२ तिस्लुनि 1:10 - Muria Far Western

¹⁰ असके येसु मसि आपुना विस्वासि लोकुरा कारणते महिमा स्विकार कियानुर। अनि येसुनिगा विस्वास कितोर सबोय लोकुरक येसुन हुळसुन आश्चरय आयार। निमाट वने ओद समुहतिगा मन्दाकिट बाक्याकि माक वळकता ओद पोल्लो निमाट विस्वास कितिट।

२ तिस्लुनि 1:10 Iomraidhean Croise

मत्ति 16:27

अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर।

मत्ति 16:28

नना मानेयतोर मरि आपुना राज्यतिगा वायाना हुळानावनाह हायोर आयनुरक हुचुलोर लोकुरक इगा नितितोरिगडाल मन्तोर इन्जोर नना मिकुन खरोय इन्तोना।”

मत्ति 24:36

येसु असा वेहतुर, “नना मानेयतोर मरिना असा मलस वायानाता ओद दियांगता अनि ओद बेराता बारेते स्वरगतोर दूतक अनि नना मरि वने पुनोर मति केवल मावोर बाबो पुन्तोर।

मत्ति 25:31

येसु असा इतुर, “नना मानेयतोर मरि आपुना महिमाते सबोय स्वरगदूतकनासंग वायनुर असके नना महिमातासंग आपुना सिंहासनतिगा उदका।

मत्ति 7:22

‘हे प्रबु, हे प्रबु, माक निया पोरोयते परमेस्वरना पोल्लो वेहतोम, अनि निया पोरोयते दुष्टात्मातुन पसिहतोम, अनि निया पोरोयते पकाय चमत्कारता बुतोंग कितोम’ इन्जोर अदे दिया पकाय लोकुरक नाकुन इन्दानुर।

लूका 10:12

परमेस्वरना न्यायता दिया सदोम सहेरतोर लोकुरकुन दन्ड हियानुर अदेनताल वने पकाय दन्ड मिकुन पुटार इन्जोर नना मिकुन चेतेहकिसुन वेहान्तोना।”

युहनाल 11:4

अनि इद पोल्लोंग केन्जुन येसु इतुर, “इद बिमारि हायान साटि आयो मति परमेस्वरना महिमा आयान साटि मन्ता। इन्जोर इद बिमारिते परमेस्वरना आपुना मरिना महिमा प्रगट आयि।”

युहनाल 17:10

अनि बाराय आयि नावा आन्दु अद सबोय निया आन्दु। अनि बोद निया आन्दु अद नावा आन्दु। अनि इदेनते नावा महानता प्रगट आता।

१ कुरिन्थुस 3:13

बाक्याकि न्यायता दिया ओर सबोय पोल्लोंग तोहानुर। उन्दि लोतुन पयटेकितेक बोद चिज पिसार अनि बोद चिज करार इन्जोर बदाम माक पुन्तोम अदामे परमेस्वर लोकुरकुन न्याय कियाना दिया वने मन्दार, सोबाय चिज किसतिगा वने नाश आयो आयार अनि खराब चिज किसितिगा पयटेमायार। येसु मसि आपुना लोकुरा न्याय कियाना दिया इदामे आयार। मानेयना सोबाय बुतो नाश आयो आयार अनि मानेयना खराब बुतो नाश आयार।

गलाति 1:24

ओर लोकुरक नावा बारेते परमेस्वरना महिमा किन्तोरक।

इफिसुस 1:12

मुनेटाले मसिनिगा आशा इरस मता माक ओना पकाय हजोर महिमाता स्तुति आयान साटि इदाम कितुर।

इफिसुस 1:14

परमेस्वर आपुना लोकुरा संपुर्ण पिसाना साटि मावा वारिसता बयाना मन्ता इन्जोर पवित्र आत्माता द्वारा ओर माकुन शिक्का किस मतोर। ओना महिमाता स्तुति आयि।

इफिसुस 1:18

अनि मिकुन ओर केयतोर असके मियागा हिता आशा बाताल मन्ता अनि ओना पवित्र लोकुरा वारिसता महिमाता धन बाताल मन्ता इन्जोर निमाट पुन्दान साटि मिया मन्दा कोन्डांग तरयिंग इन्जोर नना प्रार्थना किन्तोना।

