२ पतरस 1:6 - Muria Far Western

⁶ अनि परमेस्वरना बारेता पुन्दानातासंग संयम अनि संयमतासंग विस्वासते स्थिर मन्दाना, अनि स्थिरतातासंग परमेस्वरना गिरिदा कियाना बुतोंग कियाना,

२ पतरस 1:6 Iomraidhean Croise

लूका 21:19

अनि निमाट हिमते सहेन किस मनकिट ते मिकुन अनन्ता काळदा जिवा पुटार।”

लूका 8:15

मति इमान्दारिते अनि सहेनकिस पोसोरिंग परमेस्वरना पोल्लो मानेमास ताकान्तोरक ओर लोकुरक सोबाता जागाते अरतांग विजांग लेहका मन्तोरक।”

बुतोंग 24:25

मति परमेस्वरना मुने येताना योग्य आयाना, अनि आपुनतुन नियन्त्रन किस मन्दाना अनि परमेस्वर सबोय लोकुरकुन न्याय कियान साटि वायवाल मन्तोर ओद आकरि न्यायता दिया इदाम पोल्लोता बारेते पोलुस चर्चा किसोर मतोर, असके फेलिक्स वरियस उत्तर हितुर: “इदेक हन, बेरा हुळस नना असा निकुन केयका।”

रोमि 15:4

अनि परमेस्वरना पवित्र पुस्तकतिगा बचोक पोल्लोंग मुनेटाल कोटता मन्तांग अव सबोय माकुन करहान साटिय मन्तांग। बाक्याकि मावा साटि बाराय कियाना वाचा परमेस्वर कितोर अदेन ओर पुरा कियानुर इदाम आशा इरस माकुन पोसोरिंग सहेन किस मन्दान साटि अव पोल्लोंग माकुन हिमत हिन्ता।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

रोमि 8:25

मति बोद चिजतुन माक हुळोम अदेना स्विकार कियान साटि आशा किन्तोरोम ते हिमते सहेमास ओद आशिषसाटि हर हुळसोर मन्तोरोम।

१ कुरिन्थुस 9:25

अनि वरोर वरोर कुस्टि करसवाल मानेय ओद करसनाता नियमता अनुसार पकाय ध्यानते तयार आन्तोर। ओर कुस्टि करसवाल नाश आस मारिन्ता ओद मुकुटता बकसिस मन्ता ओद बकसिस साटि सबोय किन्तोर मति माक दरोज मन्वाल बकसिसता मुकुट साटि सबोय किन्तोरोम।

२ कुरिन्थुस 6:4

माक पकाय हिमते तकलिपतुन सहेनकिस गरिबिते अनि सन्कटता नडुमताल मुने हन्जुन इदाम सबोय पोल्लोतिगा परमेस्वरना सेवक लेहका आपुना सोबाय गुणतुन माक तोहान्तोरोम।

गलाति 5:23

नम्रताते मन्दाना अनि आत्मसंयमते मन्दाना; इदाम बुतोता विरोदते बोदे नियम हिले।

कुलुसि 1:11

अनि ओना गिरदाता संग सबोय प्रकारते दिर अनि सहनशिलता तोह परकिट इन्जोर परमेस्वरना महिमाता लावता अनुसार सबोय प्रकारतांग सामर्थते लाववाले आसोर हन्ट।

२ तिस्लुनि 1:4

अनि मिया जिवाता उपद्रव अनि पकाय तकलिपतुन शान्तिते सहेनकिस मिया विस्वासते जिकतोरिट इन्जोर इदेक वने माक परमेस्वरना सबोय मसिलोकुरा सभातिगा मिया विस्वासता बारेते अभिमान किन्तोरोम।

२ तिस्लुनि 3:5

प्रबु परमेस्वर मिया मन्दुन परमेस्वरना मया अनि येसु मसिना धिरजतिके बरसान साटि मदत किम्ट।

१ तिमुति 2:10

मति परमेस्वरना भक्ति स्विकार केवे आसकुन उचित मन्ता ओद भलायिता बुतोंग किसुन आपुनतुन आकर्षन केवि।

१ तिमुति 2:2

विशेषाल राजाह साटि अनि सबोय हजोर सरकारि नवकरि लोकुरक साटि प्रार्थना किम्ट बाक्याकि ओरक आपुना देशतोरक लोकुरकुन खरोय रितिते न्याय अनि सोबाय शासन कियान साटि परमेस्वर ओरकुन मदत कियाला पहाजे। अनि इदाम सबोय लोकुरकुन साटि प्रार्थना कियाकिट ते माक सोबाय शान्ति अनि परमेस्वरना इच्चाता अनुसार मन्दा परान्तोरोम।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

