाजर खराब चिजकुन येचमतोर इदाम निमा अलहा। मति लाजर इदेक इगा सोबाय शान्तिते मन्तोर, अनि निमा नरकतिगा तळपे मान्तोन।

लूका 17:30

नना मानेयतोर मरि असा मलस वायाना दिया वने इदामे आयार।

युहनाल 1:3

अनि ओना द्वारा सबोय आयि तयार आता अनि बारायि आयि तयार आता अगडाल बोदायि चिज ओना सिवायि तयार आयो।

युहनाल 1:51

नना मिक सबोय लोकुरकुन खरोय खरोय इन्तोना: “उन्दि दिया निमाट हुळकिट स्वरग तरियस वायार अनि नना मानेयतोर मरिना हेरेटाल परमेस्वरनोर दूतक दायनुरक अनि अगडाल अडिय रेयनुरक इदाम निमाट हुळकिट।”

बुतोंग 1:11

अनि ओरकुन “हे गलीलितोरक मानेयक, निमाट बाक्या नितस आबारतिके हुळिला आतोरिट? ओर मिया हेरेटाल स्वरगापोरो ताहच ओतोर येरे येसुन बोद रितिते निमाट ओन स्वरगतिगा हन्दानपा हुळतोरिट ओदे रितिते ओर असा मलस वायनुर” इन्जोर इतुर।

बुतोंग 3:19

पाप कियाना बन्द किस परमेस्वरनिके मलस वायकिट ते मिया पापतुन मापि पुटि,

रोमि 8:17

अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।

१ कुरिन्थुस 3:13

बाक्याकि न्यायता दिया ओर सबोय पोल्लोंग तोहानुर। उन्दि लोतुन पयटेकितेक बोद चिज पिसार अनि बोद चिज करार इन्जोर बदाम माक पुन्तोम अदामे परमेस्वर लोकुरकुन न्याय कियाना दिया वने मन्दार, सोबाय चिज किसतिगा वने नाश आयो आयार अनि खराब चिज किसितिगा पयटेमायार। येसु मसि आपुना लोकुरा न्याय कियाना दिया इदामे आयार। मानेयना सोबाय बुतो नाश आयो आयार अनि मानेयना खराब बुतो नाश आयार।

२ कुरिन्थुस 4:17

मावा घळिमेटा तकलिप मावा साटि पकाय महत्वता मन्ता बाक्याकि अदेनते अनन्त जिवनता महिमा उत्पन्न आयाना कारण आन्ता। इद महिमा दुसरो बगाय पुटो।

इफिसुस 1:2

मावोर बाबो परमेस्वर अनि प्रबु येसु मसिनिकेडाल मिकुन दया अनि शान्ति पुटसोर मनि।

कुलुसि 1:16

बाक्याकि बारायि स्वरगतिगा अनि दरतितिगा मन्ता, बारायि दिसान्ता अनि बोद दिसो ओद सबोय ओनाय लावते उत्पन्न आता। अनि सबोय प्रकारता सिंहासन आयि या राज्य आयि, बोरायि शासक आयिर या अदिकारिक आयिर इदाम दिसाना अनि दिसो अव सबोयतुन ओर बनेहकितोर। अनि ओना साटिय उत्पन्न किता मन्ता।

१ तिस्लुनि 3:13

अनि बदाम मावोर प्रबु येसु आपुना पवित्र लोकुरासंग वायनुर असके निमाट बाबो परमेस्वरना मुने पवित्र जिवाते निरदोष आयिर इन्जोर मिया मन्दुन प्रबु स्थिर केविर।

२ तिमुति 2:12

अनि माक येसु मसिना विस्वास ते आकिरवनाह मनकाट ते येसुना संग राज वने कियाकाट। मति येसु मसिना विस्वासतुन माक हरचिकोम ते ओर माकुन वने हरचियानुर;

यहुदि 10:27

इंगो, अदाम माक असा पाप किसोर मनकाट ते अनन्तकाळ साटि मन्ता हायानाता दन्ड हर हुळस मन्दाना ओद पकाय वरे अनि परमेस्वरना विरोद पाप किसोर मन्वालोरक सबोय विरोदि लोकुरकुन पयटे किस नाश कियान साटि परमेस्वर तयारि किता पकाय हजोर होंगता तेज किस मावा साटि पिसता मन्ता।

यहुदि 12:29

बाक्याकि “मावोर परमेस्वर सबोय चिजतुन भस्म केवाल किस लेहका मन्तोर” इन्जोर पुन्ट।

यहुदि 4:1

इन्जोर परमेस्वरना आराम माकुन पुटाना वाचा इदेकवनाह मन्ता ते मियागडाल बोरे मानेय ओद वाचा पुटहोर आतुर इदाम आयमाकि इन्जोर माक हुशयार मन्ट।

यहुदि 4:11

परमेस्वरना आग्या मानेमायोर ओद कारणते परमेस्वरना आरामतिगा हन्दिला परोर आतुरक इन्जोर माक परमेस्वरना आरामतिगा हन्दान साटि सबोय रितिते कोसिस केविट।

