१ तिमुति 6:4 - Muria Far Western

⁴ अनि बोरे इदाम गलति उपदेश किन्तोर ओर घमन्ड केवाल मन्तोर मति ओर बाताले खरोय पोल्लोतुन पुनोर। अनि ओर आपुना बेकार उपदेशतुन लोकुरा हेरे ओसुन अदेना बारेते दरोज वाद-विवाद अनि ओद पोल्लोता अर्थता बारेते तर्क कियाना साटि खराब आदत मन्ता। अनि इदाम बहस पोल्लोता द्वारा हेवा कियाना, वाहचाना, चाहळिंग, अनि दुसरोनिगा खोटाल अनि संशय कियाना इदाम खराब पोल्लोंग पसिन्तांग,

१ तिमुति 6:4 Iomraidhean Croise

बुतोंग 15:2

पोलुस अनि बरनबास ओरा करियानाता विरोद मतोर इन्जोर ओरासंग पकाय वाद-विवाद कितुरक असके पोलुस अनि बरनबास अनि ओरागाडाल हुचुलोर मानेयक इद समस्याता बारेते येसुना खास लोकुरकुन अनि येरुसलेम सहेरता मसिलोकुरा सभाता मुक्याहलोरा हेरे वेहान साटि ओरा हेरे हनिर इन्जोर योजना कितुर।

बुतोंग 18:15

मति निमाट इन्तोरिट ओद पोल्लोंग केवल मिया यहुदि लोकुरा नियमता बारेता प्रश्न अनि वाद-विवाद मन्ता। इन्जोर इद समस्यातुन निमाट आपुना उपाय किम्ट बाक्याकि इव पोल्लोतुन न्यायि बनेमायाना नना इच्चा केवोन” इन्जोर इतुर।

बुतोंग 8:9

मति ओद सहेरतिगा शिमोन पोरोयतोर वरोर मानेय मतोर, ओर जादु-टोना किस आपुनतुन वरोर पकाय हजोर मानेय आन्दान इन्जोर वेहच सामरिता लोकुरकुन चकित किन्दुर।

रोमि 12:16

निमाट सबोय लोकुरासंग सोबाय संबन्द इराट, घमन्ड केमाट अनि दुसरो लोकुरक हुडलोर समजेमान्तोरक इदाम सबोय लोकुरासंग निमाट सोबाय संबन्द इराट, अनि केवल आपुनतुने बुद्धिमान समजेमायमाट।

रोमि 13:13

अनि लोकुरक दियाता वेळिचितिगा बदाम सोबाय बुतो किस जिवे मान्तोर अदामे माक वने सोबाय बुतो किस जिवेमायिला पहाजे। माकुन जेवेकियाना साटि केयानातिगा हन्जुन दाळंगो उन्जुन गलति रितिता गिरदाते मन्दाना आयो, अनि व्यभिचार किस खराब जिवन जिवे मायमाट। अनि माक दुसरोन हेवा किस वाहचमाट।

रोमि 14:1

हे मावोर बायि-दादालोरक, मियागाडाल बोरे विस्वासते कमजोर मन्तोर ते वने ओन येताट मति बोनाय मनतिगा मावाताल बाताले अलग विचार मन्ता ते अदेना बारेते निमाट न्याय केमाट।

रोमि 2:8

मति आपुना स्वार्थिपनते खरोय रितिते ताकोर मति अदरम किन्तोरक ओर लोकुरकुन परमेस्वर होंग किस पकाय दन्ड हियानुर।

१ कुरिन्थुस 11:16

मति नना वेहता इद सबोय पोल्लोता बारेते बोरे वाद-विवाद कियानुर ते नना बोद पोल्लो वेहतोना अदेना सिवायि माक परमेस्वरना आरादना कियानाता दुसरो बोदे रिति हिले इन्जोर नना ओरकुन इन्तोना। अनि परमेस्वरना दुसरो सबोय सभातिगा वने इदे रिति मन्ता।

१ कुरिन्थुस 11:18

मिकुन सबोयता मुने नना इद पोल्लो इन्दाना विचार मन्ता: प्रार्थना साटि मसिलोकुरा सभा मिलेमान्तोरिट असके मिया नडुम फुट आन्ता इन्जोर नना केन्जतान। इद पोल्लो हुचुक हुचुक खरोय मन्ता इन्जोर नना विस्वास किन्तोना।

१ कुरिन्थुस 3:18

बोरे आपुनतुन दोखा हेमाकिर। मियागा बोरे आपुनतुन इद दुनियाता रितिते ग्यानि इन्जोर विचार किन्तोर ते ओर मानेय आपुनतुन बाताले पुनोर मानेय लेहका बनेकिम। इदाम कियानुर ते ओर परमेस्वरना मुने खरोय ग्यानि आयनुर।

१ कुरिन्थुस 3:3

बाक्याकि निमाट इदेक वने परमेस्वरतुन पुनोर लोकुरक लेहका ताकान्तोरिट। मियागा हेवा अनि वाहचाना आन्ता ते निमाट बाताल परमेस्वरतुन पुनोर दुनियाता लोकुरक लेहका अनि मानेयना नियमता अनुसार ताकविट लोकुरक लेहका हिलविट बहे?

