१ तिमुति 4:16 - Muria Far Western

¹⁶ अनि निया व्यवहार अनि करहानाता बारेते पकाय सावदान मन बाक्याकि निमा करिहता ओद उपदेश खरोय उपदेश मन्ता इन्जोर निमा पकाय ध्यान किम। अनि नना निकुन कियान साटि वेहता इव सबोय पोल्लोतुन निमा दरोज किसोर मन। इदाम निमा किसोर मनकि ते परमेस्वर निकुन सबोय गलतिताल पिसाहानुर अनि निया सन्देश केन्जान्तोर ओर लोकुरकुन वने पिसानुरक।

१ तिमुति 4:16 Iomraidhean Croise

मरकुस 13:9

मति निमाट आपुना बारेते हुशार मन्ट बाक्याकि लोकुरक मिकुन हजोर सभातिगा सोपे कियानुरक अनि समाज मन्डलितिगा ओसुन पिटहानुरक अनि नावोर चेला आतिट इन्जोर राजपाल अनि राजाना मुने मिकुन हाजर कियानुरक अनि इद बेरा नावा बारेते ओरा मुने गवाहि वेहाना सन्दि आयि।

लूका 21:34

येसु चेलालोरकुन असा इतुर, “इन्जोर मिया मन दरोज तिन्दाना अनि दाळंगो उन्डाना अनि इद दुनियाता जिवनता पोल्लोंगना बारेते चिन्ता किसुन प्रबुना वायाना दिया मिया पोरो पसा लेहका हुरहाय वायमा इन्जोर निमाट सावदान मन्ट।

बुतोंग 26:22

मति परमेस्वरना मदतते नना नेन्डवनाह जिवित मन्तोना, अनि हुडलोरक या हजोरक इदाम सबोय लोकुरा मुने गवाहि हिसोर इगा मन्तोना।

बुतोंग 6:4

माक ते प्रार्थना अनि परमेस्वरना पोल्लोता सेवातिगा बुतो किसोर मनकोम” इन्जोर इतुरक।

रोमि 11:14

बदामे आयि निमाट यहुदि आयोर लोकुरकुन हुळस नावोर आपुनोर यहुदिलोकुरकुन हेवा आयिला पहाजे अनि अदाम ओरागडाल हुचुलोर लोकुरा पिसाना आयिला पहाजे इन्जोर नना आपुना सेवातुन पकाय मह्त्वाता मानेमान्तोना।

रोमि 16:17

हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

१ कुरिन्थुस 1:21

परमेस्वर खरोय ग्यानि मन्तोर। ओर परमेस्वर लोकुरक बचोने ग्यानि मनिरक ते वने ओरक आपुना ग्यानते ओन पुन्दिला परोर इदाम ओरकुन पुनपरवाहका कितुर। इदेना बदला परमेस्वरतुन पुनोर लोकुरक बेकार इन्तोर माक वळकिन्तोरोम मसिना बारेते ओद सोबाता पोल्लोतिगा विस्वास केवालोरकुन पिसहाना परमेस्वरतुन सोबाय लाकतु।

१ कुरिन्थुस 9:22

मसिना विस्वासते कमजोर लोकुरकुन पिसहान साटि ओरा विस्वासता कमजोरतिगा नना संगत बनेमातान। अनि बोदे रितिते हुचुलोर लोकुरकुन परमेस्वरना हेरे ततान साटि ओरासंग सोबाय संबन्द बनेकिस सबोय लोकुरक साटि सबोय बुतो कियालातान।

१ कुरिन्थुस 9:27

मति नना दुसरो लोकुरकुन सोबाता पोल्लो वेहतान पजा नाकुन पुटिला पहाजे ओद बकसिस नाकुन नष्ट आयमाकि इन्जोर नना नावा मेन्दुलतुन कबजा किस अदेन दास बनेहकिन्तोना।

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

कुलुसि 4:17

अनि अरखिपुसतुन प्रबुनिगा निकुन सोपे कितोर ओद सेवा हुशयारिते पुरा कियाकि इन्जोर इन्किट।

