२ पतरस 1:4 - Muria Far Western

⁴ इद दुनियातिगा लोकुरा खराब इच्चाता कारण मन्ता ओद नाशताल पिसिच, परमेस्वरना स्वभावता सहभागि आयान साटि ओर अवेहना द्वारा माकुन पकाय किमति अनि पकायि महान वाचांग हितोर।

२ पतरस 1:4 Iomraidhean Croise

रोमि 9:4

ओरक इस्रायेल लोकुरक आन्दुरक अनि परमेस्वर ओरकुन आपुना बालपोस मरक आयान साटि आचतोर। अनि ओर बचोन माहान मन्तोर इद ओरकुन तोहतोर अनि ओरासंग करारक कितुर। अनि ओर ओरकुन मूसाना द्वारा नियम हिस आरादना बदाम कियाला पहाजे इन्जोर ओरकुन करिहतुर अनि ओरकुन वाचावने हितोर।

२ कुरिन्थुस 1:20

परमेस्वरना बचोक वाचा मन्तांग अव सबोय येसु मसिनिगा इंगोतासंग मन्ता इन्जोर परमेस्वरना स्तुति आयान साटि ओना द्वारा माक आमिन इन्तोरोम।

२ कुरिन्थुस 3:18

इन्जोर दुपटा बदलेमाता चेहराते प्रबुना महिमा आरसाता लेहका प्रतिबिंब किन्तोरोम। इदाम माक सबोय लोकुरक आत्मा मन्तोर ओर प्रबुना ओद मान्जाना रूपतिगा हुळुक हुळुक आसोर ओना ओदे रूपता लेहका माक वने बदले मासोर दान्तोरोम।

२ कुरिन्थुस 6:17

इन्जोर “ओर लोकुरा नडुमताल पसिस अलग आम्ट इन्जोर प्रबु इन्तोर; अनि बोदे विटाळ चिजतुन इटमाट ते नना मिकुन येचुन”

गलाति 3:16

इन्जोर परमेस्वर आपुना वाचा अब्राहामतुन अनि ओना सन्तानतुन हितुर। “सन्तानक” इन्जोर पकाय लोकुरा बारेते आयो मति “निया सन्तानतुन” इन्जोर वरोना बारेते इतुर ओर येसु मसिये आन्दुर।

गलाति 6:8

निमाट आपुना मेन्दुलता पाप स्वभावतुन गिरदा कियाकिट ते निमाट अनन्त काळता नाशतुन कोयकिट। मति निमाट पवित्र आत्मातुन गिरदा कियाकिट ते निमाट अनन्त जिवन कोयकिट।

इफिसुस 4:13

अनि बचोनवनाह विस्वासतिगा अनि परमेस्वरना मरिना अग्यानतिगा उन्दि आस मसि बदाम संपुर्ण मन्तोर अदाम माक वने ओना लेहकाय उन्दि संपुर्ण मानेय बनेहमायनावनाह मन्ता।

कुलुसि 3:10

अनि निमाट आपुना बनेहकेवाल परमेस्वरिन बराबर समजेमास ओना लेहका आयान साटि निमाट सबोय लोकुरक इदेक पुनाल स्वभावतुन स्विकार कितोरिट।

यहुदि 12:10

दुनियाता आपुना बाबोलोरक हुचुक दियांग साटि माकुन दन्ड किस माकुन सुदरे कितुर। ओरा विचारते माकुन सबोयताल सोबाय पोल्लो किन्तोर इन्जोर समजेमास अदाम कितोर। मति परमेस्वर माकुन दन्ड किन्तोर ओद मावा फायदा साटि अनि माक वने ओना पवित्रतातिगा सहभागि आयान साटि मन्ता।

यहुदि 9:15

अनि इद कारणते परमेस्वर मूसानासंग किता जुनाल करारता काळते ओद नियमतुन पालन किया परोर आतोरक सबोय पापि लोकुरकुन आपुना हायानाता द्वारा अनन्त काळता वारिस आयाना वाचाते केयतोर सबोय लोकुरकुन लेहचियान पुटान साटि मसि पुनाल करारता मध्यस्थि मन्तोर।

याकुब 1:27

अनि अनाथ अनि रान्डिह आसकना गरिब परिस्थितिते मदत कियाना अनि दुनियाता गलतिताल आपुनतुन पिसहाना ओद मावोर बाबो परमेस्वरना हेरे शुद्ध अनि सोबाय भक्ति मन्ता।

२ पतरस 1:1

येसु मसिनोर दास अनि येसु मसिना खास चेलाल शिमोन पतरस, मावोर परमेस्वर अनि पिसिहवाल येसु मसिना दारमिकताता द्वारा मावालेहका पकाय किमति विस्वास पुटहान्तोर ओर लोकुरक साटि इद पत्र कोटान्तोर।

२ पतरस 3:13

मति केवल परमेस्वरना इच्चाता अनुसार सबोय लोकुरक जिवेमायनुरक ओद पुनाल आबार अनि पुनाल दरति साटि माक परमेस्वरना वाचाता अनुसार हर हुळिला आतोरोम।

२ पतरस 3:9

हुचुलोर लोकुरक विचार किन्तोरक लेहका प्रबु आपुना वाचा पुराकियान साटि बेरा केवोर। मति बोरे नाश आयमाकिर इन्जोर सबोय लोकुरकुन पस्तेमायाना सन्दि पुटि इन्जोर मिया बारेते पोसोरिंग सहेन किस मन्तोर।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।

१ युहनाल 3:2

हे प्रियलोकुरक, इदेक माक परमेस्वरनोर बालक आन्दाट मति माक बाताल आयकाट इन्जोर इदेक वनाह प्रगट आयोय। अनि बसके येसु प्रगट आयनुर ओर बदाम मन्तोर अदामे माक हुळकाट इन्जोर माक ओना लेहका आयकाट इचोन पुन्तोराट।