२ कुरिन्थुस 11:20

बाक्याकि बोरे मिकुन दास बनेकिन्तोरक या मिया फायदा येतानतोरक या फसेह किन्तोरक या आपुनतुन हजोर किन्तोरक या मिया कोरवितिगा थापळिते हिन्तोर ते वने निमाट सहे किन्तोरिट।

गलाति 5:15

मति बदाम जानवर आपसते पल्क कसकुन वाहचानतांग अदामे निमाट वने वरोन दुसरोनसंग वाहचान्तोरिट ते निमाट आपसते वरोन दुसरोना नाश केवि आयकिट इन्जोर हुशयार मन्ट।

गलाति 5:26

माक वरोन दुसरोन छेळे किस, हेवा किस बेकारता घमेन्ड केवाट।

गलाति 6:3

मति निमाट हुडलोर मन्तोरिट ते वने आपुनतुन पकाय हजोर समजेमान्तोरिट ते आपुनतुन दोखा हिन्तोर।

फिलिप्पि 1:15

ओरागाडाल हुचुलोर लोकुरक हेवा अनि होंगता कारणते मसिना सोबाता पोल्लो वेहान्तोर मति दुसरो हुचुलोर लोकुरक सोबाय विचारते येसु मसिना बारेता सन्देश हिन्तोर इन्जोर खरोय पोल्लो मन्ता।

फिलिप्पि 2:14

चतराल अनि हेकळ लोकुरा नडुम निमाट परमेस्वरना निरदोष अनि पवित्र बालकना गुण तोहिला पहाजे। इन्जोर बोदे बुतो कियानपा मन्दे बळबळेमास अनि विवादते केमाट। इदाम कियाकिट ते बोरे मिकुन दोष लावे केवोर आयनुर। चतराल अनि हेकळ लोकुरा नडुम अन्दकारता जागादिगा बदाम वेळिचि मान्जता अदाम लेहका निमाट परमेस्वरना पोल्लो वेहच इद दुनियातिगा ताकसोर मन्ट।

फिलिप्पि 2:3

केवल आपुना फायदा साटि अनि आपुना हजोरपण साटि बारायि बुतो केमाट मति आपुनतुन हुळिलोर बनेमास दुसरोन आपुनताल हजोर समजेमास सबोय बुतोतुन किम्ट।

कुलुसि 2:18

दर्शनता द्वारा पुटता इन्जोर लोकुरकुन आग्याता पोल्लो वेहच बोरायि मानेय नाटक किस पकाय नम्रता लेहका आपुनतुन तोहच अनि स्वरगदूतकना पुजा किस दुसरो लोकुरक वने इदाम कियाला पहाजे इदाम वेहचुन बोरे मिकुन दोखा हेमाकिर। मति इद सबोय मुर्खताता पोल्लो मन्ता बाक्याकि ओरा पापते निन्दिता गमन्डि मन्दे ओरक इदाम पोल्लोंग वळकान्तोर।

२ तिस्लुनि 2:4

अनि लोकुरक परमेस्वर इन्जोर मानेमान्तोर इद सबोयतुन या बोना आरादना किन्तोर ओद सबोय पोल्लोतुन ओर विरुद किस आपुनतुन हजोर कियानुर। प्रबुन अनि प्रबुना कानुनतुन विरुद बुतोकेवाल ओर मानेय परमेस्वरना प्रार्थना लोतिगा दायनुर अनि अगा ओर उदस आपुनतुन परमेस्वर इन्जोर इन्दानुर।

१ तिमुति 1:4

अनि खोटाल उपदेश करिहवालोरक आपुना पिळि पिळिता कालपनिक पिटेंग अनि आपुना दादा दादि लोकुरकना अनन्त वंशावलिता बारेते बहस किन्तोर, इदाम खोटाल उपदेश करिहवालोरकना सबोय पोल्लोतुन रोकेकिम बाक्याकि इद बहस परमेस्वरना योजना अनुसार आयो। अनि परमेस्वरना बुतोतुन परमेस्वरनिगा भरोसा किसुन कियाला पहाजे मति इद बहस खरोय विस्वासते मुने हन्दान साटि बसकेय मदत केवो।