यहुदि 4:9

परमेस्वर सबोय बेनेहकियानाता आपुना बुतोंग पुरा किस आराम कितुर अदामे लेहका आपुना बुतोंग पुराकितोर ओर परमेस्वरना लोकुरकुन साटि उन्दि खास आरामता अनुभव पिसता मन्ता।

यहुदि 9:28

अदामे मसि वने पकाय लोकुरकुन पापता मापि साटि उन्दि बेरा बलिदान आतुर अनि ओर दुसरो बेरा असा दिसानुर-लोकुरा पापता मापि हियान साटि आयो मति आपुना साटि हर हुळिला आतोरक लोकुरकुन पिसान साटि मन्ता।

१ पतरस 3:22

ओर स्वरगतिगा हन्जुन परमेस्वरना तिन्दान कयबासा उदितुर, स्वरगदूत अनि अदिकारि अनि सबोय लाव ओना अदिकारता अधिनते मन्तांग।

२ पतरस 3:7

अनि इदेकता ब्रंमान्ड अनि दरति ओदे पोल्लोता द्वारा पोतहान साटि इरतोर, अनि न्यायता दिया अनि परमेस्वरना मुने खराब बुतो केवालोरा नाश आयाना दियांगवनाह इदामे इरस मन्दानुर इन्जोर ओरक आपुनास मरिंगतुरक।

यहुदा 1:7

इदाम रितिते सदोम अनि अमोरा अनि येरा लेहका व्यभिचारि आस दुसरो मेन्दुलता लागेमास मतोरक अवेहना हेरेगुरेटा सहेरता लोकुरकुन अनन्त दन्डता किसते दन्ड कितुर। इद मावा साटि चेतावनि मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:7

“हुळाट, ओर आबारता ढगिंगते वायवाल मन्तोर, अनि सबोय लोकुरक ओन हुळानुरक, अनि बोरक ओन बरशिते गुहच मन्दुरक अनि ओनाय कारण दुःख किन्तोरक दुनियाता सबोय जातितोरक वने ओन हुळानुरक”, इंगो। खरोय आमिन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:10

ते ओर परमेस्वरना कोपता कटोराताल बाताले मिसरेह केवो परमेस्वरना पकाय अरसता दाळंगो उन्डिला पहाजे, ओर मानेयतुन पवित्र स्वरगदूतक अनि बेळा पिलाता मुने किसते अनि गंधकते पकाय तकलिप आयार।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:13

पजा नना स्वरगताल उन्दि शब्द केन्जतान, “कोटा: इदेकताल प्रबुना विस्वासते हातोरक हायवालोरक, धन्य मन्तोरक।” “इंगो! ओरकुन आपुना मेहनताल इदेक आराम पुटार बाक्याकि ओरा बुतोंग ओरासंग मन्ता” इन्जोर पवित्र आत्मा इन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:11

असके पजा नना उन्दि हजोर पान्डरि सिंहासन अनि अदेन पोरो वरोर उदितोर हुळतान, ओना मुनेटाल दरति अनि आबार बदले मात, अनि अवेहकुन असा बसकेय हुळोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:4

परमेस्वर ओरा कोन्डातांग कनेळक सबोय उमस वाटनुर, अनि इदेना पजा असा हामुर मनो आयार, अनि असा बोदे दुःख, किलाना अनि बोदे नोमुर मनो आयार बाक्याकि अव पहलेटा सबोय पोल्लोंग आतुंग।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:16

“येसु पोरोयता नना मसिलोकुरा सभांग साटि मिकुन इव पोल्लोता गवाहि हियान साटि नावोर स्वरगदूततुन निया हेरे लोहतोना। नना दावुदना मूल अनि वंशज अनि कोर कुसेडा बेराता मान्जिन्ता हुको आन्दान।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:6

पजा स्वरगदूत नाकुन इतुर, “इव पोल्लोंग विस्वासयोग्य अनि खरोय मन्तांग। सान्डेय पुरा आयाना जरुरि मन्ता अव पोल्लोंग आपुना दास लोकुरकुन तोहिर इन्जोर परमेस्वरना पोल्लो वेहवालोरा आत्मांगता परमेस्वर मन्तोर ओर प्रबु आपुनोर स्वरगदूततुन लोहतुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:9

मति ओर नाकुन इतुर, “हुळा, इदाम केमा, बाक्याकि नना निया अनि परमेस्वरना पोल्लो वेहवाल नियोर तमोह लोकुरा अनि इद पुस्तकता पोल्लोनुंग मानेमायवालना संगतोर दास आन्दान। केवल परमेस्वरिन आरादना किम।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:11

ओरक सबोय लोरकुन पान्डरि सन्दरा हितुर। अनि मिया लेहका हव्कवाल मन्तोरक मिवोर संगवारि दास अनि तमोलोरा काहाना पुरा आयानावनाह निमाट असा हुडुक बेरावनाह हरहुळाट इन्जोर ओरकुन इतुर।