१ तिमुति 6:18 - Muria Far Western

¹⁸ अनि धनि मानेय आपुना डबुते भलायि बुतो केविर अनि भलायि बुतो किसोर मनिर, अनि जरुरि लोकुरकुन उदार कियाना अनि मदत कियान साटि दानकेवाल मनिर।

१ तिमुति 6:18 Iomraidhean Croise

मत्ति 5:42

बोरायि नियाकेडाल तलकिर ते ओन हिम अनि बोर नियाकेडाल उदार येताना इच्चा किन्तोर ओन आयो इन्मा।”

लूका 12:21

परमेस्वरना मुने धन बनेकेवोर आस आपुना साटि धनसंपति डगि किन्तोर ओर मानेय इदाम आन्दुर।”

लूका 3:11

अनि युहन्नाल लोकुरकुन इदाम उत्तर हितुर, “बोनिगा रन्ड बन्डिंग मन्तांग ओर बोनिगा हिले ओनासंग तुसीर अनि बोनासंग जेवन मन्ता ओन बोनिगा हिले ओन हेविर।”

बुतोंग 10:38

नासरितोर येसुन पवित्र आत्मा अनि लावदे परमेस्वर बदाम अभिषेक कितुर अनि ओर बदाम सोबाय किसोर सयताना कारण सतेहकिस मतोर सबोयलोरकुन सुदरे किसोर वलियतुर इन्जोर निमाट पुन्तोरिट। परमेस्वर ओनासंग मतोर।

बुतोंग 11:29

असके चेलालोरक सबोयजन आपुना धनता अनुसार यहुदियातिगा मन्वालोर विस्वासि लोकुरा मदत साटि हुचुक मदत लोहिर इन्जोर चेलालोरक निर्णय कितुरक।

बुतोंग 9:36

याफातिगा तबिता पोरोयता उन्दि विस्वासि आळ मन्जोर मता। (अदेना पोरोयता अर्थ कोडराल इन्जोर मता)। ओद पकाय सोबाय बुतो अनि दान किसोर मता।

रोमि 12:13

अनि विस्वासि लोकुरकुन बोदायि जरुरत मन्ता ओरकुन मदत किम्ट अनि वरताहना स्वागत कियान साटि पकाय गिरदाते मन्ट।

रोमि 12:8

अनि बोने हिमत हियाना वरदान पुटता ते दुसरो लोकुरकुन हिमत हिसोर मनिर। अनि बोने दान दरम कियाना वरदान पुटता ते ओर दुसरो लोकुरकुन उदारताते दान दरम किसोर मनिर, अनि बोने ताकिहवाल आयाना वरदान पुटता ते ओर आपुना बुतो गिरदाते केविर। अनि बोने दया कियाना वरदान पुटता ते ओर गिरदाते दया किसोर मनिर।

१ कुरिन्थुस 16:2

अनि हपताता पहले दिया मन्जे इतवार दिया निमाट सबोय लोकुरक मिया रोजिताल हुचुक डबुंग अलग इराट। निमाट इदाम कियाकिट ते नना वायका असके मिकुन असा डबुंग जमा कियाना जरुरि मनो आयार।

२ कुरिन्थुस 8:12

बाक्याकि दान हियानाता तयारि मन्ता ते बचोन हिया परान्तोरिट अचोन हिम्ट ओद परमेस्वरना येताना योग्य मन्ता। बोरे आपुना धनताल विळस दान हेविर इदाम आशा बोनाकेडाले केवोर।

२ कुरिन्थुस 8:9

मावोर प्रबु येसु मसि सावकार मन्ज वने ओना गरिब आयानाते निमाट सावकार आयकिट इन्जोर ओर मिया साटि गरिब आतुर ओना ओद दयातुन निमाट पुन्तोरिट।

गलाति 6:10

इन्जोर माक सन्दि पुटानपा सबोय लोकुरकुन विशेषाल विस्वासि लोकुरा भलायि किम्ट।

इफिसुस 4:28

बोर कलेर बुतो किसोर वातोर, ओर मुने कलेता बुतो केमाकिर मति बोन जरुरि मन्ता ओनासंग तुसिला बाताले पहाजे इन्जोर ओन आपुना कयदे सोबाय मेहनत कियाला पहाजे।

१ तिमुति 5:10

अनि ओद रान्डि आसक सोबाय बुतो केवे मनि अनि आपुना बालकिन पालन पोषन किस वरताहकुन सोबाय गिरदाते मानेमास पवित्र लोकुरा सेवा केवे मन्दिला पहाजे, अनि दुःखि लोकुरकुन मदत किस सबोय सोबाय बुतो कियान साटि मन्दे गिरदा केवे मन्दिला पहाजे। इदाम रान्डि आसकना पोरोय मसिलोकुरा सभाता मदत सुचितिगा कोटिला पहाजे।

तितुस 2:14

अनि मावा गलतिताल पिसान साटि अनि भलाता बुतो कियान साटि पकाय तयार मन्तोर लोकुरकुन आपुना साटि शुद्धि कियालाय येसु मसि मावा साटि हातुर।

तितुस 3:8

अनि इव पोल्लोंग बोव नना मिकुन वेहान्तोना इव पोल्लोंग पकाय खरोय मन्तांग, इन्जोर विस्वासि लोकुरकुन इव पोल्लोंग डाटेह किसुन ओरकुन समजे किम। अनि बोर परमेस्वरतिगा विस्वास कितोर ओरकुन इव पोल्लोनुंग सोबाय बुतो कियान साटि मन लावेह किसोर मनिरक इन्जोर इव पोल्लोंग पकाय सोबाय मन्तांग अनि सबोय लोकुरकुन फायदातांग मन्तांग।

यहुदि 13:16

मति दुसरो लोकुरक साटि सोबाय बुतो किस मिया चिजतुन दुसरोनासंग तुसाना इदाम पोल्लोंग मरिंगमाट बाक्याकि परमेस्वर इदाम बलिदानते गिरिदा आन्तोर।

याकुब 2:5

हे नावोर प्रिय बायि-दादालोरक केन्जाट: बाताल परमेस्वर गरिब लोकुरकुन विस्वासते दनवान बने कियान साटि अनि आपुनिगा मया केवालोरकुन वाचा किस मता परमेस्वरना ओद राज्यता वारिस आयान साटि ओरकुन आचतोर बहे? मति निमाट ओरक गरिब लोकुरकुन अपमान कितिट।

१ पतरस 3:11

ओर खराबता बुतो तासिस भलायि केविर, ओर शान्तितुन पळकसोर अदेन कियान साटि पकायि कोसिस केविर।

१ युहनाल 3:17

मति बोनाय हेरे दुनियाता धनसंपति मन्ता अनि ओर आपुना तमोन गरिब हुळस दया वायो ते ओनासंग परमेस्वरना मया बदाम मन्दार।

३ युहनाल 1:11

हे प्रिय, गलति लोकुरा चेला आयमा मति भला बुतो किन्तोर लोकुरा चेला आम। अनि भला बुतो किन्तोर ओर परमेस्वरनिकेडाल मन्तोर मति बोर गलति किन्तोर ओर परमेस्वरदुन पुनोर।