१ तिमुति 1:7

अनि माक मूसाना द्वारा परमेस्वर लोकुरकुन हिता नियमतुन करिहवाल आयिकाट इन्जोर ओरक इच्चा किन्तोर, मति ओर पकाय विस्वासते करहान्तोर ओद पोल्लोता अर्थ बाताल मन्ता इन्जोर वने ओरकुन बाताले समजेमायो।

१ तिमुति 3:6

अनि अध्यक्ष पुनोर विस्वासि वने आयमाकिर बाक्याकि सयतान आपुना मन्दे घमन्ड किसुन दन्डमिलेमातु अदामे पुनोर विस्वासि वने आपुना मन्दे घमन्ड किसुन दन्डतिगा अरमाकिर।

२ तिमुति 2:14

अनि नना वेहता सबोय पोल्लोंग विस्वासि लोकुरकुन आलहिच हिम्ट, अनि उन्दि उन्दि पोल्लोता अर्थतुन पयसुन ओरक अदेना बारेते तर्क वितर्क किसुन लोकुरकना विस्वासतुन नाश किन्तोर अनि इदेना द्वारा दुसरोन बाताले लाभ पुटो। अदाम तर्क वितर्कतुन निमा बन्द किम।

२ तिमुति 2:23

अनि मुर्खताता निरर्थ बहसताल वाहचाना आन्ता इन्जोर समजेमास अदेनताल निमा लक हन।

२ तिमुति 3:4

अनि सोबाय गोतियाल लेहका नाटेक किस आपुना गोतियालोरकुन दुश्मना कयते पयपियानुर, अनि दुसरो लोकुराताल पकाय हजोर लेहका समजेमास गमेन्डते व्यवहार कियानुरक। अनि आपुना मेन्दुलता सुख विचार किसोर मन्दानुरक मति परमेस्वरतुन माया केवोरे आयनुरक,

तितुस 3:9

मति बेकारता पोल्लोंग अनि वारसाना बारेते ओरा विवादताल लक मन्ट अनि यहुदि नियमता बारेते विवाद किन्तोरक ओरा वने लक मन्ट अनि वाहचानाताल लक मन्ट, बाक्याकि इव सबोय पोल्लोंग बाताले फायदातांग हिलेंग अनि बाताले बुतोता वने हिलेंग।

याकुब 1:19

हे नावोर बायि-दादालोरक, सबोय लोकुरक ध्यान किस केन्जाना अनि विचार किस वळकाना अनि सान्डे होंग केमाकिर इन्जोर निमाट पुन्तोरिट।

२ पतरस 2:12

मति येरक खोटाल करिहवालोरक केवल मानेयना कयते पयस हव्काना साटि जनम आता केळाता निरबुद्धि जानवर लेहका मन्तोरक। अनि बोव पोल्लोनुंग ओरक बाताले पुनोरे अदेना बारेते दुसरो लोकुरकुन गलति खराब इन्तोरक, मानेय जानवरकुन हव्कान्तोरक अदामे परमेस्वर येर खोटाल करिहवालोरकुन वने नाश कियानुर।

२ पतरस 2:18

ओरक खराब बुतो किस-किस जिवित मन्वालोर लोकुरकनिकेडाल पकायि मुसकिलते इदेक पिसिस वातोर ओर लोकुरकुन, येरक बेकार हजोरपणता पोल्लोंग वळकस वळकस आपुना शारिरिक इच्चाता खराब बुतो कियाना साटि फसेकिहिन्तोरक।

यहुदा 1:10

येर लोकुरक बोव पोल्लोंग येरकुन समजेमायोंग अदेना निन्दा किन्तोरक। अनि बुद्धि हिले ओद जानवरक लेहका बोव पोल्लोंग येरकुन स्वाभाविक रितिते आपुना अनुभवते समजेमान्तोरक अदेना कारण येरक आपुना नाश किन्तोरक।

यहुदा 1:16

येरक लोकुरक बळबळेमायाना अनि दोष पळकवालोर मन्तोरक, अनि आपुना इच्चा अनुसार ताकवालोर मन्तोरक, अनि येरक घमेन्डता पोल्लोंग वळकान्तोरक, अनि येरक आपुना फायदा साटि दुसरोनसंग चापलुसि पोल्लोंग वळकवाल मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:17

नना धनि मन्तोना अनि दनवान आतोना अनि नाकुन बोदे चिजता कमि हिले इन्जोर निमा इन्तोन मति निमा कम नशिब अनि तुच्च अनि गरिब अनि आन्दराल अनि भान्डाल मन्तोन इन्जोर पुनवि।