१ तिमुति 4:7 - Muria Far Western

⁷ अनि ओद खोटाल अनि व्यर्थ पिटोतुन पुरा इन्कार किम; अनि इदाम पिटो सिरानते बनेकितुरक मति इव खोटाल अनि व्यर्थ पिटेंग लोकुरकुन परमेस्वरना आदर कियान साटि मदत केवोंग इन्जोर निमा परमेस्वरना खरोय उपदेशता पालन कियाकि ते निमा परमेस्वरिन गिरदा केवाल मानेय आयकि।

१ तिमुति 4:7 Iomraidhean Croise

बुतोंग 24:16

इन्जोर परमेस्वरना मुने अनि मानेयना मुने खरोय मन्ता इदाम नना विस्वास किन्तोना ओद पोल्लो कियान साटि नना दरोज आपुनास कोसिस किन्तोना।

१ तिमुति 1:4

अनि खोटाल उपदेश करिहवालोरक आपुना पिळि पिळिता कालपनिक पिटेंग अनि आपुना दादा दादि लोकुरकना अनन्त वंशावलिता बारेते बहस किन्तोर, इदाम खोटाल उपदेश करिहवालोरकना सबोय पोल्लोतुन रोकेकिम बाक्याकि इद बहस परमेस्वरना योजना अनुसार आयो। अनि परमेस्वरना बुतोतुन परमेस्वरनिगा भरोसा किसुन कियाला पहाजे मति इद बहस खरोय विस्वासते मुने हन्दान साटि बसकेय मदत केवो।

१ तिमुति 1:9

अनि लोकुरक पापि मन्तोर इन्जोर परमेस्वर लोकुरक साटि नियमतुन हितुर इदाम माक समजेमान्तोरोम। अनि परमेस्वरना ओद नियमतुन तोळेकेवालोरक अनि परमेस्वरना ओद नियमतुन विरोद बुतोकेवाल लोकुरक अनि परमेस्वरतुन आदर केवोरक लोकुरक अनि दरोज पाप किस बसकेय पस्तेमायोरक अनि बोर प्रबुना मुने पवित्र जिवन जिवे केवोरक अनि बोर आपुना अवाल बाबोन हव्किन्तोरक अनि दुसरोन वने हव्किन्तोरक इदाम सबोय लोकुरक साटि परमेस्वर नियम हितुर,

१ तिमुति 2:10

मति परमेस्वरना भक्ति स्विकार केवे आसकुन उचित मन्ता ओद भलायिता बुतोंग किसुन आपुनतुन आकर्षन केवि।

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

१ तिमुति 4:8

बाक्यकि आपुना मेन्दुलतुन मजबुत बनेकियान साटि माक कसरत किन्तोरोम अनि माक दरतितिगा मन्तोरोम अचोवनाहका इद कसरत माकुन मदत किन्ता। मति परमेस्वरिन गिरदा कियाना बुतो अदेनताल वने पकाय सोबाय मन्ता बाक्याकि इदाम बुतो कियाकि ते इद काळते अनि अनन्त काळते वने जिवन जगेमायिला मदत आयार।

१ तिमुति 6:11

मति हे तिमुथियुस, निमा परमेस्वरनोर मानेय मन्तोन इन्जोर निमा वने इद सबोय खराब पोल्लोताल लक आस परमेस्वरना मुने येताना योग्य बनेमाम। अनि दरोज परमेस्वरना भक्ति किस येसु मसिनिगा विस्वास किम अनि सबोय लोकुरकुन मया किस धीरज अनि नम्र स्वभावता परके हन।

१ तिमुति 6:20

हे तिमुथियुस, निकुन सोपेह किता ओद खरोय पोल्लोतुन निमा लोकुरकुन करहा, लोकुरक ग्यान इन्जोर गलति रितिते समजेकिन्तोरक ओद परमेस्वरना विरुद करहाना अनि व्यर्थ बहसताल लक हन।

१ तिमुति 6:3

अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।

१ तिमुति 6:5

अनि ओर लोकुरा द्वारा दरोज लोकुरा नडुम वाहचाना आन्ता, ओर लोकुरकुन सोबाय अनि खराब पोल्लो बाताल इन्जोर पुनोर। अनि खरोय पोल्लोतुन समजेमायोर मति ओर परमेस्वरना भक्तितुन डबुंग कमेकियाना उन्दि धन्ता लेहका विचारकिन्तोर।

२ तिमुति 2:16

अनि परमेस्वरना विरोद मन्ता ओद गलति करहानाताल निमा लक हन बाक्याकि इदाम पोल्लोंग लोकुरकुन परमेस्वरनिकेडाल लक ओयनुंग।

२ तिमुति 2:23

अनि मुर्खताता निरर्थ बहसताल वाहचाना आन्ता इन्जोर समजेमास अदेनताल निमा लक हन।

२ तिमुति 3:12

अनि येसु मसिनिगा विस्वास किस पवित्र जिवन जिवेमायाना विचार किन्तोरक सबोय लोकुरकुन पकाय तकलिप आयार,

२ तिमुति 3:5

अनि ओरक खरोय विस्वासि लेहका लोकुरकना मुने आपुनतुन प्रगट कियानुरक मति ओर लोकुरक आपुना जिवनते परमेस्वरतुन बुतो कियाला हेवोर। निमाट इदाम लोकुराताल लक मन्ट।

२ तिमुति 4:4

अनि ओर खरोय उपदेशतुन केन्जोर मति ओरा आजि-दादा लोकुरक बनेकिता कालपनिक पिटोनिंग मानेमायनुरक इदाम उन्दि बेरा वायार।

तितुस 1:14

अनि यहुदि लोकुरांग बनेहकितांग पिटोनिगा अनि परमेस्वरना खरोय वाचातुन मानेमायान साटि इन्कार किन्तोर ओरा द्वारा बनेहकितांग नियमतिगा मन लावेह केमाकिर इन्जोर ओरकुन डाटेह किम।

तितुस 2:12

अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

तितुस 3:9

मति बेकारता पोल्लोंग अनि वारसाना बारेते ओरा विवादताल लक मन्ट अनि यहुदि नियमता बारेते विवाद किन्तोरक ओरा वने लक मन्ट अनि वाहचानाताल लक मन्ट, बाक्याकि इव सबोय पोल्लोंग बाताले फायदातांग हिलेंग अनि बाताले बुतोता वने हिलेंग।

यहुदि 5:14

मति हजोर जेवन हजोर लोकुरक साटि मन्ता बाक्याकि ओरक आपुना अनुभवते खरोय अनि खराबतुन पुन्दाना करियतोरक मन्तोरक।