२ पतरस 1:3 - Muria Far Western

³ आपुना दारमिकता अनि महिमाता सहभागि आयान साटि माकुन केयतोर ओर परमेस्वरना बारेता मावा पुन्दानाते परमेस्वरना गिरिदा किस जिवेमायान साटि बाताले माकुन जरुरि मन्ता ओद सबोय आपुना दिव्य लावता द्वारा परमेस्वर माकुन हितोर।

२ पतरस 1:3 Iomraidhean Croise

मत्ति 28:18

येसु ओरा हेरे वातुर, “स्वरगतिगा अनि दरतितिगा सबोय अदिकार नाकुन हिता मन्ता।

रोमि 8:32

परमेस्वर आपुना मरिन वने पिसिहच इरोर आस माक सबोय लोकुर साटि बलिदान कियालाय सोपे कितोर ते ओर परमेस्वर मावा योजना किता सबोय पोल्लोंग बाक्या माकुन पकायि हेवोर आयनुर बहे?

रोमि 9:24

ओर आचतोर ओरिगा केवल यहुदिलोकुरक आयो मति माक यहुदि आयोर लोकुरक वने मन्तोरोम।

१ कुरिन्थुस 1:9

आपुनोर मरि अनि मावोर प्रबु येसु मसिना संगते मन्दान साटि मिकुन केयतोर परमेस्वर विस्वास योग्य मन्तोर।

२ कुरिन्थुस 12:9

मति प्रबु नाकुन “नावा दया निया साटि आयार, कमजोरितिगा नावा लाव पकाय तोहान्तोना” इन्जोर इतुर। इन्जोर मसिना लाव नावागा मन्दान साटि नना पकाय गिरिदाते नावा कमजोरिता बारेते हजोरपण किन्तोना।

इफिसुस 4:1

प्रबुना सोबाता पोल्लो वेहानाता कारण नना जेहलतिगा मन्तोना। परमेस्वर मिकुन केयतुर ओद केयानाता अनुसार जिवन जिवेमायिला पहाजे इन्जोर नना मिकुन विनन्ति किन्तोना,

इफिसुस 4:4

बसके मिकुन केयस मतोर ते उन्दिय आशासाटि केयस मतोर इदामे उन्दिय मेन्दुल अनि उन्दिय आत्मा मन्ता।

फिलिप्पि 3:8

अचोने आयो, नना नावोर प्रबु येसु मसिना बारेते आपुनतुन समजेमायानाता किमत दुसरो सबोयताल हजोर मन्ता इदाम पुन्ज नेन्डवनाह इव सबोय पोल्लोंगतुन वियार लेहका समजेमास ओव सबोयतुन तासिस नष्ट सहेन कितान।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

कुलुसि 1:16

बाक्याकि बारायि स्वरगतिगा अनि दरतितिगा मन्ता, बारायि दिसान्ता अनि बोद दिसो ओद सबोय ओनाय लावते उत्पन्न आता। अनि सबोय प्रकारता सिंहासन आयि या राज्य आयि, बोरायि शासक आयिर या अदिकारिक आयिर इदाम दिसाना अनि दिसो अव सबोयतुन ओर बनेहकितोर। अनि ओना साटिय उत्पन्न किता मन्ता।

१ तिस्लुनि 4:7

बाक्याकि परमेस्वर माकुन अशुद्धि आयान साटि आयो मति पवित्र आयाना साटि केयतुर।

२ तिस्लुनि 2:14

अनि मावोर प्रबु येसु मसिना महिमातुन पुटहान साटि ओर मावा सोबाता पोल्लोता वेहानाता द्वारा मिकुन केयतुर।

१ तिमुति 4:8

बाक्यकि आपुना मेन्दुलतुन मजबुत बनेकियान साटि माक कसरत किन्तोरोम अनि माक दरतितिगा मन्तोरोम अचोवनाहका इद कसरत माकुन मदत किन्ता। मति परमेस्वरिन गिरदा कियाना बुतो अदेनताल वने पकाय सोबाय मन्ता बाक्याकि इदाम बुतो कियाकि ते इद काळते अनि अनन्त काळते वने जिवन जगेमायिला मदत आयार।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

