१ तिमुति 6:12 - Muria Far Western

¹² विस्वासता परके हन्दान साटि नियागा पकाय सन्कट वायार असके निमा खरोय विस्वासते मुने हन्दान साटि मेहनता लळायि किम। अनि इद विस्वास निमा पकाय लोकुरा मुने गवाहि हिस मतोर अनि निया अनन्त जिवन नाश केमा बाक्याकि अनन्त जिवन साटि परमेस्वर निकुन आचतोर।

१ तिमुति 6:12 Iomraidhean Croise

२ कुरिन्थुस 6:7

परमेस्वरना खरोय पोल्लो इमान्दारिते वेहचुन, परमेस्वरना लाव मावागा बुतो किसोर मता, आपुना विरोदि लोकुरा सबोय विरोदि बुतोताल पिसान साटि परमेस्वरना मुने येताना योग्य जिवन जिवेमान्तोरोम।

२ कुरिन्थुस 9:13

मसिना सोबाता पोल्लोता आग्यातुन निमाट मानेमायानाता कारण, येरुसलेम सहेरता पवित्र लोकुरक अनि दुसरो सबोय विस्वासि लोकुरकुन उदारताते मदत कियाना हुळसुन विस्वासि लोकुरक परमेस्वरना धन्यवाद कियानुरक।

फिलिप्पि 1:30

अनि येसु मसिना साटि मन्ता नावा पकाय तकलिप निमाट हुळतोरिट। अनि नना इदेक वने अदामे मन्तोना इन्जोर निमाट केन्जतोरिट। अनि इदेक माक सबोय लोकुरकुन नावा लेहका पकाय तकलिपते मन्ता।

कुलुसि 3:15

निमाट सबोय लोकुरक मसिना मेन्दुलता भाग मन्तोरिट। अनि शान्तिते मन्दान साटि परमेस्वर मिकुन आचतुर इन्जोर मसिना शान्ति मिया विचारतुन नियत्रण केवि। अनि दरोज धन्यवाद किसोर मन्ट।

२ तिस्लुनि 2:14

अनि मावोर प्रबु येसु मसिना महिमातुन पुटहान साटि ओर मावा सोबाता पोल्लोता वेहानाता द्वारा मिकुन केयतुर।

१ तिमुति 1:18

हे नावोर मरि लेहका मन्तोन तिमुथियुस, पहलेटाले निया बारेते पुटता परमेस्वरना पोल्लोता अनुसार उन्दि सयनिक आपुना देश साटि बदाम लळायि किन्तोर अदामे निमा वने परमेस्वरना खरोय उपदेशतुन जिकान साटि लळायि किम इन्जोर नना निकुन आग्या हिन्तोना।

१ तिमुति 1:19

अनि प्रबु येसु मसिना पोरोयता दरोज विस्वास किम अनि खरोय अनि गलति बाताल मन्ता इन्जोर दरोज समजेमायिला पहाजे। अनि हुचुक लोकुरक खरोय अनि गलति बाताल मन्ता इन्जोर ओद समजनातुन हरचितुरक। अनि उन्दि जहाज बदाम समुद्रतिगा मुळदिन्ता अनि पुरा नाश आन्ता अदामे खरोय उपदेशतुन हरचवालोरा विस्वास पुरा नाश आतु।

१ तिमुति 4:14

अनि मसिलोकुरा सभाता मुक्याल लोकुरक नियागा ओरा कय इरसुन प्रार्थना किस ओर लोकुरक निया बारेते परमेस्वरना पोल्लो वेहतुरक असके परमेस्वर निकुन हिता वरदानतुन निमा बसकेय तुच्च मानेमायमा।

१ तिमुति 6:13

अनि सबोय लोकुरकुन जिवन हिन्तोर ओर परमेस्वरना मुने, अनि पुन्तियुस पिलातुसना मुने, पकाय सोबाय गवाहि हिस मन्दुर ओर येसु मसिना मुने नना निकुन इद आग्या हिन्तोना। नना निकुन हिता सबोय आग्यातुन मावोर प्रबु दुसरो बेरा वायानवनाह पालन किसोर मनकि ते दुसरो लोकुरक नियागा दोष लावे केवोर आयनुर।

