१ तिमुति 6:5 - Muria Far Western

⁵ अनि ओर लोकुरा द्वारा दरोज लोकुरा नडुम वाहचाना आन्ता, ओर लोकुरकुन सोबाय अनि खराब पोल्लो बाताल इन्जोर पुनोर। अनि खरोय पोल्लोतुन समजेमायोर मति ओर परमेस्वरना भक्तितुन डबुंग कमेकियाना उन्दि धन्ता लेहका विचारकिन्तोर।

१ तिमुति 6:5 Iomraidhean Croise

मत्ति 12:33

येसु असा इतुर, “मरातुन सोबाय इन्किट ते अदेना कायातुन वने सोबाय इन्ट या मरातुन खराब इन्किट ते अदेना कायातुन वने खराब इन्ट बाक्याकि मरातुन अदेना कायाते पुन्तोर।

मत्ति 21:13

“ ‘नावा लोन प्रार्थनाता लोन इन्दानुर’, मति निमाट ते अदेन ‘कलेरला पान्जा बनेहकिन्तोरिट’ ” इदाम कोटता मन्ता इन्जोर ओर ओरकुन इतुर।

मत्ति 23:13

येसु असा इतुर, “हे नियमतुन करिहवालोर अनि परीसि लोकुरक परमेस्वर मिकुन पकाय दन्ड हियानुर। निमाट कपटि मन्तोरिट। स्वरगतिगा हन्दाना इच्चा किन्तोरक लोकुरा मुने निमाट स्वरग राज्यता टाटरा बन्द किन्तोरिट, आपुनास अगा हनविट अनि अगा हनवालोरकुन वने हन्दिला हेविट।

१ कुरिन्थुस 11:16

मति नना वेहता इद सबोय पोल्लोता बारेते बोरे वाद-विवाद कियानुर ते नना बोद पोल्लो वेहतोना अदेना सिवायि माक परमेस्वरना आरादना कियानाता दुसरो बोदे रिति हिले इन्जोर नना ओरकुन इन्तोना। अनि परमेस्वरना दुसरो सबोय सभातिगा वने इदे रिति मन्ता।

२ तिस्लुनि 3:6

हे बायि-दादालोरक, बोर खरोय करहाना मावाकेडाल येतितोर मति ओदेना अनुसार ओर ताकोर अनि ओर खराब चाल ताकान्तोरक अदाम तमो लोकुरकताल निमाट अलग आम्ट इन्जोर माक मिकुन प्रबु येसु मसिना पोरोयते आग्या हिन्तोरोम।

१ तिमुति 1:6

अनि हुचुलोर लोकुरक परमेस्वरना खरोय पोल्लोतुन हरचुन काल्पनिक पिटो अनि अनन्त वंशावलिता बारेता बहसते भटकेमातुरक।

१ तिमुति 3:3

अनि अध्यक्ष दाळंगो उन्वाल अनि पिटिहवाल मनमाकिर मति ओर कोमल स्वभावतोर मनिर, वाहचवाल मनमाकिर अनि गलत बुतो किसुन पयसांग कमेय केवाल मनमाकिर।

१ तिमुति 3:8

अनि मसिलोकुरा सभाता सेवकलोकुरक गम्बिर आयिला पहाजे अनि लोकुरा मुने उन्दि पोल्लो वळकसुन परके दुसरो पोल्लोंग वळकवाल आयमाकिर अनि दाळंगो उनवालोर अनि गलत बुतो किसुन पयसांग कमेय केवालोर मनमाकिर।

१ तिमुति 4:7

अनि ओद खोटाल अनि व्यर्थ पिटोतुन पुरा इन्कार किम; अनि इदाम पिटो सिरानते बनेकितुरक मति इव खोटाल अनि व्यर्थ पिटेंग लोकुरकुन परमेस्वरना आदर कियान साटि मदत केवोंग इन्जोर निमा परमेस्वरना खरोय उपदेशता पालन कियाकि ते निमा परमेस्वरिन गिरदा केवाल मानेय आयकि।