यहुदि 1:3

ओर परमेस्वर बचोन हजोर मन्तोर अदेन तोहान्तोर अनि ओर परमेस्वरना खरोय स्वभावतुन ओनिगा माक खरोय हूळ परान्तोरोम, अनि ओर दुनियाता सबोय चिजतुन आपुना लावता आग्याते पालन-पोषन किन्तोर। ओर माक सबोय लोकुरकुन पापताल शुद्ध कियाना हरि बेनेहकिस स्वरगतिगा मन्दाना हजोर महिमावाले परमेस्वरना तिन्दान कयबासा हन्जुन उदितुर।

१ पतरस 1:15

मति मिवोर केयवाल परमेस्वर पवित्र मन्तोर इन्जोर निमाट वने आपुना सबोय चाल-चलनतिगा पवित्र बनेमाम्ट।

१ पतरस 1:5

बोदे नाश आयो अनि बोदे डाग हिले इदाम निर्मल अनि बसकेय कोमेजेमायो ओद मिया साटि स्वरगतिगा इरस मन्ता वारिस पुटान साटि माक पुनाल जनमा हिहितुर।

१ पतरस 2:21

अनि निमाट इदेन साटिय केयतोर मन्तोरिट, बाक्याकि मसि वने मिया साटि दुःख ताहतुर अनि निमाट वने ओना हरिते इन्जोर मिकुन उन्दि आदर्श हिस हतोर।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।

१ पतरस 3:9

खराब बुतोता बदला खराब बुतो केमाट, अपमानता बदला अपमान केमाट मति निमाट आशिषता वारिस आयान साटि केयतोर मन्तोरिट इन्जोर अदेना बदलाते आशिरवाद हिम्ट।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

२ पतरस 1:10

इन्जोर हे बायि-दादालोरक, परमेस्वर मिकुन खरोय केयतोर अनि आचतोर ओद पोल्लोतुन मिया मन्दे पका कियान साटि सोबाय कोसिस किसोर हन्ट, बाक्याकि इदाम कियाकिट ते बसकेय मिया विस्वास जिवनतिगा कोदोर हेवि आयकिट।

२ पतरस 1:2

परमेस्वर अनि मावोर प्रबु येसुना पुन्दानाता कारण दया अनि शान्ति मियागा पकाय विळसोर हनि।

२ पतरस 1:5

इदे कारणते निमाट आपुना विस्वासतासंग लोकुरक साटि सोबायि बुतो कियाना पकायि हिमत, अनि अदेनासंग परमेस्वरना बारेता पुन्दाना,

२ पतरस 1:6

अनि परमेस्वरना बारेता पुन्दानातासंग संयम अनि संयमतासंग विस्वासते स्थिर मन्दाना, अनि स्थिरतातासंग परमेस्वरना गिरिदा कियाना बुतोंग कियाना,

२ पतरस 1:8

बाक्याकि इव सबोय गुणंग मियागा मन्तांग अनि अदेना विकास आयिला आता ते मावोर प्रबु येसु मसिना पुरा ग्यानता बारेते हलकायिते बुतो किस पकायि कायांग ततान साटि मिकुन मदत किन्ता।

२ पतरस 2:20

ओरक मावोर प्रबु अनि पिसिहवाल येसु मसिना पुन्दाना द्वारा सन्सारता अलग-अलग प्रकारता अशुद्धताताल पिसियतोर, असा ओव पोल्लोतिगा हिरक्स हारेमातुर ते ओरा आकरि दसा पहलेटाल वने खराब आयार।

२ पतरस 3:18

मावोर प्रबु अनि पिसिहवाल येसु मसिना दया अनि पुन्दानातिगा विळसोर हन्ट। ओनाय दरोज अनि सबोय काळदे महिमा आसोर मनि। आमिन।