१ तिमुति 6:9 - Muria Far Western

⁹ अनि सावकार आयाना इच्चा किन्तोर ओर लोकुरक परिक्षातिगा अनि नाशता फन्दातिगा अरस पकाय व्यर्थ अनि दोखाता लालचते ओरा नाश आयार अनि परमेस्वर ओरकुन सोळेकियानुर।

१ तिमुति 6:9 Iomraidhean Croise

मत्ति 13:22

काटापोदेलानिगा वितस मतोर ओव विजा ते वरोर मानेय पोल्लोतुन केन्जान्तोर मति इद सन्सारता चिन्ता अनि संपतिता दोखा पोल्लोतिगा आहचुन ओरा विस्वास नाश आन्तोरक ओरा बारेते आन्दु।

मत्ति 19:22

मति ओर लयोर पकाय धनि मतोर इन्जोर इद पोल्लो केन्जुन दुःखि आस हतुर।

मत्ति 26:15

“नना ओन मिया कयदे पयपिस हियाका ते नाकुन बाताल हियाकिट?” इन्जोर इतुर; ओरक ओन चान्दिता तिसा डबुंग काहच हितुर।

मत्ति 6:19

येसु असा ओरकुन इतुर, “पुळियिक तिन्तांग अनि जंग लागान्ता अनि कलेर बुका अरहिच कलिला परान्तोर इद दरतितिगा आपुन साटि धन जमा केमाट।

मरकुस 4:19

अनि आपुना जिवनता बारेता चिन्ता अनि धनसंपतिते लोकुरकुन गिरदा पुटार इन्जोर ओद धनता दोखा अनि बोदे दुसरो चिजता लालुच अगा मिलेमास परमेस्वरना पोल्लोतुन नोवचान्तांग अनि अव नाश आसिन्तांग।

लूका 12:21

परमेस्वरना मुने धन बनेकेवोर आस आपुना साटि धनसंपति डगि किन्तोर ओर मानेय इदाम आन्दुर।”

लूका 21:35

बाक्याकि अव दियांग दरतितिंगा मनवालोरक सबोय लोकुरकनिगा उन्दि पसा लेहका हुरहायने वायार।

बुतोंग 8:20

पतरस ओन इतुर, “निमा परमेस्वरना दान डबुते असाना विचार किति इन्जोर निया डबुंग नियासंग नाश आयिंग।

इफिसुस 4:22

निमाट आपुना पहलेटा चालचनता बारेते मिकुन दोखा हिन्द ओद जुनाल स्वभावतुन टन्डस हरचिम्ट इन्जोर करहितोरिट।

१ तिमुति 1:9

अनि लोकुरक पापि मन्तोर इन्जोर परमेस्वर लोकुरक साटि नियमतुन हितुर इदाम माक समजेमान्तोरोम। अनि परमेस्वरना ओद नियमतुन तोळेकेवालोरक अनि परमेस्वरना ओद नियमतुन विरोद बुतोकेवाल लोकुरक अनि परमेस्वरतुन आदर केवोरक लोकुरक अनि दरोज पाप किस बसकेय पस्तेमायोरक अनि बोर प्रबुना मुने पवित्र जिवन जिवे केवोरक अनि बोर आपुना अवाल बाबोन हव्किन्तोरक अनि दुसरोन वने हव्किन्तोरक इदाम सबोय लोकुरक साटि परमेस्वर नियम हितुर,

१ तिमुति 3:7

अनि अविस्वासि लोकुरासंग सोबाय गवाहि मनिर बाक्याकि उन्दि जानवर सिकारिना जालितिगा पसेमान्ता अनि अगडाल पसिय परो अदाम लेहका ओर वने सयताना कयदे पसेमास दुसरो लोकुरा नडुम निन्दा आयमाकिर।

१ तिमुति 6:10

बाक्याकि पयसाना लालच सबोय प्रकारता खराब बुतोतुन मुक्या कारण आन्ता। इदाम पयसाना लालच किस हुचुक लोकुरक आपुना खरोय विस्वास तासिस पकाय दुःखते अरतुरक।

१ तिमुति 6:17

इद दुनियाता धनि मानेयकुन पकाय अभिमानि बने केमा अनि वान्ता दान्ता धनतिगा आशा इरमाकिर इन्जोर करहा, बाक्याकि आपुना गिरदा साटि सबोय चिजनुंग पकाय हिन्तोर ओर परमेस्वरनिगा आशा इरविर।

२ तिमुति 2:26

मति सयतान आपुना आग्या पालन कियान साटि ओर लोकुरकुन आपुना अदिकारतिगा कितुर, मति परमेस्वर आपुना इच्चातुन पुराकियान साटि ओरकुन पिसहानुर।

तितुस 2:12

अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

२ पतरस 2:3

ओरक खोटाल करिहवाल लोकुरक ओरा पकायि लालुचता कारणते आपुना बनेहकिता दोखाता पोल्लो वळकस मियाकेडाल धन कमेह कियानुरक। ओरा दन्ड परमेस्वरना द्वारा पकाय पहलेटाले तयार किन्ता। ओरा साटि तयार किता ओद नाश ओरकुन हर हुळिला आता।

यहुदा 1:11

बचोन पकाय तकलिप ओरा साटि वायार! बाक्याकि ओरक कायिनना हरिते ताकतुरक अनि मजदुरि साटि बिलाम लेहका गलति कितुरक अनि कोरहना लेहका विरोद किस नाश आतोरक।