१ तिमुति 5:21 - Muria Far Western

²¹ अनि निमा आपुना मन्दे इद पोल्लोतुन स्विकार किसुन मानेमाम अनि बोदे बुतोतुन बोनागाय भेदभावते केमा इन्जोर परमेस्वर, येसु मसि अनि आचतोर स्वरगदूतकना मुने नना आग्या हिन्तोना।

१ तिमुति 5:21 Iomraidhean Croise

मत्ति 16:27

अनि नना मानेयतोर मरि आपुना बाबोना महिमाते आपुना पवित्र स्वरगदूतकनासंग वायनुर असके ओर वरोर वरोन आपुना बुतोता अनुसार बदला हियानुर।

मत्ति 25:41

“पजा ओर डावान बासाडोरकुन इन्दानुर, ‘हे सरापि लोकुरक, नावा मुनेटाल सयतान अनि ओनोर दूतक साटि तयार किता मन्ता ओद अनन्त काळता साटि मन्ता किसतिगा हन्ट।

मत्ति 28:20

नना मिकुन आग्या हितोना ओद सबोय पोल्लोंग ओरकुन मानेमायिला करहिस सबोय जातितोर लोकुरकुन नावा चेलाह बनेहकिम्ट; नना ते दुनियाता अन्तवनाह दरोज मियासंग मन्तोना” इन्जोर इतुर।

लूका 20:21

अनि ओरक येसुन पुच्चेमातुरक: “हे गुरु, निमा खरोय पोल्लोंग इन्जुन करहान्तोन अनि बोनाय पक्षपात केवोर आस परमेस्वरना हरितुन खरोयते वेहान्तोन इदाम माक पुन्तोरोम।

लूका 9:26

अनि बोर आयि मानेय नाकुन अनि नावांग पोल्लोनुंग वेहान साटि लज्जा आयनुर ते, ओना बारेते नना मानेयतोर मरि वने आपुना बाबोना अनि पवित्र स्वरगदूतनांग महिमासंग दुनियाता न्याय कियान साटि वायाना दियाते लज्जेमायका।

२ कुरिन्थुस 5:16

इन्जोर माक नेटाल दुनियाता लोकुरा नियमता अनुसार बोनाय न्याय केवो आयकोम। माक मसिन पहले दुनियाता लोकुरा नियमता अनुसार न्याय कितोम मति इदेक माक ओद दुनियाता लोकुरा नियमता अनुसार बसकेय मसिना न्याय केवोम।

१ तिस्लुनि 5:27

अनि इद पत्र सबोय विस्वासि लोकुरक साटि निमा वाचेकिस वेहा इन्जोर प्रबुना पोरोयते नना असा विनन्ति किन्तोना।

१ तिमुति 6:13

अनि सबोय लोकुरकुन जिवन हिन्तोर ओर परमेस्वरना मुने, अनि पुन्तियुस पिलातुसना मुने, पकाय सोबाय गवाहि हिस मन्दुर ओर येसु मसिना मुने नना निकुन इद आग्या हिन्तोना। नना निकुन हिता सबोय आग्यातुन मावोर प्रबु दुसरो बेरा वायानवनाह पालन किसोर मनकि ते दुसरो लोकुरक नियागा दोष लावे केवोर आयनुर।

२ तिमुति 2:14

अनि नना वेहता सबोय पोल्लोंग विस्वासि लोकुरकुन आलहिच हिम्ट, अनि उन्दि उन्दि पोल्लोता अर्थतुन पयसुन ओरक अदेना बारेते तर्क वितर्क किसुन लोकुरकना विस्वासतुन नाश किन्तोर अनि इदेना द्वारा दुसरोन बाताले लाभ पुटो। अदाम तर्क वितर्कतुन निमा बन्द किम।

२ तिमुति 4:1

येसु मसिलोकुरकनिगा राज कियान साटि असा मलस वायनुर असके ओर जितो अनि हातोर लोकुरा न्याय कियानुर इन्जोर नना परमेस्वर अनि येसु मसिन गवाहि किस मिकुन आग्या हिन्तोना:

याकुब 3:17

मति स्वरगताल वायवाल ग्यान पहले पवित्र मन्ता पजा शान्ति प्रिय, नम्रता, आग्याकारि, दया अनि सबोय प्रकारता सोबाय बुतो इदाम पोल्लोतुन कियान साटि इद ग्यान माकुन लाव हिन्ता। अनि ओद बोनाय पक्षपात केवो अनि कपटि हिले।

२ पतरस 2:4

पाप किता ओरक स्वरगदूतकुन वने परमेस्वर आदर केवोर आस नरकता आन्दार गुमयातिगा न्यायता दियावनाह केपसोर मनिर इन्जोर बन्दि किस वाटसीतुर।

यहुदा 1:6

परमेस्वर हिता बुतो केवोर आस आपुना पथतुन स्थिर इरोरक अनि आपुना मन्ताना जागातुन तासितुरक, ओरक स्वरगदूतकुन वने ओद पकाय हजोर दियाता न्यायकियान साटि आन्दारतिगा सबोय काळ प्रबु दोहच इरतोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:10

ते ओर परमेस्वरना कोपता कटोराताल बाताले मिसरेह केवो परमेस्वरना पकाय अरसता दाळंगो उन्डिला पहाजे, ओर मानेयतुन पवित्र स्वरगदूतक अनि बेळा पिलाता मुने किसते अनि गंधकते पकाय तकलिप आयार।