इफिसुस 1:6

ओन आपुना मायातोर मरिना द्वारा माकुन फुकोटते हिता ओना पकाय दयाता स्तुति आयि।

इफिसुस 2:7

इदेनते परमेस्वरना अतुलय रूपता पकाय हजोर दया अनि दया येसु मसिना द्वारा माकुन हितुर इन्जोर परमेस्वरिन वायाना काळता सबोय लोकुरकुन इद पोल्लो तोहपरान्तोर।

इफिसुस 3:10

इदाम इदेक स्वरगतिगा राज अनि अदिकारतुन परमेस्वरना अलग अलग प्रकारता ग्यान,

इफिसुस 3:16

ओर आपुना महिमाता पकाय हजोर धनता अनुसार आपुना पवित्र आत्माता द्वारा मिया मन्दा लावतुन मजबुत केविर इन्जोर,

१ तिस्लुनि 1:5

बाक्याकि माक वेहता प्रबुना सोबाता पोल्लो केवल शब्द रुपते आयो मति पकाय लावदे अनि पवित्र आत्माता मदत अनि पकाय विस्वासते मिया हेरे अवतु। अनि माक मिया मदत साटि मियासंग बदाम मन्तोम इन्जोर निमाट पुन्तोरिट।

१ तिस्लुनि 2:1

हे बायि-दादालोरक, मावा मियाके वायाना व्यर्थ आयो इन्जोर निमाट पुन्तोरिट।

१ तिस्लुनि 2:13

मावाताल परमेस्वरना सोबाता पोल्लो मियासंग अवतु इन्जोर माक वने परमेस्वरना दरोज धन्यवाद किन्तोरोम। अनि निमाट अदेन केवल मानेयना पोल्लो लेहका आयो मति परमेस्वरना पोल्लो इन्जोर समजेमासुन स्विकार कितिट। अनि परमेस्वरना विस्वास किन्तोर ओर लोकुरा जिवाते परमेस्वरना पोल्लो सोबाय बुतो किसोर मन्ता।

२ तिस्लुनि 1:12

अनि मावोर प्रबु येसु मसिना पोरोय मियागा महिमा आयि अनि निमाट येसु मसिनिगा महिमा आम्ट अनि ओद महिमा मावोर परमेस्वरना दयाताल अनि प्रबु येसु मसिनिकेडाल वान्ता।

२ तिस्लुनि 2:13

हे बायि-दादालोरक, प्रबु मिकुन मया किन्तोर। अनि परमेस्वर मिकुन सबोय बनेकियानता मुने आचतुर इन्जोर माकुन मिया बारेते दरोज परमेस्वरना धन्यवाद हियाला पहाजे। बाक्याकि पवित्र आत्मा मिकुन पवित्र बनेकिन्तोर अनि निमाट आपुना विस्वास सच्चायिते किन्तोरिट।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

२ तिमुति 1:12

इन्जोर इद सबोय दुःखतुन नना सहेमातान। मति नना लज्जा केवोन बाक्याकि बोनागा नना विस्वास कितोना इन्जोर नना पुन्तोना, ओर ओना न्यायकियानाता दियावनाह नाकुन केप परान्तोर इन्जोर नना पका मन्तोना।

२ तिमुति 1:18

अनि न्याय कियानाता दिया प्रबु ओन दया केविर! अनि इफिसुस सहेरतिगा ओर नाकुन बचोन मदत कितुर इन्जोर निमा सोबाय पुन्तोन।

२ तिमुति 4:8

अनि नावा साटि स्वरगतिगा उन्दि मुकुट बाकि मन्ता। ओद मुकुट परमेस्वरना मुने येताना योग्य जिवन जिवे मातोरक साटि मन्ता। अनि बसके प्रबु न्याय कियान साटि वायनुर असके ओद मुकुट प्रबु नाकुन हियानुर। अनि नाकुन वरोन साटि आयो मति ओना असा दुसरो बेरा वायाना साटि आशा केवालोरक सबोय लोकुरकुन इद मुकुट हियानुर।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।