२ पतरस 2:1 - Muria Far Western

¹ इस्रायेल लोकुरकनिगा आपुनास परमेस्वरना पोल्लो वेहवाल आन्दोम इदाम खोटाल वळकवालोरक मतोरक; अदामे मियागा वने खोटाल करिहवालोर आयनुरक, अनि ओर लोकुरक मसि विस्वासता नाश किन्ता गलत करिहना मकस मकस करहान्तोरक, अनि ओरक आपुनतुन किमत हिस असतुन स्वतन्त्र कितोर ओर हजोर प्रबुन वने इन्कार किस आपुनतुन सान्डेय नाशतिगा वाटसियानुरक।

२ पतरस 2:1 Iomraidhean Croise

मत्ति 10:33

मति मानेयना मुने बोरायि नाकुन पुनोन इन्दानुर ते ओन नना वने स्वरगतोर नावोर बाबोना मुने नना पुनोन इनका।”

मत्ति 24:11

परमेस्वरना पोल्लो वेहवाल इदाम आपुनतुन खोटाल वेहवालोर पकाय लोकुरक वासुन पकाय लोकुरकुन भळके कियानुरक।

मत्ति 24:24

बाक्याकि पकाय खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते आचतोरकुन वने भळके कियान साटि हजोर चिन्हा अनि पकाय चमत्कारता बुतोंग किस तोहानुरक।

मत्ति 24:5

‘नना मसि आन्दान’ इदाम इन्जुन पकाय लोकुरक नावा पोरोयते वास पकाय लोकुरकुन भळके कियानुरक।

मत्ति 7:15

येसु ओरकुन असा इतुर, “आपुनास परमेस्वरना पोल्लो वेहवाल आन्दोम इदाम खोटाल वळकवाल लोकुरकताल सावदान मन्ट, ओरक बेळांगना रुपते मिया हेरे वान्तोरक मति लोपाडाल ओरक हिकवाल हुन्डराह लेहका आन्दुरक।

मरकुस 13:22

बाक्याकि खोटाल मसि अनि नना परमेस्वरना पोल्लो वेहवाल इदाम खोटाल वेहवालोरक तेदचुन आय परार ते परमेस्वर आचतोरकुन वने बहके कियान साटि चिन्ह अनि पकाय आश्चरयता बुतोंग तोहनुरक।

लूका 12:9

मति नाकुन मानेयकना मुने बोर मानेमायोर आयनुर ते ओन परमेस्वरना स्वरगदूतकना मुने मानेमायो आयका।

लूका 21:8

अनि येसु आपुनोरक चेलालोरकुन इतुर, “बोरे मिकुन दोखा हेमाट इन्जोर निमाट चोव्कोस मन्ट, बाक्याकि पकाय लोकुरक, ‘नना मसि आन्दान’ अनि ‘अन्त आयाना बेरा वाता’ इदाम इन्तोर नावा पोरोयदे वायनुरक मति निमाट ओरांग केन्जमाट।

लूका 6:26

अनि सबोय लोकुरक मिकुन हजोरपण किस इन्तोरक असके मिकुन परमेस्वरताल हजोर दन्ड पुटार, बाक्याकि ओरा बाबो-दादिलोरक वने आपुनास परमेस्वरना पोल्लो वेहवाल आन्तोर इदाम खोटाल इन्वालोरा बारेते वने इदामे कितुरक।”

रोमि 16:18

बाक्याकि इदाम लोकुरक मावोर प्रबु मसिना सेवा केवोर मति आपुना पोटाता सेवा किन्तोर। अनि ओरक दोखाता सोबाय सोबाय पोल्लोंग वळकस सादो मनवाले लोकुरकुन बहके किन्तोरक।

१ कुरिन्थुस 11:19

ओहो! ते निमाट सोबाय कियाला आतोरिट! इन्जोर इदाम किसोर मन्ट, आयोते मिया नडुम सोबाय विस्वासि बोर मन्तोर या हिलेर इन्जोर बदाम पुन्दानुरक।

१ कुरिन्थुस 6:20

बाक्याकि परमेस्वर पकाय किमत हिस मिकुन असतोर इन्जोर आपुना मेन्दुलता द्वारा परमेस्वरना हजोरपण किम्ट।

