२ पतरस 2:14 - Muria Far Western

¹⁴ ओर लोकुरक व्यभिचारता इच्चाते सबोय लोकुरकुन दरोज हुळान्तोर अनि इदाम पाप कियाना ओरा इच्चा बसकेय बन्द केवोर आयनुरक। अनि मसिना विस्वासते कमजोर मन्तोरक चन्चल मनवालोर लोकुरकुन ओर लोकुरक पाप कियाना साटि फसेह किन्तोर। अनि ओरा लालुचता जरुरतुन पुराकियान साटि ओर लोकुरक सबोय पोल्लोंग पुन्तोरक। अनि परमेस्वर ओरकुन दन्ड हियानुर।

२ पतरस 2:14 Iomraidhean Croise

मत्ति 12:34

हे नांग तरासतोर पिलांग, निमाट खराब मन्ज बदाम सोबाय पोल्लोंग इन्दा परान्तोरिट? बाक्याकि मन्दिगा निन्दिता मन्ता, अदे टोडितिगाडाल वान्ता।

मत्ति 23:14

(कपटि मन्तोरक हे नियमतुन करिहवालोरक अनि परीसि लोकुरक परमेस्वर मिकुन पकाय दन्ड हियानुर। निमाट रान्डिहना लोतुन दोखाते लुटे किन्तोरिट, अनि दुसरो लोकुरकुन तोहान साटि पकाय बेरावनाह प्रार्थना किसोर मन्तोरिट, इदेना कारण मिकुन पकाय दन्ड पुटार।)

मत्ति 25:41

“पजा ओर डावान बासाडोरकुन इन्दानुर, ‘हे सरापि लोकुरक, नावा मुनेटाल सयतान अनि ओनोर दूतक साटि तयार किता मन्ता ओद अनन्त काळता साटि मन्ता किसतिगा हन्ट।

मत्ति 5:28

मति नना ते मिकुन इन्तोना, बोरायि वासनाता इच्चाते आळदुन हुळान्तोर ओर सबोय लोकुरक आपुना मन्दिगा अदेनसंग व्यभिचार कितोर।

मरकुस 13:22

बाक्याकि खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते परमेस्वर आचतोरकुन वने बहके कियान साटि चिन्ह अनि पकाय आश्चरयता बुतोंग तोहनुरक।

युहनाल 5:44

निमाट वरोर दुसरोनिकेडाल आदरता पुटहाना इच्चा किन्तोरिट मति वरोरे परमेस्वरनिकेडाल मन्ता ओद आदरतुन पुटान साटि निमाट बाताले मेहनत केविट ते निमाट बोद रितिते नाकुन विस्वास कियाकिट?

रोमि 16:18

बाक्याकि इदाम लोकुरक मावोर प्रबु मसिना सेवा केवोर मति आपुना पोटाता सेवा किन्तोर। अनि ओरक दोखाता सोबाय सोबाय पोल्लोंग वळकस सादो मनवाले लोकुरकुन बहके किन्तोरक।

१ कुरिन्थुस 11:19

ओहो! ते निमाट सोबाय कियाला आतोरिट! इन्जोर इदाम किसोर मन्ट, आयोते मिया नडुम सोबाय विस्वासि बोर मन्तोर या हिलेर इन्जोर बदाम पुन्दानुरक।

इफिसुस 2:3

ओरिगा माक सबोय लोकुरक पहले आपुना मन्दा खराब इच्चाता अनुसार ताकिन्दोम, मेन्दुलतुन अनि मन्दा इच्चातुन गिरदा किस दुसरो लोकुरा लेहका परमेस्वरना दन्ड येताना योग्य बालक मतोम।

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

कुलुसि 2:18

दर्शनता द्वारा पुटता इन्जोर लोकुरकुन आग्याता पोल्लो वेहच बोरायि मानेय नाटक किस पकाय नम्रता लेहका आपुनतुन तोहच अनि स्वरगदूतकना पुजा किस दुसरो लोकुरक वने इदाम कियाला पहाजे इदाम वेहचुन बोरे मिकुन दोखा हेमाकिर। मति इद सबोय मुर्खताता पोल्लो मन्ता बाक्याकि ओरा पापते निन्दिता गमन्डि मन्दे ओरक इदाम पोल्लोंग वळकान्तोर।

याकुब 1:8

अनि रन्ड मन्कनोर मानेय आपुना सबोय पोल्लोतिगा चन्चल मन्तोर।

२ पतरस 2:18

ओरक खराब बुतो किस-किस जिवित मन्वालोर लोकुरकनिकेडाल पकायि मुसकिलते इदेक पिसिस वातोर ओर लोकुरकुन, येरक बेकार हजोरपणता पोल्लोंग वळकस वळकस आपुना शारिरिक इच्चाता खराब बुतो कियाना साटि फसेकिहिन्तोरक।

२ पतरस 2:3

ओरक खोटाल करिहवाल लोकुरक ओरा पकायि लालुचता कारणते आपुना बनेहकिता दोखाता पोल्लो वळकस मियाकेडाल धन कमेह कियानुरक। ओरा दन्ड परमेस्वरना द्वारा पकाय पहलेटाले तयार किन्ता। ओरा साटि तयार किता ओद नाश ओरकुन हर हुळिला आता।

२ पतरस 3:16

अनि पोलुस इव पोल्लोता बारेते आपुना सबोय पत्रतिगा कोटतोर अनि ओव पत्रतिगा हुचुक पोल्लोंग समजेमायान साटि कठिन मन्तांग। अनि परमेस्वरना पोल्लोता अर्थ दुसरो लोकुरकुन खरोय रितिते वेहान साटि करहोरक, अनि येसु मसिना खरोय विस्वासते चन्चल लोकुरक परमेस्वरना पवित्र पुस्तकता दुसरो भाग लेहकाय पोलुसना पत्रता अर्थतुन वने गलत रितिते करहान्तोर इन्जोर आपुने नाश किन्तोरक।

१ युहनाल 2:16

बाक्याकि दुनियाता बोदायि खराब इच्चा अनि कोन्डाना इच्चा अनि जिवाता घमन्ड ओद बाबो परमेस्वरनिकेडाल आयो मति दुनियाताल मन्ता।

यहुदा 1:11

बचोन पकाय तकलिप ओरा साटि वायार! बाक्याकि ओरक कायिनना हरिते ताकतुरक अनि मजदुरि साटि बिलाम लेहका गलति कितुरक अनि कोरहना लेहका विरोद किस नाश आतोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:9

अनि सबोय दुनियातुन भळकेह केवाल इबिलिस या सयतान इदाम पोरोयतोर ओद पकाय हजोर मासुल तरासिन अर्थ ओद जुनाल तरासिन दरतितिगा अरिहचितुर अनि ओनोर दूतकुन वने ओनासंग अरिहचितुर।