२ कुरिन्थुस 10:3 - Muria Far Western

³ बाक्याकि माक वने इद दुनियातिगा मन्तोरोम मति माक परमेस्वरतुन पुनोर ओर लोकुरक बोव पोल्लोंग साटि वाहचान्तोरक ओव पोल्लोंग साटि माक वाहचोम।

२ कुरिन्थुस 10:3 Iomraidhean Croise

२ कुरिन्थुस 10:4

बाक्याकि मावा लळायिता हतयार दुनियातोर लोकुरक वापरे किन्तोर ओद हतयार आयो मति मावा विरोदि लोकुरा किल्ला लेहका मन्ता अळचनतुन नाश कियान साटि परमेस्वरताल पुटता लाव मन्ता।

गलाति 2:20

नना मसिनासंग कुरुस पोरो मन्तोना; इन्जोर नावा जुनाल मानेयना पापता स्वभाव बन्द आत मति मसिहा नावागा जिवित मन्तोर। अनि नना मेन्दुलतिगा इदेक जिवित मन्तोना ते केवल नाकुन मया किस नावा साटि आपुनतुन हितुर ओर परमेस्वरनोर मरिना विस्वासते जिवित मन्तोना।

रोमि 8:13

बाक्याकि निमाट पापि मेन्दुलता इच्चाता अनुसार जिवेमायकिट ते हायानाता योग्य दन्ड पुटार मति निमाट पवित्र आत्माता द्वारा मेन्दुलता इच्चातुन जिकिकिट ते अनन्त जिवन्ते मनकिट।

२ तिमुति 4:7

अनि उन्दि लळायि लेहका नना परमेस्वरना विस्वास साटि लळायि कितान, वरोर वितवाल बदाम जिकान्तोर अदाम लेहका परमेस्वर नावा कयदे हिता सोबाता पोल्लो वेहानाता बुतो नना सोबाय पुरा कितान। अनि येसु मसिना खरोय करहाना उपदेशतुन नना बसकेय तासिस हनोन।

१ तिमुति 1:18

हे नावोर मरि लेहका मन्तोन तिमुथियुस, पहलेटाले निया बारेते पुटता परमेस्वरना पोल्लोता अनुसार उन्दि सयनिक आपुना देश साटि बदाम लळायि किन्तोर अदामे निमा वने परमेस्वरना खरोय उपदेशतुन जिकान साटि लळायि किम इन्जोर नना निकुन आग्या हिन्तोना।

यहुदि 12:1

विस्वासि लोकुरा इचोन पकाय दल मावा नालुंग बासा मन्ता। विस्वासता अर्थ बाताल मन्ता इन्जोर ओरा जिवनता गवाहि माकुन वेहान्तोरक। इन्जोर मावा मुने मन्ता ओद लक्षतिके माक वरोरे वितिला साटि मावा विस्वासते मुने हन्दाना साटि माकुन परके पिळंगिन्ता सबोय पोल्लोंग अनि माकुन मुने हन्दानातुन अळेहकेवाल सबोय पापतुन हरचिस मावा मुने मन्ता ओद लक्षतिके पोसोरिंग सहेनकिस वितकाट।

रोमि 7:5

माक मानेयना पापि स्वभावते जिवेमान्दोम असके बाताल केमाट इन्जोर नियमतिगा आग्या हिस मता ओव पोल्लोंग कियान साटि पकाय इच्चा वासोर मता; ओद इच्चाते माक आपुना मेन्दुलते पाप किसोर मतोम। इदाम पाप कियानाता कारण परमेस्वरताल लक हन्ज हायानाता दन्डता योग्य आतोम।

रोमि 8:4

माक इदेक पाप स्वभावता इच्चाता अनुसार आयो मति इदेक परमेस्वरना नियम पुरा आयान साटि पवित्र आत्माता अनुसार जिवित मन्तोरोम।

२ कुरिन्थुस 1:17

ओद योजनातिगा नना चन्चलता कितान बहे? या उन्दि बेरा “इंगो, इंगो” अनि “आयो, आयो” इन्जोर इन्दाना इद दुनियाता लोकुरा सोच विचारता हिसाब लेहका नना इद योजनातुन बाक्या तयार कितोना बहे?