२ पतरस 3:16 - Muria Far Western

¹⁶ अनि पोलुस इव पोल्लोता बारेते आपुना सबोय पत्रतिगा कोटतोर अनि ओव पत्रतिगा हुचुक पोल्लोंग समजेमायान साटि कठिन मन्तांग। अनि परमेस्वरना पोल्लोता अर्थ दुसरो लोकुरकुन खरोय रितिते वेहान साटि करहोरक, अनि येसु मसिना खरोय विस्वासते चन्चल लोकुरक परमेस्वरना पवित्र पुस्तकता दुसरो भाग लेहकाय पोलुसना पत्रता अर्थतुन वने गलत रितिते करहान्तोर इन्जोर आपुने नाश किन्तोरक।

२ पतरस 3:16 Iomraidhean Croise

मत्ति 15:3

येसु ओरकुन उत्तर हितुर, “निमाट वने आपुना रिवाजता कारण बाक्या परमेस्वरना आग्या मानेमायविट?

मत्ति 15:6

इदाम ओन आपुनोर अवाल-बाबोना आदर कियाना जरुरि हिले इन्जोर निमाट करहान्तोरिट। इद प्रकारते निमाट आपुना रिति-रिवाज मानेमातोर ओद कारणते परमेस्वरना पोल्लोतुन कमजोर बने कितोरिट।

मत्ति 22:29

येसु ओरकुन उत्तर हितुर, “निमाट पवित्र पुस्तकतुन अनि परमेस्वरना लावतुन पुनविट इन्जोर निमाट दोखाते अरान्तोरिट।

फिलिप्पि 3:19

आकरिते परमेस्वर ओरकुन नाश कियानुर, ओरा पोटाय ओरा परमेस्वर मन्ता, ओरक आपुना लज्जाता बुतोतिगा घमेन्ड किन्तोर अनि ओर केवल दरतिता चिजकतिगा चिन्ता किन्तोर।

यहुदि 5:11

मलिकिसिदकना बारेते पकाय पोल्लोंग वेहाना मन्तांग मति निमाट समजेमायान साटि पकाय मन्द आतोरिट इन्जोर ओव पोल्लोंग मिकुन समजे किस हियाना कठिन मन्तांग।

याकुब 1:8

अनि रन्ड मन्कनोर मानेय आपुना सबोय पोल्लोतिगा चन्चल मन्तोर।

१ पतरस 1:1

येसु मसिनोर खास चेलाल पतरस, बाबो परमेस्वरना भविष्य ग्यानता अनुसार, येसु मसिना आग्या मानेमायान साटि अनि ओना नतुर हिदिक्स मुनेटाले आचतोरक, अनि परमेस्वरना आत्माते पवित्र बनेकितोरक पुन्तुस, गलातिया, कप्पुदुकिया, आसिया अनि बिथुनियातिगा हिके-होके आस परदेस मन्वालोर परमेस्वर आचतोर ओर लोकुरकुन इद पत्र कोटान्तोना।

१ पतरस 2:8

ओरक ते पोल्लोतुन मानेमायोर इन्जोर, “ओद कल ओरकुन कोदोर लागस मुटाहना अनि दोखा आयाना कारण आयार।” अनि इदेन साटिय ओरक ठहरे मास मतोर।

२ पतरस 2:1

इस्रायेल लोकुरकनिगा आपुनास परमेस्वरना पोल्लो वेहवाल आन्दोम इदाम खोटाल वळकवालोरक मतोरक; अदामे मियागा वने खोटाल करिहवालोर आयनुरक, अनि ओर लोकुरक मसि विस्वासता नाश किन्ता गलत करिहना मकस मकस करहान्तोरक, अनि ओरक आपुनतुन किमत हिस असतुन स्वतन्त्र कितोर ओर हजोर प्रबुन वने इन्कार किस आपुनतुन सान्डेय नाशतिगा वाटसियानुरक।

२ पतरस 2:14

ओर लोकुरक व्यभिचारता इच्चाते सबोय लोकुरकुन दरोज हुळान्तोर अनि इदाम पाप कियाना ओरा इच्चा बसकेय बन्द केवोर आयनुरक। अनि मसिना विस्वासते कमजोर मन्तोरक चन्चल मनवालोर लोकुरकुन ओर लोकुरक पाप कियाना साटि फसेह किन्तोर। अनि ओरा लालुचता जरुरतुन पुराकियान साटि ओर लोकुरक सबोय पोल्लोंग पुन्तोरक। अनि परमेस्वर ओरकुन दन्ड हियानुर।

२ पतरस 3:14

इन्जोर हे गोतियालोरक, निमाट परमेस्वर सबोय लोकुरकुन न्याय कियान साटि वायाना ओद दियातुन हर हुळान्तोरिट ते परमेस्वरना मुने निरदोष अनि बोदे डाग हिलेर आस शान्तिते मिकुन हुळान साटि पकायि कोसिस किसोर मन्ट।

२ पतरस 3:2

बाक्याकि निमाट परमेस्वरना पोल्लो वेहवाल पवित्र लोकुरक पहलेटाले इतोर ओव पोल्लोंग अनि मावोर प्रबु अनि पिसिहवाल ओर येसु मसि आपुना खास चेलाल लोकुरा द्वारा हिता आग्यातुन आल्हाट इन्जोर इव रन्डास पत्रतिगा हुचुक पोल्लोंग आलिहच खरोय रितिते विचार कियान साटि मिया मन्दुन जागृत कियाना कोसिस किन्तोना।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।