१ तिमुति 4:8

बाक्यकि आपुना मेन्दुलतुन मजबुत बनेकियान साटि माक कसरत किन्तोरोम अनि माक दरतितिगा मन्तोरोम अचोवनाहका इद कसरत माकुन मदत किन्ता। मति परमेस्वरिन गिरदा कियाना बुतो अदेनताल वने पकाय सोबाय मन्ता बाक्याकि इदाम बुतो कियाकि ते इद काळते अनि अनन्त काळते वने जिवन जगेमायिला मदत आयार।

१ तिमुति 6:6

वरोर परमेस्वरना गिरदा कियाना बुतो किस ओद गिरदाते मन्दाना पकाय हजोर कमायि मन्ता।

२ तिमुति 3:5

अनि ओरक खरोय विस्वासि लेहका लोकुरकना मुने आपुनतुन प्रगट कियानुरक मति ओर लोकुरक आपुना जिवनते परमेस्वरतुन बुतो कियाला हेवोर। निमाट इदाम लोकुराताल लक मन्ट।

२ तिमुति 3:8

अनि बदाम यन्नोस अनि यम्ब्रोस पकाय वरसाना पहले परमेस्वरनोर सेवक मूसाना विरोद कितुरक अदामे खोटाल उपदेश करिहवालोरक मसिना खरोय उपदेश करिहानातुन विरोद किन्तोरक। अनि ओर आपुना बुद्धिते गलति पोल्लोंग विचार किन्तोरक। अनि ओर लोकुरक येसु मसिना खरोय उपदेश करिहानातुन बसकेय विस्वास केवोरक।

तितुस 1:11

ते येरा टोडि बन्द किम! बाक्याकि येर लोकुरक खरोय करहाना हरचुन गलति पोल्लो करहान्तोर अनि दुसरोना परिवारता विस्वासतुन नाश किसिन्तोर, अनि पयसांग कमेय कियान साटि ओरक गलति पोल्लोतुन करहान्तोरक।

२ पतरस 2:15

ओरक खरोय हरितुन तासिस परमेस्वरना मुने गलत बुतो किस डबुंग कमेकेवाल बवोरनोर मरि बिलयामना हरिते हतुरक।

२ पतरस 2:3

ओरक खोटाल करिहवाल लोकुरक ओरा पकायि लालुचता कारणते आपुना बनेहकिता दोखाता पोल्लो वळकस मियाकेडाल धन कमेह कियानुरक। ओरा दन्ड परमेस्वरना द्वारा पकाय पहलेटाले तयार किन्ता। ओरा साटि तयार किता ओद नाश ओरकुन हर हुळिला आता।

यहुदा 1:11

बचोन पकाय तकलिप ओरा साटि वायार! बाक्याकि ओरक कायिनना हरिते ताकतुरक अनि मजदुरि साटि बिलाम लेहका गलति कितुरक अनि कोरहना लेहका विरोद किस नाश आतोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:13

अनि दालचिनि पोरोयता पकाय किमतिवाले दवा साटि मन्ता दयमुर तेल, सबोय प्रकारता मसालांग, धुप, दयमुर निय, लोबान, अंगुर जोमा, निय, मयदा, पिन्डि, टालाल-बुळगाह, बोकळाह-हरेंग, कोडांग, रथ अनि दास, अनि मानेयना जिवा इदाम चिजक मतांग। इदेक अदेना इदाम चिजक बोरे अदेना मोमोर आतुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:3

बाक्याकि सबोय जातितोर लोकुरक अदेनासंग व्यभिचार कितुरक इन्जोर परमेस्वर पकाय होंगते मन्तोर; अनि दरतितोर राजालोर अदेनासंग व्यभिचार कितोरक, अनि अदेन पकाय सुख-विलासते मन्दान साटि दरतितोर व्यापारि लोकुरकताल पकाय किमतिता चिजक असोर मन्दु अदाम ओरक अदेना कारण पकाय दनवान आतोरक।”