२ पतरस 2:4 - Muria Far Western

⁴ पाप किता ओरक स्वरगदूतकुन वने परमेस्वर आदर केवोर आस नरकता आन्दार गुमयातिगा न्यायता दियावनाह केपसोर मनिर इन्जोर बन्दि किस वाटसीतुर।

२ पतरस 2:4 Iomraidhean Croise

मत्ति 25:41

“पजा ओर डावान बासाडोरकुन इन्दानुर, ‘हे सरापि लोकुरक, नावा मुनेटाल सयतान अनि ओनोर दूतक साटि तयार किता मन्ता ओद अनन्त काळता साटि मन्ता किसतिगा हन्ट।

मत्ति 8:29

ओरक जोरदे इतुरक, “हे परमेस्वरनोर मरि, निमा मावा नडुम पिसकाट कियाला बाक्या वाति? बाताल निमा बेराता मुने माकुन पकाय तकलिप हियाला इगा वातोन बहे?”

मरकुस 5:7

असके येसु, “हे दुष्टात्मा येर मानेयताल पसियस बाहरो वाय” इदाम दुष्टात्मातुन आग्या हितुर।

लूका 10:18

अनि येसु चेलालोरकुन इतुर, “नना सयतानतुन बिजलि लेहका पोरोडा स्वरगताल अडिय अरताल हुळतान।

लूका 8:31

माकुन नरकता गुमयाते हन्दाना आग्या हेमा इदाम दुष्टात्मांग येसुन विनन्ति कितुंग।

युहनाल 8:44

मिवोर बाबो सयतान आन्दुर अनि निमाट ओनोरे मरि आन्दिट। बोद इच्चा येर किन्तोर अदे निमाट कियाना इच्चा किन्तोरिट। ओर ते मुनेटाले हव्कवाल मन्तोर, अनि दरोज परमेस्वरना खरोय पोल्लोता विरोदि मन्तोर, बाक्याकि ओनागा बाराय खरोय हिले, ओर खोटाल मन्तोर अनि जुटाह वळकवालोरा बाबो आन्दुर। इन्जोर आपुना स्वभावते ओर खोटाल वळकान्तोर।

रोमि 11:21

बाक्याकि परमेस्वर खरोय कोहकुन तासितोर ते निकुन वने ओर तासिया परान्तोर।

रोमि 8:32

परमेस्वर आपुना मरिन वने पिसिहच इरोर आस माक सबोय लोकुर साटि बलिदान कियालाय सोपे कितोर ते ओर परमेस्वर मावा योजना किता सबोय पोल्लोंग बाक्या माकुन पकायि हेवोर आयनुर बहे?

२ पतरस 2:11

ते वने स्वरगदूत ओद लाव अनि सामर्थतिगा ओर खोटाल करिहवालोर लोकुरकताल हजोर मन्तोर, प्रबुना मुने ओरक खोटाल करिहवालोर लोकुरा विरोद बाताले खराब गलति इन्ज दोष लावे केवोरक।

२ पतरस 2:5

अनि पहलेटा काळता दुनियाता लोकुरकुन वने आदर केवोर आस परमेस्वरना आग्या पालन केवोर दुनियाता लोकुरा पोरो हजोर उसा लोहतुर, अनि परमेस्वरना मुने येताना योग्य ठहरे मायान बारेते प्रचार कितोर ओर नुहाल अनि ओनासंग सात लोकुरकुन पिसिहतुर।

२ पतरस 2:9

परमेस्वरना मुने येताना योग्य लोकुरकुन पकायि तकलिपताल बदाम पिसहाना, अनि परमेस्वरना नियमता विरोदते ताकवाल पापि लोकुरकुन न्यायता दियावनाह दन्ड हियान साटि बदाम इरिला पहाजे इदेन प्रबु पुन्तोर।

१ युहनाल 3:8

बोरायि पाप किन्तोर ओर सयतानोर बालक मन्तोर बाक्याकि सयतान मुनेटाले पाप किसोर मन्तोर। परमेस्वरनोर मरि सयताना बुतोता नाश कियान साटि प्रगट आतुर।

यहुदा 1:13

आपुना पकाय लज्जाता बुतोता कारणते येरक फेस तोहवालोर समुद्रता पकाय भयानक पळवाह लेहका मन्तोरक। अनि येरक आपुना स्थानते मनो ओद वलियवाल हुकोंग लेहका मन्तोरक। येरा साटि परमेस्वर अनन्तकाळता अन्दकार इरतोर।

यहुदा 1:6

परमेस्वर हिता बुतो केवोर आस आपुना पथतुन स्थिर इरोरक अनि आपुना मन्ताना जागातुन तासितुरक, ओरक स्वरगदूतकुन वने ओद पकाय हजोर दियाता न्यायकियान साटि आन्दारतिगा सबोय काळ प्रबु दोहच इरतोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 20:10

ओरा भळकेह केवाल सयतानतुन, ओद जानवर अनि आपुनास परमेस्वरना पोल्लो वेहवाल आन्दोम इदाम खोटाल इन्वाल वने मन्तोरक ओद किस अनि गंधकता तळायतिगा वाटसितुर, अगा अनि ओरक नरका-पलिंग सबोय काळदे पकाय पिळाते तळपेमासोर मन्दानुरक।