२ पतरस 1:1 - Muria Far Western

¹ येसु मसिनोर दास अनि येसु मसिना खास चेलाल शिमोन पतरस, मावोर परमेस्वर अनि पिसिहवाल येसु मसिना दारमिकताता द्वारा मावालेहका पकाय किमति विस्वास पुटहान्तोर ओर लोकुरक साटि इद पत्र कोटान्तोर।

२ पतरस 1:1 Iomraidhean Croise

मत्ति 10:2

येर बारा खास चेलाह लोकुरा पोरोय इदाम मन्ता, पहलेटोर पतरोस पोरोयतोर शिमोन, अनि ओनोर तमो अन्दरियास, जबदिनोर मरि याकुब, अनि ओनोर तमो युहन्ना,

मत्ति 4:18

येसु गलील नहारता टका हेरे हन्जोर मतोर असके इवुर तमोलोरक अर्थ पतरस पोरोयतोर शिमोनिन, अनि ओनोर तमो अन्दरियास नहारतिगा जालि वाटानपा हुळतुर, ओरक ढिवरोह मतोरक।

लूका 1:47

अनि नावा आत्मा नावोर पिसवाल परमेस्वरताल पकाय गिरदा आत,

लूका 11:49

इन्जोर परमेस्वर आपुना ग्यानते मुनेटाले वेहतोर, ‘नना परमेस्वरना पोल्लो वेहवालोरकुन अनि परमेस्वरना पोल्लोतुन वेहान साटि आचतोर येसुना खास चेलालोरकुन ओरा हेरे लोहका अनि ओरक हुचुलोरकुन सत्तेकियानुरक अनि हुचुलोरकुन हव्कानुरक।’

युहनाल 1:42

ओरक शिमोनिन येसुना हेरे ततुर, येसु ओन हुळतुर अनि “निमा युहन्नानोर मरि शमोन आन्दि। नेटा दियाताल नना निया पोरोय कयफा इरतोना” (अदेना अर्थ पतरस आन्ता) इदाम येसु ओन इतुर।

युहनाल 12:26

अनि बोरायि नावा सेवा कियानुर ते ओर नावा परके वायिर अनि बगा नना मन्तोना अगा नावोर दास वने मन्दानुर अनि बोरायि नावा सेवाकियानुर ते बाबो ओना आदर कियानुर।”

युहनाल 20:21

अनि येसु असा ओरकुन इतुर, “मिकुन शान्ति पुटि इन्जोर बाबो नाकुन लोहतोर अदामे नना वने मिकुन लोहान्तोना।”

बुतोंग 15:14

यहुदि आयोर लोकुरकनिकेडाल हुचुलोरकुन आपुना लोकुरक आस आचान साटि परमेस्वर पहले ओरा नडुम बदाम बुतो कितुर इन्जोर शिमोन वेहतुर।

रोमि 1:1

परमेस्वर आपुनोर मरि अनि इद दुनियातिगा दावुदनोर वंशतिगा जनम आतोर, अनि हातोरिगाडाल असा जिवेमातुर इन्जोर पवित्र आत्माता द्वारा परमेस्वरनोर लाववाले मरि इदाम परमेस्वर आचतोर मावोर प्रबु येसु मसिना बारेते,

रोमि 1:12

मन्जे मिया अनि नावा नडुम एकमेका विस्वासते मियासंग नाकुन वने हिमत पुटि इन्जोर नना मिकुन मिलेमायाना साटि पकाय इच्चा किन्तोना।

रोमि 1:17

बाक्याकि परमेस्वर आपुना पोरो विस्वास किन्तोर ओर लोकुरकुन बदाम येताना योग्य बनेहकिन्तोर इन्जोर येसु मसिना बारेते सोबाता पोल्लोतिगा सुचेह कितोर। परमेस्वरना मुने येताना योग्य मुनेटाल आकरिवनाह विस्वासतिगा टिकेमाता। पवित्र पुस्तकतिगा कोटता मन्ता अदाम लेहका “परमेस्वरना मुने येताना योग्य विस्वासते जिवित मन्दानुर।”