१ कुरिन्थुस 7:23

परमेस्वर मिकुन पकाय किमत हिस असतोर ओद कारणते निमाट बोरे मानेयकना गुलाम बनेमायमाट।

गलाति 2:4

इद प्रश्न ओरक जुटाह करहिवाल यहुदि विस्वासि लोकुरा कारणते आत; माकुन यहुदि नियमता दास असा बनेहकियान साटि येसु मसिनिगा मावा स्वतन्त्रताता बारेते दोष लावे कियान साटि ओर जुटाह करिहवालोरक मकस वास मतोरक।

गलाति 3:13

“मरा पोरो वळहान्तोर ओर सरापते मन्तोर” इन्जोर पवित्र पुस्तकतिगा कोटता लेहका मसिहाल मावा सरापतुन आपुनानिगा येतस मूसाना नियमतिगा कोटता सरापताल माकुन लेहचितुर।

गलाति 4:17

ओरक खोटाल शिक्षण करिहवालोर लोकुरक मिकुन गोतियाह बनेहकियानाता इच्चा मन्ता, मति ओरा इच्चा सोबाय उदेशते आयो। निमाट ओरकुने गोतियाह बनेहकिस मावाताल मिकुन अलग कियाना इच्चाते ओरक इदाम किन्तोरक।

गलाति 5:20

मूरति पुजा, जादुटोना, वेयरि, वाहचाना, हेवा, होंग, स्वार्थपन, मसिलोकुरा सभातुन फुट कियाना अनि विस्वासि लोकुरा नडुम विभाजन बनेकियाना,

इफिसुस 1:7

येसु मसिना द्वारा ओना बलिदानता कारण मावा पापताल पिसाना मन्ता मन्जे मावा अपरादता मापि मन्ता। ओद परमेस्वरना पकाय दयाता अनुसार मन्ता।

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

फिलिप्पि 3:19

आकरिते परमेस्वर ओरकुन नाश कियानुर, ओरा पोटाय ओरा परमेस्वर मन्ता, ओरक आपुना लज्जाता बुतोतिगा घमेन्ड किन्तोर अनि ओर केवल दरतिता चिजकतिगा चिन्ता किन्तोर।

कुलुसि 2:18

दर्शनता द्वारा पुटता इन्जोर लोकुरकुन आग्याता पोल्लो वेहच बोरायि मानेय नाटक किस पकाय नम्रता लेहका आपुनतुन तोहच अनि स्वरगदूतकना पुजा किस दुसरो लोकुरक वने इदाम कियाला पहाजे इदाम वेहचुन बोरे मिकुन दोखा हेमाकिर। मति इद सबोय मुर्खताता पोल्लो मन्ता बाक्याकि ओरा पापते निन्दिता गमन्डि मन्दे ओरक इदाम पोल्लोंग वळकान्तोर।

कुलुसि 2:8

मिकुन परमेस्वरना बारेते मानेयना ग्यान अनि केवल खोटाल करिना करहिसुन बोरायि मिकुन दोखा हेमाकिर इन्जोर हुशार मन्ट। ओद मानेयता परम्परा अनि इद दुनियाता लोकुर बनेहकिता नियमता अनुसार मन्ता मति इद मसिना बारेता खरोय करिहानाता विरुद मन्ता।

१ तिमुति 5:8

अनि बोरे आपुना लोकुरक साटि विशेषाल आपुना लोतोरक साटि बाताले चिन्ता केवोरक ते ओरक आपुना विस्वासतुन तासिस अविस्वासिताल वने खराब मन्तोरक।

२ तिमुति 4:3

बाक्याकि लोकुरक खरोय उपदेशतुन केन्जोर आयनुरक अनि ओरक केन्जान साटि विचारकिता पोल्लोंग वळकस ओरकुन गिरदा किन्तोर करिहवालोरकुन ओर लोकुरक पळकानुरक।

तितुस 1:11

ते येरा टोडि बन्द किम! बाक्याकि येर लोकुरक खरोय करहाना हरचुन गलति पोल्लो करहान्तोर अनि दुसरोना परिवारता विस्वासतुन नाश किसिन्तोर, अनि पयसांग कमेय कियान साटि ओरक गलति पोल्लोतुन करहान्तोरक।

