२ पतरस 3:18 - Muria Far Western

¹⁸ मावोर प्रबु अनि पिसिहवाल येसु मसिना दया अनि पुन्दानातिगा विळसोर हन्ट। ओनाय दरोज अनि सबोय काळदे महिमा आसोर मनि। आमिन।

२ पतरस 3:18 Iomraidhean Croise

मत्ति 28:20

नना मिकुन आग्या हितोना ओद सबोय पोल्लोंग ओरकुन मानेमायिला करहिस सबोय जातितोर लोकुरकुन नावा चेलाह बनेहकिम्ट; नना ते दुनियाता अन्तवनाह दरोज मियासंग मन्तोना” इन्जोर इतुर।

मत्ति 6:13

अनि माकुन परिक्षाते अरिहमा, सयतानताल पिसहा; बाक्याकि राज्य, लाव अनि महिमा दरोज नियाय मन्ता। आमिन।’ ”

युहनाल 17:3

अनि निमाय उन्दिय खरोय परमेस्वर मन्तोन अनि निमाय नाकुन लोहतोन अनि नना येसु मसिहा आन्दान इदाम नाकुन पुन्तोरक ओरकुनेय अनन्त जिवा पुटार।

युहनाल 5:23

बाक्याकि सबोय लोकुरक बदाम बाबोन मान किन्तोर अदामे नना परमेस्वरनोर मरिन वने मान केविर। नना परमेस्वरनोर मरिन बोर मान केवोर ओर नाकुन लोहतोर ओर बाबोन वने मान केवोर।

रोमि 11:36

बाक्याकि ओरे सबोय आयि बनेकितोर अनि ओनाय द्वारा सबोय आयि आन्ता। अनि सबोय आयि ओनाय मन्ता। सबोय काळते ओना हजोर आदर आसोर मनि। आमिन।

२ कुरिन्थुस 4:6

बाक्याकि “आन्दारताले वेळिचि मान्जार” इदाम इन्ज मतोर ओरे परमेस्वर मसिना चेहराते दिसता परमेस्वरना महिमाता बारेता ग्यान माक पुन्दाना साटि मावा मन्दिगा मान्जिहतुर।

इफिसुस 1:17

मावोर प्रबु येसु मसिना महिमातोर बाबो परमेस्वर मिकुन येसु मसिन बराबर पुन्दान साटि ग्यान अनि दिव्यदर्शनता आत्मा हेविर इन्जोर नना प्रार्थना किन्तोना।

इफिसुस 4:15

मति मयातिगा दुसरो लोकुरकुन खरोय करिहिनातुन वळकस सबोय पोल्लोतिगा येसु मसिना लेहका बरसोरिंग हन्ट ओर येसु मसि आपुना विस्वासि लोकुरकुन नियन्त्रन किन्ता तला लेहका मन्तोर। विस्वासि लोकुरक ओना मेन्दुल लेहका मन्तोरक।

फिलिप्पि 3:8

अचोने आयो, नना नावोर प्रबु येसु मसिना बारेते आपुनतुन समजेमायानाता किमत दुसरो सबोयताल हजोर मन्ता इदाम पुन्ज नेन्डवनाह इव सबोय पोल्लोंगतुन वियार लेहका समजेमास ओव सबोयतुन तासिस नष्ट सहेन कितान।

कुलुसि 1:10

निमाट प्रबुना योग्य चाल-चलन किस पवित्र आत्मा हिन्तोर ओद सबोय ग्यान अनि समजेमायानातासंग परमेस्वरना इच्चातुन पुरा रितिते पुन्ज मियागा सबोय प्रकारतांग भल्लो बुतोता कायांग प्रगट किस सबोय प्रकारते ओन प्रसन्न किस निमाट परमेस्वरिन बराबर पुन्ज बरसोरिंग हन्ट।

कुलुसि 3:10

अनि निमाट आपुना बनेहकेवाल परमेस्वरिन बराबर समजेमास ओना लेहका आयान साटि निमाट सबोय लोकुरक इदेक पुनाल स्वभावतुन स्विकार कितोरिट।

२ तिस्लुनि 1:3

हे बायि-दादालोरक, मिया विस्वास अनि आपसता मया बरसोरिंग मन्ता इन्जोर माक परमेस्वरना मुने दरोज मिया साटि धन्यवाद कियाला पहाजे।

२ तिमुति 4:18

अनि प्रबु सबोय पापतिकडाल नाकुन संभाले किस स्वरगतिगा सुरक्षित ओयनुर। अनि परमेस्वरिन मावाकेडाल दरोज स्तुति आयि। आमेन।

१ पतरस 2:2

इदेकेन जनमे मातोर नुनांग बदाम पाल उन्डान साटि पकायि इच्चा किन्तोरक अदाम लेहका पिसान साटि बरसाना निर्मल पाल लेहका मन्ता परमेस्वरना ओद पोल्लोता निर्मल अनि सादो रितिते करियला पुटि इन्जोर पकायि इच्चा किम्ट।

२ पतरस 1:11

इदाम कियाकिट ते निमाट मावोर प्रबु अनि पिसिहवाल येसु मसिना अनन्त काळता राज्यतिगा हजोर आदरतासंग हन्दा परकिट।

२ पतरस 1:2

परमेस्वर अनि मावोर प्रबु येसुना पुन्दानाता कारण दया अनि शान्ति मियागा पकाय विळसोर हनि।

२ पतरस 1:3

आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

२ पतरस 1:8

बाक्याकि इव सबोय गुणंग मियागा मन्तांग अनि अदेना विकास आयिला आता ते मावोर प्रबु येसु मसिना पुरा ग्यानता बारेते हलकायिते बुतो किस पकायि कायांग ततान साटि मिकुन मदत किन्ता।

२ पतरस 2:20

ओरक मावोर प्रबु अनि पिसिहवाल येसु मसिना पुन्दाना द्वारा सन्सारता अलग-अलग प्रकारता अशुद्धताताल पिसियतोर, असा ओव पोल्लोतिगा हिरक्स हारेमातुर ते ओरा आकरि दसा पहलेटाल वने खराब आयार।

यहुदा 1:25

मावोर प्रबु येसु मसिना द्वारा मावोर पिसिहवाल केवल वरोर परमेस्वरिन, पहलेटा काळताल इदेक वने अनि सबोय काळदे महिमा, गेवरव अनि लाव अनि अदिकार मनि। आमिन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:6

अनि ओर आपुनोर पिता परमेस्वरिन सेवाकियान साटि माकुन ओना राज्यता राजाह अनि याजक लोकुरक वने बनेहकितुर, ओना महिमा अनि लाव सबोय काळदे मनि। आमिन।