२ तिस्लुनि 1:11 - Muria Far Western

¹¹ इन्जोर मावोर परमेस्वर मिकुन केयतुर ओद केयानाता योग्य अनुसार हन्दान साटि मदत केविर, अनि सबोय इच्चा अनि विस्वासता सबोय बुतोतुन सोबाय पुराकियान साटि परमेस्वर मदत केविर इन्जोर माक मिया साटि दरोज प्रार्थना किन्तोरोम।

२ तिस्लुनि 1:11 Iomraidhean Croise

मरकुस 4:28

दरति आपुन-आपुने पहले विजतुन मोळयिस पजा आकिंग, अनि पजा कायांग इदाम कायांग पन्डतांग ततान्ता।

लूका 12:32

येसु असा इतुर, “हे परमेस्वर साटि अलगो कितोरक विस्वासि लोकुरक, निमाट हुचुलोरे मन्तोरिट मति वरियमाट, बाक्याकि मिवोर स्वरगतोर बाबाल स्वरग राज्य मिकुन हियान साटि मिया पोरो गिरदा मन्तोर।

रोमि 1:9

नना दरोजे मिकुन आलहिस परमेस्वरना इच्चाते बदाम आयि आकरिते मिया हेरे बसकेय वाय परका इन्जोर आपुना प्रार्थनातिगा नना दरोज परमेस्वरतुन विनन्ति किन्तोना,

रोमि 11:29

परमेस्वर आचुन वरदान हिन्तोर ओर लोकुरा बारेते ओर बसकेय आपुना मन बदले केवोर।

रोमि 15:14

हे नावोर बायि-दादालोरक, निमाट सोबाय स्वभावते मन्तोरिट। अनि मिकुन बाताल कियाना उचित मन्ता अदेन पुरा पुन्तोरिट इन्जोर निमाट वरोर दुसरोन करिहला परान्तोरिट इदाम नना पुरा रितिते पुन्तोना।

रोमि 8:30

अनि मुनेटाले आचतुर ओर लोकुरकुन ओर केयतुर, अनि ओर केयतुर ओर लोकुरकुन परमेस्वरना येताना योग्य बनेकितुर, अनि परमेस्वरना येताना योग्य बनेकितुर ओर लोकुरकुन ओर आपुना महिमा वने हितोर।

१ कुरिन्थुस 1:8

मावोर प्रबु येसु मसि न्याय कियान साटि असा मलस वायाना दिया निमाट निरदोष मनकिट इन्जोर परमेस्वर मिकुन आकरिवनाह मजबुत इरानुर।

इफिसुस 1:16

ओद बेराताल नना प्रार्थनाते मिकुन आलहान्तोना अनि मिया साटि परमेस्वरिन धन्यवाद कियाना बसकेय हरचिवोन।

इफिसुस 1:5

येसु मसिना कारण माकुन ओना मरक लेहका दत्तक कियाना साटि, ओना इच्चा अनि गिरदा अनुसार ओर माकुन पकाय पहलेय ठहरे कितुर,

इफिसुस 1:9

परमेस्वर आपुना मन्दे इरस मता ओद रहसय योजनातुन येसु मसिना द्वारा आपुना गिरदाता अनुसार माकुन प्रगट कितुर।

फिलिप्पि 1:6

इन्जोर, परमेस्वर मियागा सोबाय सेवा कियाना सुरु कितोर, ओर अदेन येसु मसिना असा मल्स वायानावनाह कियानुर अनि ओना असा मल्स वायानाते ओद बुतो पुरा आयार इन्जोर नाकुन इद पोल्लोता बारेते भरोसा मन्ता।

फिलिप्पि 2:13

बाक्याकि परमेस्वरे आपुना इच्चाते मिया मन्दिगा ओना गिरदाता पोल्लोंग कियान साटि इच्चा अनि लाव हिन्तोर।

फिलिप्पि 3:14

अनि परमेस्वर येसु मसिना द्वारा नाकुन केयतुर ओद पकाय महत्वपुर्ण केयनाता अनुसार स्वरगतिगा नावा साटि इरता बक्षिस पुटान साटि ओद लक्षयतिके पकाय ध्यान किस वितसोर दान्तोना।

२ तिस्लुनि 1:5

अनि निमाट परमेस्वरना राज्यतिगा हन्दान साटि पकाय तकलिप सहेन किन्तोरिट अनि परमेस्वर मिया पकाय तकलिपतुन हुळान्तोर। अनि ओर परमेस्वर मिकुन आपुना राज्यतिगा हन्दान साटि योग्य ठहरे कियानुर अनि इदाम किसुन परमेस्वर दरमि मन्तोर इन्जोर आपुनतुन प्रगट किन्तोर।

२ तिस्लुनि 2:14

अनि मावोर प्रबु येसु मसिना महिमातुन पुटहान साटि ओर मावा सोबाता पोल्लोता वेहानाता द्वारा मिकुन केयतुर।

यहुदि 12:2

अनि मावा विस्वासता कारण अनि मावा विस्वासतुन परिपूर्ण केवाल येसुये मन्तोर। इन्जोर माक ओर येसुनिके हुळसोर मुने वितिला पहाजे। ओर येसु ते भविष्य काळते ओन पुटार ओद पकाय हजोर गिरिदाता बारेते विचार किस कुरुस पोरो हायाना ओद लज्जातुन ध्यान केवोर आस हिमते ओद पकाय तकलिप सहेन किस हातुर। ओर इदाम हातुर इन्जोर ओर स्वरगतिगा परमेस्वरना सिंहासनता तिन्दान कयबासा हन्जुन पकाय हजोर आदरतिगा उदितुर।

यहुदि 3:1

ओद कारणते, परमेस्वर संगे केयतोर पवित्र लोकुरक हे बायि-दादालोरक, ओर परमेस्वरना खास राजदूत अनि माक वेहान्तोरोम मावा विस्वासता हजोर याजक मन्तोर ओर येसुनाय बारेते निमाट पकाय ध्यान किम्ट।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:4

मति आप-आपुना सन्दरांग अशुद्ध केवोर हुचुलोर लोकुरक सरदिस सहेरता मसिलोकुरा सभातिगा मन्तोरक, ओरक पान्डरि सन्दरा करस नावासंग वलियानुरक, बाक्याकि ओरक इदेना योग्य मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:10

अनि मावोर परमेस्वरिन सेवाकियान साटि ओरकुन उन्दि राज्य अनि याजक लोकुरक आस निमा बनेहकिति अनि ओरक दरतितिगा राज कियानुरक” इन्जोर ओरक उन्दि पाटा ओयिलातोरक।