१ तिमुति 6:19 - Muria Far Western

¹⁹ अनि इदाम वायाना काळते खरोय जिवन ओरकुन मिलेमायाना साटि सोबाता पायवा इरिर इन्जोर ओरकुन आग्या किम।

१ तिमुति 6:19 Iomraidhean Croise

मत्ति 19:21

येसु ओन, “निमा परिपूर्ण आयाना इच्चा किन्तोन ते हन्जुन आपुना धनसंपतितुन मोमस गरिबकुन हिम अनि वास नावा चेला आम अनि निकुन स्वरगतिगा निया धन जमा आयार” इन्जोर इतुर।

लूका 12:33

अनि निमाट आपुना धनसंपतितुन मोमसुन दान हिसिम्ट। बोरे कलेरक ओयोर या पुळियक वने तिन्ज नाश केवोंग ओद स्वरगतिगा, बसकेन जुनाल आयो आयार पिसविंग अनि बसकेय मारो आयार धनसंपतिहकुन स्वरगतिगा डगि किम्ट।

लूका 16:25

“मति अब्रहाम इतुर, ‘हे मरि, निमा आपुना जिवातमेन सोबातांग चिजकुन येतितोन, अनि लाजर खराब चिजकुन येचमतोर इदाम निमा अलहा। मति लाजर इदेक इगा सोबाय शान्तिते मन्तोर, अनि निमा नरकतिगा तळपे मान्तोन।

लूका 16:9

अनि येसु असा इतुर, धनसंपति दरोज मियासंग मनो आयार इन्जोर इद दुनियाता धनसंपतितुन गरिब लोकुरकुन हिसुन ओरकुन गोतियाल बनेकिम्ट, अदाम इद दुनियाता धनसंपतितिगा ध्यान हेवोर आयकिट ते मिकुन अनन्ता जिवा साटि स्वरगतिके परमेस्वर ओयनुर इन्जोर नना मिकुन इन्तोना।

लूका 18:2

“उन्दि सेहेरतिगा परमेस्वरदुन वरयोर बोरे मानेयकुन वने मानेमायोर वरोर न्याय केवाल अदिकारि मतोर।

लूका 18:22

अनि येसु ओन इतुर, “इदेक वने नियागा असा उन्दि पोल्लोता कमि मन्ता, निमा आपुना सबोय धनसंपतितुन मोमसुन अव डबुंग गरिब लोकुरकुन तुसिन ते निकुन स्वरगतिगा आत्मिक धनसंपति पुटार। अनि निमा नावा चेला बनेमाम।”

गलाति 5:6

बाक्याकि मसि येसुनिगा कतना कियाना अनि कतना कियाना आयो ओदेन बाराय बुतोता हिले। मुक्याल पोल्लो मयाते उत्पन्न आयवाल विस्वास मन्ता।

इफिसुस 3:17

मसिनिगा निमाट विस्वास किन्तोरिट इन्जोर ओर मिया मन्दिगा दरोज मन्दिला पहाजे। अनि उन्दि मराता हिरक बदाम ओद मरातुन मजबुत किन्तांग या उन्दि लोता पायवा बदाम ओद लोतुन मजबुत किन्ता अदामे परमेस्वरना मया मिकुन मजबुत किसोर मनि।

फिलिप्पि 3:12

नाकुन इव पोल्लोंग पुटिहच या नना परिपूर्ण आतान इदाम वने आयो मति इद लक्षसाटिय येसु मसि नाकुन आचतोर इन्जोर ओद लक्षतिके अवाना साटि मुने हन्दिला आतोना।

फिलिप्पि 3:14

अनि परमेस्वर येसु मसिना द्वारा नाकुन केयतुर ओद पकाय महत्वपुर्ण केयनाता अनुसार स्वरगतिगा नावा साटि इरता बक्षिस पुटान साटि ओद लक्षयतिके पकाय ध्यान किस वितसोर दान्तोना।

१ तिमुति 6:12

विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

२ तिमुति 1:1

अनि नना येसु मसिना खास चेला पोलुस विस्वासते प्रिय मरि लेहका मन्तोर ओर तिमुथियुसिन इद पत्र कोटान्तोना। अनि परमेस्वरना इच्चा कियान साटि अनि बोर येसु मसिनिगा विस्वास किन्तोर ओर लोकुरकुन अनन्त जिवन पुटार इन्जोर परमेस्वरना ओद वाचा लोकुरकुन वेहान साटि ओर नाकुन आचतोर।

२ तिमुति 2:19

मति बोर परमेस्वरनिगा विस्वासकिन्तोर ओर लोकुरक उन्दि लोता मजबुत पायवा लेहका मन्तोर। ओरा विस्वास बसकेय नाश आयो आयार। अनि ओद पायवातिगा इदाम उन्दि शिक्का कोटस मतोर: “प्रबु आपुना लोकुरकुन सोबाय पुन्तोर अनि ओर लोकुरक पाप कियाना बन्द कियाला पहाजे।”

१ पतरस 1:4

ओर येसु मसिना हातोरिगाडाल असा जिवेमायानाता द्वारा, आपुना पकाय दयाते माकुन जिवित मन्ता ओद आशा पुटहान साटि, आकरि न्यायता बेरा प्रगट आयवाल पिसाना पुरा आयान साटि, विस्वासता कारण परमेस्वरना लावते सुरक्षित आस स्वरगतिगा मिया साटि इरस मन्ता,