२ पतरस 2:10 - Muria Far Western

¹⁰ विशेषाल बोर आपुना मेन्दुलता अनुसार अशुद्ध इच्चाता परके ताकान्तोरकुन अनि सबोय अदिकारतुन तुच्च मानेमान्तोरकुन वने। अनि ओरक खोटाल करिहवालोरक ओरा गलत बुतो कियान साटि पकाय हिमत मन्तोरक, अनि हजोर पदवालोरा वने निन्दा कियान साटि वरियोरक।

२ पतरस 2:10 Iomraidhean Croise

लूका 11:25

अद लोतिगा दुष्टात्मा मलस वासुन अद लोतिगा बोरे साप किसुन क्रमानुसार तयारि किस इरता हुळान्ता।

लूका 19:14

“मति अद सहेरते मनवालोरक ओर धनि मानेयसंग वेयरि मतोरक, अनि ओर धनि मानेय लक देशतिगा हता पजा ओरक आपुनोर लोकुरकुन अद देशतिगा लोहतुर। अनि ‘येर मावागा राजाल बनेमासुन राज्य केविर इदाम मावा इच्चा हिले’ इदाम उन्दि सन्देश ओरक अद देशतिगा हन्जुन वेहतुर।”

बुतोंग 23:5

पोलुस इतुर: “हे दादालोरक येर हजोर याजक आन्दुर इन्जोर नना पुनोन आन्दान, बाक्याकि ‘आपुना लोकुरा मुक्यालतुन बाताले खराब इन्मा’ ” इदाम पवित्र पुस्तकतिगा कोटता मन्ता इन्जोर इतुर।

रोमि 8:1

इन्जोर इदेक बोर येसु मसिनिगा विस्वास किन्तोर ओरकुन बोदे दन्ड साटि न्याय हिले। बाक्याकि ओरक पाप स्वभावता अनुसार आयो मति पवित्र आत्माता अनुसार ताकान्तोरक।

१ कुरिन्थुस 6:9

खराब बुतो केवालोर परमेस्वरना राज्यता वारिस आयोर इन्जोर निमाट पुनविट बहे? आपुनतुन दोखा आयाना आयो। वेश्या बुतो केवालोर, मूरति पुजा केवालोर, दुसरो आळदासंग हुन्जवालोर, वेश्यामानेय, मानेय मानेयनासंग व्यभिचार केवाल,

२ कुरिन्थुस 10:3

बाक्याकि माक वने इद दुनियातिगा मन्तोरोम मति माक परमेस्वरतुन पुनोर ओर लोकुरक बोव पोल्लोंग साटि वाहचान्तोरक ओव पोल्लोंग साटि माक वाहचोम।

इफिसुस 4:19

अनि ओरकुन बाताले खराब बुतो कियान साटि बोदे लज्जा हिले। अनि ओर लोकुरक पकाय लालुचते सबोय प्रकारता व्यभिचारता खराब बुतोतुन पकाय लालुचते कियान साटि आपुनतुन समरपित किन्तोरक।

इफिसुस 5:5

अनि व्यभिचार केवाल, अशुद्ध बुतो केवाल या लालचि मानेय-लालचि मूरति पुजाता लेहका मन्ता-ओरक मसिना अनि परमेस्वरना राज्यतोर वारस आय परोर इन्जोर निमाट पुन्तोरिट।

कुलुसि 3:5

इन्जोर व्यभिचार, अपवित्रता, वासना, खराब इच्चा अनि मूरति पुजाता बराबर मन्ता लालुच इदाम मियागा बारायि सन्सारिक मन्ता अदेन होवक्स वाटाट।

१ तिस्लुनि 4:7

बाक्याकि परमेस्वर माकुन अशुद्धि आयान साटि आयो मति पवित्र आयाना साटि केयतुर।

२ तिमुति 3:2

बाक्याकि लोकुरक आप आपुना मया कियानुर, ओरक दुसरोन मया केवोर आयनुरक अनि पयसांग कमेह कियान साटि पकाय विचार कियानुरक, अनि आपुना पकाय हजोर बुतो किताप लेहका पकाय गमन्डते वळकानुरक, अनि दुसरो लोकुराताल ओरक हजोर मन्तोर लेहका आपुना बारेते पकाय घमन्ड कियानुरक। अनि दुसरो लोकुरकुन दरोज अपमान कियानुरक अनि आपुना अवाल-बाबोना आग्यातुन मानेमायोर आयनुरक। अनि आपुना मदत केवालोरकुन मया अनि धन्यवाद केवोर आयनुरक अनि परमेस्वरना मुने अपवित्र जिवेमायनुरक,

तितुस 1:7

अनि मसिलोकुरा सभातोर अध्यक्षना कयदिगा परमेस्वरना सेवा सोपे कितोर, इन्जोर ओर निरदोष मनिर; घमन्ड केवाल आयमाकिर, ओर होंग केवाल आयमाकिर अनि दाळंगो उन्वाल आयमाकिर, अनि ओर वाहचमाकिर, खराब बुतो किसुन पयसांग कमेय केवाल आयमाकिर।

यहुदि 13:4

सबोय लोकुरक मरमिंग आदरता पोल्लो समजेमायिला पहाजे। अनि मरमिंग आतोरक लोकुरक आपुना मुजो या मुत्तेन तासिस दुसरो आळ या मानेयतासंग हुन्जमाट। बाक्याकि परमेस्वर व्यभिचारिंग लोकुरकुन अनि मरमिंग आतेक पजा दुसरो आळ या मानेयनासंग हुन्जवालोर अनि मरमिंगना मुने इदाम गलति केवालोरकुन वने परमेस्वर न्याय कियानुर।

२ पतरस 3:3

“ओना वायाना वाचा बगा हतु?

यहुदा 1:10

येर लोकुरक बोव पोल्लोंग येरकुन समजेमायोंग अदेना निन्दा किन्तोरक। अनि बुद्धि हिले ओद जानवरक लेहका बोव पोल्लोंग येरकुन स्वाभाविक रितिते आपुना अनुभवते समजेमान्तोरक अदेना कारण येरक आपुना नाश किन्तोरक।

यहुदा 1:16

येरक लोकुरक बळबळेमायाना अनि दोष पळकवालोर मन्तोरक, अनि आपुना इच्चा अनुसार ताकवालोर मन्तोरक, अनि येरक घमेन्डता पोल्लोंग वळकान्तोरक, अनि येरक आपुना फायदा साटि दुसरोनसंग चापलुसि पोल्लोंग वळकवाल मन्तोरक।

यहुदा 1:18

“आकरि दियाते आपुना अदरमता इच्चाता अनुसार ताकस प्रबुन मजाकेवालोर लोकुरक पसियानुरक” इन्जोर ओरक मिकुन इन्दुरक।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।