१ तिमुति 5:2 - Muria Far Western

² अनि हजोर आसकुन आपुना अवाल लेहका समजेमास आदर किम अनि लयानुंग पुरा पवित्रताते आपुना हेलाळ लेहका समजेमासुन वळका।

१ तिमुति 5:2 Iomraidhean Croise

मत्ति 12:50

नावोर स्वरगतोर बाबोना इच्चाते बोरायि ताकान्तोर, ओरे नावोर तमो, नावा हेलाळ, अनि नावा याल आन्दु” इन्जोर इतुर।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

१ तिस्लुनि 5:22

अनि सबोय खराब पोल्लोंगताल पिस मन्ट।

१ तिमुति 4:12

अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ तिमुति 5:1

आपुना वयताल हजोर लोकुरकुन निमा होंगदे वळकमा मति ओरकुन आपुनोर बाबोन लेहका समजेमास वळका। अनि आपुना वयता हुडलोर लोकुरकुन तमो लेहका वळका।

१ तिमुति 5:3

अनि बोदे खरोय रान्डि आसकुन बाताले मदत पुटो आन्ता अदाम रान्डि आसकुन निमा सोबाय पालन पोषन किस आदर किम।

२ तिमुति 2:22

इन्जोर हे तिमुथियुस, लयोर लोकुरक ओद पापता बुतो कियाना इच्चा किन्तोर मति निमा इदाम गलतितिकेडाल लक हन। अनि निमा परमेस्वरना मुने दरमि बनेमाम अनि भरोसा योग्य बनेमाम अनि दुसरोनिगा मयाकिम, अनि बोर शुद्ध मन्दे प्रबुनिगा विस्वास किन्तोर ओर लोकुरासंग शान्तिते मन्दान साटि पकाय कोसिस किम।