१ कुरिन्थुस 1:30

परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।

१ कुरिन्थुस 15:9

बाक्याकि नना येसुना सबोय खास चेलानिगाडाल नाकुन बाताले महत्व हिले अनि नना परमेस्वरना सभातुन पकाय तकलिप हिस मतोना इन्जोर नना येसुना खास चेला इन्दानता योग्य वने हिलेन।

१ कुरिन्थुस 9:1

नावा गिरदाता पोल्लोंग कियाना साटि नना स्वतन्त्र मन्तोना बहे? नना येसुना खास चेला मन्तोना बहे? अनि नना मावोर प्रबु येसुन खरोय हुळतोना। नना प्रबुना बुतो कियानाता कारण निमाट ओनिगा विस्वास कितिट इन्जोर निमाट नावोर ओद बुतोता कायांग मन्तोरिट।

२ कुरिन्थुस 4:13

“नना विस्वास कितान इन्जोर वळकतान” इदाम पवित्र पुस्तकतिगा कोटता मन्ता लेहका विस्वासता ओदे आत्मा मावागा वने मन्ता। अनि माक वने विस्वास किन्तोरोम इन्जोर माक वने वळकान्तोरोम।

२ कुरिन्थुस 5:21

मसिनिगा बोदे पाप हिले आसि माक ओना द्वारा परमेस्वरना मुने येताना योग्य ठहरे मायिला पहाजे इन्जोर परमेस्वर मावा पापतुन ओना पोरो इरस मावा पापता साटि बलि बनेहकितुर।

गलाति 2:8

परमेस्वर पतरसतुन वरोर येसुना खास चेलाना रुपते यहुदि लोकुर साटि बुतो कियाना लाव हिस मतोर। अदामे परमेस्वर नाकुन वने लोकुरक यहुदि आयोर ओर लोकुरा हेरे वरोर येसुना खास चेलाना रुपते बुतो कियाना लाव हितोर।

इफिसुस 3:5

बदाम पवित्र आत्माता द्वारा इदेक ओनोर पवित्र येसुना खास चेला अनि परमेस्वरना पोल्लो वेहवालोरकनिगा प्रगट कितोर अदामे इद रहस्य योजना परकेडा पिळितुन इदाम प्रगट केवोर आस मतोर।

इफिसुस 4:11

ओर हुचुक लोकुरकुन येसुना खास चेला इन्जोर आचतुर अनि हुचुक लोकुरकुन परमेस्वरना पोल्लो वेहवालोरक इन्जोर आचतुर अनि हुचुक लोकुरकुन सोबाता पोल्लो वेहवालोरक इन्जोर आचतुर अनि हुचुक लोकुरकुन मसिलोकुरा सभाता विस्वासि लोकुरकुन मेहवालोरक इन्जोर आचतुर अनि हुचुक लोकुरकुन परमेस्वरना पोल्लो करिहवालोरक इन्जोर निवळेकितुर।

इफिसुस 4:5

वरोरे प्रबु मन्तोर, उन्दिय विस्वास अनि उन्दिय बपतिस्मा मन्ता,

फिलिप्पि 1:1

मसि येसुनोर सेवा केवालोरक पोलुस अनि तिमुथियुस फिलिप्पि सहेरतिगा मन्वालोर मसि येसुनिगा विस्वास किन्तोरक सबोय पवित्र लोकुरक अनि मसिलोकुरा सभाता मुक्यालोरक अनि ओरकुन मदत केवालोर सेवक लोकुरकुन साटि इद पत्र कोटान्तोरोम।

फिलिप्पि 1:29

बाक्याकि केवल येसु मसिनिगा विस्वास कियाना आयो मति ओना साटि पकायि तकलिप सहेनकियाना वने मिकुन विशेषाल आशिरवाद मन्ता।

फिलिप्पि 3:9

अनि मूसाना नियमता द्वारा पुटता दारमिकता आयो मति येसु मसिनिगा मन्ता विस्वासता कारण परमेस्वरताल पुटता दारमिकताता अनुसार ओनासंगे उन्दि जिवाते मन्दाना साटि अनि,

