२ पतरस 2:7 - Muria Far Western

⁷ ओर परमेस्वरना नियमतुन विरोदते ताकवाल पापि लोकुरा नडुम मन्ज ओरा अशुद्ध पापता चाल-चलन हुळस-हुळस अनि केन्ज-केन्ज,

२ पतरस 2:7 Iomraidhean Croise

१ कुरिन्थुस 10:13

मानेय सहेकिया परोर इदाम बोदे परिक्षा मियागा इदेक वने वायो। अनि परमेस्वर विस्वास योग्य मन्तोर। ओर मिकुन सहेन किया परो अचोन परिक्षा मिया पोरो वायाना परवांगि हेवोर। अनि निमाट परिक्षाते अरानपा ओद परिक्षाताल बाहरो पसियान साटि हरि वने ओर तोहान्तोर।

२ पतरस 2:18

ओरक खराब बुतो किस-किस जिवित मन्वालोर लोकुरकनिकेडाल पकायि मुसकिलते इदेक पिसिस वातोर ओर लोकुरकुन, येरक बेकार हजोरपणता पोल्लोंग वळकस वळकस आपुना शारिरिक इच्चाता खराब बुतो कियाना साटि फसेकिहिन्तोरक।

२ पतरस 2:2

पकाय लोकुरक ओरा खराब चालचलन हुळसुन ओरा परके आयनुरक अनि ओर खोटाल करिहवाल लोकुरा कारण परमेस्वरना खरोयता हरिता निन्दा आयार।

२ पतरस 3:17

इन्जोर हे प्रिय गोतियालोरक, निमाट पहलेटाले इव पोल्लोनुंग पुन्ज इन्जोर परमेस्वरना मुने खराब बुतो केवालोरा खोटाल करिहनाता कारण आपुना विस्वासता स्थिरतातुन तासिमाट इन्जोर हुशार मन्ट।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।