२ पतरस 1:9 - Muria Far Western

⁹ बाक्याकि इव पोल्लोंग बोनिगा विकास केवोर ते ओर आन्दराल मन्तोर। अनि ओर मुने वायाना पोल्लोंगता बारेते समजेमाय परोर अनि ओर आपुना जुनाल पापतुन नोरस शुद्ध आतोर इन्जोर मरिंगतोर मन्तोर।

२ पतरस 1:9 Iomraidhean Croise

मरकुस 10:21

येसु ओन हुळस ओन मया कितुर। अनि ओन इतुर, “नियागा उन्दि पोल्लोता कमि मन्ता, निमा हन्जुन निया सबोय चिज मोमस गरिब लोकुरकुन हिम, निमा अदाम कियाकि ते निकुन स्वरगतिगा धन पुटार। अनि पजा वास नावा परके आम” इदाम वेहतुर।

लूका 18:22

अनि येसु ओन इतुर, “इदेक वने नियागा असा उन्दि पोल्लोता कमि मन्ता, निमा आपुना सबोय धनसंपतितुन मोमसुन अव डबुंग गरिब लोकुरकुन तुसिन ते निकुन स्वरगतिगा आत्मिक धनसंपति पुटार। अनि निमा नावा चेला बनेमाम।”

रोमि 6:11

अदामे मिया वने पापता संबन्दते हातु अनि पापता बोदे परिक्षा मावागा अदिकार हिले इन्जोर विचार किस इदेक निमाट येसु मसिनिगा केवल परमेस्वर साटि जिवित मन्तोरोम इदाम समजेमाम्ट।

गलाति 5:13

हे बायि-दादालोरक, मिकुन परमेस्वर स्वतन्त्र मन्दान साटि आचतोर, मति इद स्वतन्त्रतुन केवल शारिरिक वासनाता बुतो साटि सन्दि हेमाकिर मति मयाते वरोर दुसरोना सेवा किम्ट।

गलाति 5:6

बाक्याकि मसि येसुनिगा कतना कियाना अनि कतना कियाना आयो ओदेन बाराय बुतोता हिले। मुक्याल पोल्लो मयाते उत्पन्न आयवाल विस्वास मन्ता।

इफिसुस 5:26

एरते साप किस शुद्ध किन्तोर अदाम लेहका मसि आपुना पोल्लोते विस्वासि लोकुरकुन शुद्धि किस पवित्र बनेहकिन्तोर।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

१ पतरस 3:21

ओद उसा बपतिस्माता दृष्टान्त मन्ता, बपतिस्मा इदेक मेन्दुलता मयिल साप कियाना आयो मति शुद्ध अन्तकरण साटि परमेस्वरतुन उन्दि विनन्ति मन्ता, येसु मसिना असा जिवे मायानाता द्वारा माकुन पिसहान्तोर।

१ युहनाल 1:7

मति बदाम परमेस्वर वेळिचितिगा मन्तोर अदामे माक वने वेळिचितिगा ताकिकाट ते वरोर दुसरोनसंग संबन्द मन्ता अनि ओनोर मरि येसुना नतुर माकुन सबोय पापताल शुद्ध किन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:17

नना धनि मन्तोना अनि दनवान आतोना अनि नाकुन बोदे चिजता कमि हिले इन्जोर निमा इन्तोन मति निमा कम नशिब अनि तुच्च अनि गरिब अनि आन्दराल अनि भान्डाल मन्तोन इन्जोर पुनवि।