१ तिमुति 6:19

अनि इदाम वायाना काळते खरोय जिवन ओरकुन मिलेमायाना साटि सोबाता पायवा इरिर इन्जोर ओरकुन आग्या किम।

२ तिमुति 1:9

अनि ओर माकुन पिसितुर अनि पवित्र जिवन जिवेमायान साटि केयतुर अनि इद मावा बुतोता अनुसार आयो मति दुनिया बनेकियानाता मुने येसु मसिना द्वारा पिसाना हियान साटि आपुना योजना पुरा कियान साटि ओर योजना कितुर,

२ तिमुति 2:2

अनि नना पकाय लोकुरा मुने परमेस्वरना पोल्लो वेहतुर अनि निमा वने अदेन केन्जति। अनि इद पोल्लोतुन दुसरोन वने करहान साटि योग्य मन्तोर ओर इमान्दार लोकुरा कयते इद पोल्लोतुन निमा सोपेकिम।

२ तिमुति 4:7

अनि उन्दि लळायि लेहका नना परमेस्वरना विस्वास साटि लळायि कितान, वरोर वितवाल बदाम जिकान्तोर अदाम लेहका परमेस्वर नावा कयदे हिता सोबाता पोल्लो वेहानाता बुतो नना सोबाय पुरा कितान। अनि येसु मसिना खरोय करहाना उपदेशतुन नना बसकेय तासिस हनोन।

यहुदि 13:23

मावोर तमो तिमुथियुस दन्ड भोगेमास कयदिताल बाहरो वातोर इन्जोर निमाट पुन्ट। अनि ओर सान्डेय वायनुर ते नना ओनासंग मिकुन मिलेह कियाका।

यहुदि 3:14

बाक्याकि माक येसुनिगा विस्वास किता केवल ओद पहलेटा दियातांग विस्वासतिगा आपुना जिवाता आकरिवनाह मजबुते मनकाट ते माक मसिना सहभागि आसोर मनकाट।

यहुदि 6:18

ते इगा रन्ड पोल्लोंग मन्तांग मन्जे ओना वाचा अनि ओना शपथ ओव बसकेय बदले मायपरोंग अनि अवेहना बारेते परमेस्वर बसकेय खोटाल वळक परोर। इन्जोर परमेस्वरना हेरे भरोसा पुटहान साटि वातोरोम माकुन येसु मसिना द्वारा जरुर पुटान्ता इदाम विस्वास किन्ता पिसहानातुन हर हुळसोर मजबुतते मन्दाना कोसिस किन्तोर माकुन ओद रन्डास पोल्लोंग अर्थ परमेस्वरना वाचा अनि शपथ पकाय प्रोत्साहन हिन्ता।

१ पतरस 3:9

खराब बुतोता बदला खराब बुतो केमाट, अपमानता बदला अपमान केमाट मति निमाट आशिषता वारिस आयान साटि केयतोर मन्तोरिट इन्जोर अदेना बदलाते आशिरवाद हिम्ट।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

१ युहनाल 2:25

अनि ओर येसु मसि माकुन हिता वाचा अनन्ता जिवन आन्दु।

यहुदा 1:3

हे प्रिय गोतियालोरक, माक सबोय लोकुरक सहभागि मन्ता ओद पिसानाता बारेते नना कोटान साटि योजनाकिस पकाय मेहनत कितान। ओद बेरा पवित्र लोकुरक साटि, सबोय काळ साटि, उन्दिय बेरा सोपेह किस मतोर ओद विस्वास साटि लळायिकियाना जरुरिता बारेते मिकुन प्रोत्साहन कियाना पकाय जरुरि मन्ता इन्जोर नाकुन समजेमातान।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:3

इन्जोर ओरक निकुन केन्जिहता खरोय करिहाना अनि बदाम निमाट ओव पोल्लो येतितोन इन्जोर अलहा। ओद खरोय करहानातुन पालन किम अनि आपुना पापताल पस्तेमाम। अनि निमा हुशार मनवि आयकि ते नना कलेर लेहका वायका अनि बोद बेरा नना निया हेरे वायकान इन्जोर निमा पुनवि आयकि।