3 “ओना वायाना वाचा बगा हतु?
अनि बोर नाकुन मानेमायोर अनि नावांग पोल्लोंग स्विकार केवोर ओरा न्याय केवाल वरोर मन्तोर; नना इतोना अदे पोल्लो आकरि न्यायता दिया ओना न्याय कियानुर।
माक लज्जाता गुपित बुतोतुन हरचिस दुसरो लोकुरकुन दोखा केवोम परमेस्वरना पोल्लोतिगा बाताले गलति पोल्लो मिलेह कियाना या परमेस्वरना पोल्लोताल बदले कियाना केवोम। इदाम खरोय पोल्लो वळकानाते माक परमेस्वरना मुने बचोन खरोय लोकुरक मन्तोरोम इन्जोर सबोय लोकुरकुन समजेमायार।
मति हे तिमुथियुस, माक सहेनकिया परोम आयकोम इदाम पकाय तकलिप येसु मसिना असा मलस वायाना मुने वायार इन्जोर निमा समजेमाम।
मति माक मन्दाना दुनिया इद आकरि दियांगते परमेस्वर मावासंग आपुना मरिना द्वारा वळकतुर; परमेस्वर ओन सबोय पोल्लोता वारिस आस निवळे कितुर अनि ओनाय द्वारा परमेस्वर सबोय ब्रंमान्डतुन बनेहकितोर।
मति पवित्र पुस्तकता बोनाय परमेस्वरना पोल्लो वेहवालोरा सन्देश बोनाय मन्दा विचारते आपुना इच्चाता अनुसार वेहोर इन्जोर पहले पुन्ट।
विशेषाल बोर आपुना मेन्दुलता अनुसार अशुद्ध इच्चाता परके ताकान्तोरकुन अनि सबोय अदिकारतुन तुच्च मानेमान्तोरकुन वने। अनि ओरक खोटाल करिहवालोरक ओरा गलत बुतो कियान साटि पकाय हिमत मन्तोरक, अनि हजोर पदवालोरा वने निन्दा कियान साटि वरियोरक।
हे बालक, इद दुनियाता नाश आयानाता आकरि बेरा मन्ता! अनि मसिना विरोदि वायवाल मन्तोर इन्जोर निमाट केन्जतोरिट अनि अदेना अनुसार इदेक वने पकाय मसिना विरोद केवालोरक तेदीतोरक अनि इदेनते इद दुनियाता आकिरता बेरा आन्दु इन्जोर माक पुन्तोरोम।
येरक लोकुरक बळबळेमायाना अनि दोष पळकवालोर मन्तोरक, अनि आपुना इच्चा अनुसार ताकवालोर मन्तोरक, अनि येरक घमेन्डता पोल्लोंग वळकान्तोरक, अनि येरक आपुना फायदा साटि दुसरोनसंग चापलुसि पोल्लोंग वळकवाल मन्तोरक।
“आकरि दियाते आपुना अदरमता इच्चाता अनुसार ताकस प्रबुन मजाकेवालोर लोकुरक पसियानुरक” इन्जोर ओरक मिकुन इन्दुरक।