१ तिमुति 6:11

मति हे तिमुथियुस, निमा परमेस्वरनोर मानेय मन्तोन इन्जोर निमा वने इद सबोय खराब पोल्लोताल लक आस परमेस्वरना मुने येताना योग्य बनेमाम। अनि दरोज परमेस्वरना भक्ति किस येसु मसिनिगा विस्वास किम अनि सबोय लोकुरकुन मया किस धीरज अनि नम्र स्वभावता परके हन।

१ तिमुति 6:3

अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।

१ तिमुति 6:6

वरोर परमेस्वरना गिरदा कियाना बुतो किस ओद गिरदाते मन्दाना पकाय हजोर कमायि मन्ता।

२ तिमुति 3:5

अनि ओरक खरोय विस्वासि लेहका लोकुरकना मुने आपुनतुन प्रगट कियानुरक मति ओर लोकुरक आपुना जिवनते परमेस्वरतुन बुतो कियाला हेवोर। निमाट इदाम लोकुराताल लक मन्ट।

तितुस 1:1

परमेस्वर आचतोरक ओर लोकुरकुन विस्वासते मजबुत कियान साटि अनि परमेस्वरना सबोय आग्यातुन पालन किस जिवेमायान साटि मदत किन्ता ओद खरोय पोल्लोतुन ओरकुन करहान साटि, इदेनते ओरकुन परमेस्वरनासंग अनन्त जिवन जिवेमायाना आशा पुटानसाटि प्रबु येसु मसि नाकुन निवळेकितुर।

तितुस 1:8

मति ओर अध्यक्ष वरताहकुन सोबाय गिरदाते मानेमायवाल अनि भला कियान साटि तेयार मन्वाल, मया केवाल, न्याय केवाल अनि समजे किसुन वेहवाल, ओना मन शुद्ध मनि अनि ओर शान्त स्वभावतोर मनिर।

तितुस 2:2

अनि मुदयाह मानेयकुन करहा, अनि ओरकुन आपुनतुन हुशयार मन्वाल बनेहमायिर, अनि लोकुरक ओरकुन हुळसुन आदर केविर इदाम ओरक जिवेमायिर, समजदार आयिर, विस्वास इरिर, मया केविर, बोदायि दुःख सहेमायिला मजबुत आयिर।

यहुदि 10:36

बाक्याकि परमेस्वरना इच्चातुन पुराकिस ओर प्रतिज्ञा किता पोल्लोंग पुटिहकिट इन्जोर मिकुन पोसोरिंग सहेन किस मुने हन्दाना जरुरि मन्ता।

यहुदि 12:1

विस्वासि लोकुरा इचोन पकाय दल मावा नालुंग बासा मन्ता। विस्वासता अर्थ बाताल मन्ता इन्जोर ओरा जिवनता गवाहि माकुन वेहान्तोरक। इन्जोर मावा मुने मन्ता ओद लक्षतिके माक वरोरे वितिला साटि मावा विस्वासते मुने हन्दाना साटि माकुन परके पिळंगिन्ता सबोय पोल्लोंग अनि माकुन मुने हन्दानातुन अळेहकेवाल सबोय पापतुन हरचिस मावा मुने मन्ता ओद लक्षतिके पोसोरिंग सहेनकिस वितकाट।

यहुदि 6:12

इदाम निमाट आळसि आयोर आस विस्वास अनि पोसोरिंग सहेन किस मन्दानाते परमेस्वरना वाचाता वारिस मन्तोरक ओर लोकुरा लेहका आम्ट इन्जोर माक विचार किन्तोरोम।

यहुदि 6:15

अनि इदे रितिते अब्रहाम पोसोरिंग सहेनकिस परमेस्वर प्रतिज्ञा किता पोल्लो येतितुर।

२ पतरस 1:3

आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

२ पतरस 3:11

इव सबोय चिजक इदे रितिते पिघलेमायवाल मन्तांग इन्जोर आबार किसते पिघलेमायार, अनि ब्रंमान्डता सबोय चिजक पकाय कासते पिघले मायनुंग, अनि परमेस्वर सबोय लोकुरकुन न्याय कियान साटि वायान ओद दिया हर हुळस ओद दिया सान्डे वायाना साटि कोसिस किस,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:9

मिवोर तमो अनि येसुना पकाय तकलिपतिगा अनि राज्यतिगा अनि पोसोरिंग सहेन कियानातिगा मिया सहभागि मन्तोना नना युहन्ना, परमेस्वरना पोल्लो अनि येसुना गवाहिता कारण समुद्र नडुम मन्ता पतमुस पोरोयता टापुतिगा मतोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 13:10

“कयदितिगा हनवाल मन्तोर ओर कयदितिगा दायनुर; तलवारते हव्कानुर ओर तलवारतेय हायनुर।” पवित्र लोकुरा पोसोरिंग सहेनकियाना अनि विस्वास इगाय जरुरि पहाजे।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:12

परमेस्वरना आग्या मानेमान्तोर पवित्र लोकुरा पोसोरिंग सहेनकियाना अनि येसुनिगा मन्ता विस्वास इगा जरुर मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।