२ तिस्लुनि 1:4 - Muria Far Western

⁴ अनि मिया जिवाता उपद्रव अनि पकाय तकलिपतुन शान्तिते सहेनकिस मिया विस्वासते जिकतोरिट इन्जोर इदेक वने माक परमेस्वरना सबोय मसिलोकुरा सभातिगा मिया विस्वासता बारेते अभिमान किन्तोरोम।

२ तिस्लुनि 1:4 Iomraidhean Croise

रोमि 12:12

निमाट आपुना आशाता बारेते गिरदा किम्ट अनि मिकुन सन्कट वायार असके हिमते मन्ट। अनि दरोज प्रार्थना किसोर मन्ट।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

रोमि 8:25

मति बोद चिजतुन माक हुळोम अदेना स्विकार कियान साटि आशा किन्तोरोम ते हिमते सहेमास ओद आशिषसाटि हर हुळसोर मन्तोरोम।

१ कुरिन्थुस 7:17

मति प्रबु येसु मसि माक लोकुरकनिकेडाल वरोर वरोरतुन अलग अलग परिस्थितिते आपुना पोरो विस्वास किस जिवन जिवेमायान साटि आचतुर इन्जोर वरोर वरोन मुने बोद परिस्थितिते केयस मतोर ओदे परिस्थितिते मन्ज जिवन जिवेमाम्ट। अनि इदाम नना मसिलोकुरा सभाता सबोय विस्वासि लोकुरकुन इद आग्या करहान्तोना।

२ कुरिन्थुस 12:10

इन्जोर नावा कमजोरितिगा नना मसिन साटि सहेन किता निन्दांग, गरिबि, सतेहकियाना, अनि सन्कटता बारेते गिरिदा किन्तोना बाक्याकि नना कमजोर आन्तोना असके लाववाले आन्तोना।

२ कुरिन्थुस 7:14

बाक्याकि नना ओना मुने मिया बारेते बाताले हजोरपण कितान ते लज्जा आयोन, मति माक मिकुन सबोय पोल्लोंग खरोय खरोय वेहच मतोरोम अदामे तितुसिन मिया बारेते मावा हजोरपण कियाना खरोय आतु।

२ कुरिन्थुस 7:4

नाकुन मियागा पकाय विस्वास मन्ता अनि नना मिया लोकुरकनिगा पकाय हजोरपण किन्तोना इदेनते नाकुन पकाय शान्ति वने पुटान्ता अनि आपुना सबोय तकलिपतिगा नना पकाय गिरिदाते मन्तोना।

२ कुरिन्थुस 9:2

बाक्याकि निमाट मदत कियान साटि पकाय इच्चाते मन्तोरिट इन्जोर नना पुन्तोना। मदत कियाना मिया सोबाय मन्दा बारेते नना मकिदुनिया प्रदेशता लोकुरा मुने मिया हजोरपण तोहतोना। अखया प्रदेशतोर लोकुरक निरेटाल मदत कियान साटि तयार मतोरक। अनि दान हियाना मिया गिरिदा हुळस इगा पकाय लोकुरकुन दान हियाना साटि प्रोत्साहित किता।

२ कुरिन्थुस 9:4

आयोते मकिदुनियाता बोरे विस्वासि लोकुरक नावासंग मियाके वायनुर अनि निमाट तयार मन्वि आयकिट इदाम हुळानुरक ते केवल निमाट आयो मति माक वने मिया बारेते मता ओद विस्वासता कारण लज्जा आयकोम।

१ तिस्लुनि 2:14

इन्जोर हे बायि-दादालोरक, बदाम यहुदिया प्रदेशता विस्वासि लोकुरकुन यहुदि लोकुरा द्वारा पकाय तकलिप आता अदामे मिकुन वने आपुना लोकुरकनिगाडाल असा पकाय तकलिप आतु, अनि इदाम मिक वने ओरा अनुभव आतु।

१ तिस्लुनि 2:19

अनि मावा सोबाय आशा अनि महिमा आयानाता मुकुट बाताल मन्ता? ओद निमाटेय मन्तोरिट बहे? प्रबु येसु दुसरो बेरा असा प्रगट आयनुर असके ओना मुने माक नितकोम। असके मिकुन हुळसुन माक अभिमानि आयार।

२ तिस्लुनि 3:5

प्रबु परमेस्वर मिया मन्दुन परमेस्वरना मया अनि येसु मसिना धिरजतिके बरसान साटि मदत किम्ट।

यहुदि 10:36

बाक्याकि परमेस्वरना इच्चातुन पुराकिस ओर प्रतिज्ञा किता पोल्लोंग पुटिहकिट इन्जोर मिकुन पोसोरिंग सहेन किस मुने हन्दाना जरुरि मन्ता।

यहुदि 6:12

इदाम निमाट आळसि आयोर आस विस्वास अनि पोसोरिंग सहेन किस मन्दानाते परमेस्वरना वाचाता वारिस मन्तोरक ओर लोकुरा लेहका आम्ट इन्जोर माक विचार किन्तोरोम।

यहुदि 6:15

अनि इदे रितिते अब्रहाम पोसोरिंग सहेनकिस परमेस्वर प्रतिज्ञा किता पोल्लो येतितुर।

याकुब 5:11

अनि हुळाट पकाय तकलिपतुन सहेमास विस्वासते मजबुतते मुने हतोरक ओर लोकुरकुन माक धन्य मन्तोर इन्जोर वळकिन्तोम। निमाट अयुब पोरोयतोर मानेय बदाम आपुना पकाय तकलिप सहेन कितोर इन्जोर केन्जान्तोरिट। अनि आकरि प्रबु ओन बदाम आशिष कितुर इदेन वने निमाट पुतोरिट। प्रबु बचोन करुणा अनि दयालु मन्तोर।

२ पतरस 1:6

अनि परमेस्वरना बारेता पुन्दानातासंग संयम अनि संयमतासंग विस्वासते स्थिर मन्दाना, अनि स्थिरतातासंग परमेस्वरना गिरिदा कियाना बुतोंग कियाना,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:12

परमेस्वरना आग्या मानेमान्तोर पवित्र लोकुरा पोसोरिंग सहेनकियाना अनि येसुनिगा मन्ता विस्वास इगा जरुर मन्ता।