२ तिमुति 1:5

अनि निया खरोय विस्वासतुन नना आलहान्तोना, ओद खरोय विस्वास पहले निया आजि लोयिस अनि निया याल युनिकनिगा मता। अनि ओद खरोय विस्वास इदेक नियागा वने मन्ता इन्जोर नना पका मन्तोना।

तितुस 1:1

परमेस्वर आचतोरक ओर लोकुरकुन विस्वासते मजबुत कियान साटि अनि परमेस्वरना सबोय आग्यातुन पालन किस जिवेमायान साटि मदत किन्ता ओद खरोय पोल्लोतुन ओरकुन करहान साटि, इदेनते ओरकुन परमेस्वरनासंग अनन्त जिवन जिवेमायाना आशा पुटानसाटि प्रबु येसु मसि नाकुन निवळेकितुर।

तितुस 1:4

परमेस्वरना आग्याते इद सोबाता पोल्लो वेहाना साटि सोपेकिया, नना परमेस्वरनोर दास अनि येसु मसिना खास चेला पोलुस, उन्दिय परमेस्वरनिगा विस्वास किन्तोरिट इन्जोर नावोर खास मरि लेहका मन्तोर ओर तितुस साटि इद पत्र कोटान्तोना; मावोर परमेस्वर बाबाल अनि पिसिहवाल येसु मसि निकुन दया अनि शान्ति हेविर इन्जोर नना प्रार्थना किन्तोना।

याकुब 1:1

परमेस्वर अनि प्रबु येसु मसिहनोर दास याकुब पुरा दुनियाते हिके-होके आस मन्तोरक ओर बारा गोत्रतोर लोकुरकुन साटि कोटिन्तोना अनि मिकुन नमस्कार।

१ पतरस 1:1

येसु मसिनोर खास चेलाल पतरस, बाबो परमेस्वरना भविष्य ग्यानता अनुसार, येसु मसिना आग्या मानेमायान साटि अनि ओना नतुर हिदिक्स मुनेटाले आचतोरक, अनि परमेस्वरना आत्माते पवित्र बनेकितोरक पुन्तुस, गलातिया, कप्पुदुकिया, आसिया अनि बिथुनियातिगा हिके-होके आस परदेस मन्वालोर परमेस्वर आचतोर ओर लोकुरकुन इद पत्र कोटान्तोना।

१ पतरस 1:7

बाक्याकि परिक्षाते विजय आता मिया खरोय विस्वास ओद किसतिगा परिक्षा किता सोनोताल वने पकाय किमति मन्ता इन्जोर येसु मसि असा प्रगट आयनुर असके परिक्षाते विजय आता मिया खरोय विस्वास वाहवाता, महिमाता अनि आदरता कारण ठहरे मायि।

१ पतरस 2:7

विस्वास किन्तोरक मिया साटि ओद पकाय किमति मन्ता, मति बोर विस्वास केवोरक ओरा साटि “मिस्रि लोकुरक बेकार ठहरे किस मतोर ओद कल लोन बनेकियाना पायवाता विशेषाल कल आतु।”

१ पतरस 5:1

मियागडाल मसिलोकुरा सभाता मुक्याल लोकुरक साटि, मसिलोकुरा सभाता मुक्याल अनि मसिना पकाय तकलिपता गवाह अनि प्रगट आयवाल ओना महिमातिगा सहभागि मन्तोना नना मिकुन विनन्ति किन्तोना:

२ पतरस 1:4

इद दुनियातिगा लोकुरा खराब इच्चाता कारण मन्ता ओद नाशताल पिसिच, परमेस्वरना स्वभावता सहभागि आयान साटि ओर अवेहना द्वारा माकुन पकाय किमति अनि पकायि महान वाचांग हितोर।

यहुदा 1:1

येसु मसिनोर सेवक अनि याकुबनोर तमो यहुदा, बाबो परमेस्वर मया किन्तोर अनि येसु मसि साटि सुरक्षित इरान्तोर ओर सबोय केयतोर लोकुरक साटि इद पत्र कोटान्तोना।