तितुस 3:10

अनि बोर मानेय मसिलोकुरा सभातुन बिगळे किया हुळान्तोर, ओन उन्दि-रन्ड बेरांग ओना गलतितुन समजेह किम अनि ओर समजेमायवेक ओना बारेते निमा वले वळकमा, अनि ओर मसिलोकुरा सभातुन बिगळे केमाकिर इन्जोर ओनाताल निमा अलग आम।

यहुदि 10:29

ते परमेस्वरना मरिन मजाकिस मानेमायोर अनि आपुनतुन पवित्र किन्ता ओद करारता नतुरतुन अपवित्र चिज इदाम मानेमास परमेस्वरना दयाता आत्मातुन अपमान कितुर ओर मानेय बचोन पकाय दन्ड पुटार इन्जोर निमाट विचार कितिट बहे?

१ पतरस 1:8

निमाट येसु मसिन हुळविट ते वने निमाट ओन मया किन्तोरिट। इदेक निमाट ओन हुळिला परविट ते वने ओनिगा विस्वास किस वर्णन किया परो अचोन महिमाते निन्दिता गिरदाते मन्तोरिट।

२ पतरस 2:3

ओरक खोटाल करिहवाल लोकुरक ओरा पकायि लालुचता कारणते आपुना बनेहकिता दोखाता पोल्लो वळकस मियाकेडाल धन कमेह कियानुरक। ओरा दन्ड परमेस्वरना द्वारा पकाय पहलेटाले तयार किन्ता। ओरा साटि तयार किता ओद नाश ओरकुन हर हुळिला आता।

१ युहनाल 2:26

अनि बोर मिकुन बहके किन्तोर ओरा कारणते नना इव पोल्लोंग मिकुन कोटान्तोनान।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

यहुदा 1:18

“आकरि दियाते आपुना अदरमता इच्चाता अनुसार ताकस प्रबुन मजाकेवालोर लोकुरक पसियानुरक” इन्जोर ओरक मिकुन इन्दुरक।

यहुदा 1:4

बाक्याकि मावोर परमेस्वरना दयातुन गलति वासना साटि उपयोग किस येसु मसिन मावोर वरोरे स्वामि अनि प्रबु इन्जोर मानेमायोर अदरमि लोकुरकनिकेडाल हुचुलोर लोकुरक मसिलोकुरा मावोर सभातिगा मकस वास मिलेमातुरक। येर लोकुरा दन्डता बारेते पवित्र पुस्तक पकाय पहलेय भविष्यवाणि किस मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:14

पहलेटा जानवरता मुने तोहान साटि परवांगि पुटता ओव चिन्हता द्वारा ओद दुसरो जानवर दरतितिगा मनवालोरकुन भळकेह किन्दुर। अनि तलवारते घाव आतु ते वने असा जितो आता ओद पहलेटा जानवरता मूरति बनेहकिम्ट इन्जोर ओद दुसरो जानवर दरतितिगा मनवालोरकुन इन्दुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:13

निमा बगा मन्तोन अगा सयताना सिंहासन मन्ता इन्जोर नना पुन्तोना; ते वने निमा नावा पोरोयतिगा स्थिर मन्तोन, अनि सयतान राज किन्तोर मिया मन्दाना ओद जागातिगा मिया नडुम नावोर विस्वासयोग्य साक्षि अन्तिपासतुन हव्कतुरक ओद बेरा वने नावागा मन्ता निया विस्वास तासोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:9

नना निया पकाय तकलिप अनि गरिबितुन पुन्तोना। मति निमा धनि मन्तोन। अनि आपुनतुन यहुदि इन्तोरक मति ओरक यहुदि हिलेर, मति सयताना उपदेशतुन मानेमान्तोर ओरा निन्दातुन वने पुन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:8

नना निया बुतोनुंग पुन्तोना, हुळा, नना निया मुने उन्दि कवाळ तरियस इरतोना, अदेन बोरे बन्द कियाला परोर, निया लावते हुचुन्सा मन्ता ते वने निमा नावा पोल्लोता पालन कितोन अनि नावा पोरोयता इन्कार केवि आति।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 6:10

“सबोयताल हजोर पवित्र अनि खरोय प्रबु दरतिता लोकुरकुन न्याय अनि दन्ड किस माकुन हव्कानाता बारेते बदला हियान साटि निमा बचोन वनाह बेरा कियाकि बहे?” इन्जोर ओरक पकाय जोरदे इतुरक।