१ तिस्लुनि 2:16

अनि यहुदिलोकुरक आयोर ओर लोकुरा पिसाना साटि माक वेहता येसु मसिना सोबाता पोल्लो ओर यहुदिलोकुरक रोके किन्तोर अनि इदाम किसुन ओरक आपुना पाप निहचोर मन्तोर अनि ओर लोकुरकनिगा परमेस्वरना पकाय होंग अवता।

१ तिमुति 1:3

अनि इफिसुस सहेरतिगा मन्ज सबोय खोटाल प्रकारता करहानातुन बन्द कियान साटि हुचुक लोकुरकुन आग्या हिम इन्जोर नना रोमि देशता मकदुनिया प्रदेशतिके हन्दानपा निकुन सोबाय समजेकिस मतोना,

१ तिमुति 4:15

अनि निकुन कियान साटि नना वेहता पोल्लोंग पुरा ध्यान किसोर मन। इन्जोर निमा मसि सेवकना योग्य सोबाता पोल्लो वेहचुन अनि करिहसुन आपुना वरदानते बरसोर मन्तोन इन्जोर सबोय लोकुरक निया बारेते समजेमायनुरक।

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

२ तिमुति 2:10

इन्जोर परमेस्वर आचतोर ओर लोकुरकुन येसु मसिना द्वारा पिसाना पुटि अनि ओर उदस मन्तोर ओद स्थानतिगा महिमातासंग ओरक वने दरोज मन्दान साटि नना परमेस्वर आचतोर ओर लोकुरक साटि इद सबोय दुःख सहेमान्तोना।

२ तिमुति 3:14

मति हे तिमुथियुस, निमा करियता खरोय उपदेशतिगा विस्वास किसोर मन अनि इद उपदेश खरोय मन्ता इन्जोर निमा पुन्तोन बाक्याकि निकुन इद खरोय उपदेश करिहवालोर लोकुरक निया विस्वास योग्य मतोरक,

२ तिमुति 4:2

परमेस्वरना पोल्लो प्रचार कियान साटि सबोय परिस्थितिते तयार मन्ट। अनि सबोय प्रकारता सहनशीलताते उपदेशतासंग गलतितुन समजेकिस हिम। अनि प्रोत्साहन किस करहा।

तितुस 1:9

अनि ओर खरोय करियनातुन उपदेश हिस प्रोत्साहन किया परिर, अनि बोर लोकुरक खरोय करिहनातुन होंग किन्तोर ओरा गलतितुन समजेहकिसुन ओरा वळकाना बन्द केवाल मनिर इन्जोर ओर माक करिहिता विस्वास योग्य पोल्लोता अनुसार स्थिर मनवाल पहाजे।

तितुस 2:15

अनि निकुन सबोय पोल्लोनुंग वेहानाता अदिकार मन्ता, निमा ओरकुन करहा अनि सोबाय समजे किम। अदाम सबोय लोकुरक निकुन आदर हेविर।

तितुस 2:7

अनि निमा सबोय बुतोनुंग सोबाय किम अनि लयोरक लोकुरक वने अदामे कियाला पहाजे। अनि निमा ओर परमेस्वरना बारेते करिहकि ते इमान्दारिते करिहकि, अनि समजदारिते ओरक करिहतांग पोल्लोनुंग मानेमायिर,

फिलेमोन 1:19

नना पोलुस आपुना कयदे इद पत्र कोटान्तोना: नना ओव सबोय चिज निकुन वापस हियाका अनि निमा आपुनतुन नाकुन हियान साटि करजदार मन्तोन इन्जोर नना इन्दाना जरुरि हिले।

यहुदि 12:15

अनि मियागा बोरायि मानेय परमेस्वरना दया तासिस विस्वासताल परके हन्जुन होंगता पकाय हजोर जेहेर तयार आस खराब आस दुसरो लोकुरकुन वने बिगडेमायमाकिर। अनि बोरे व्यभिचारि,

यहुदि 13:9

प्रबु येसुना बारेता खरोय पोल्लोताल भटकेकिन्ता अलग अलग रितिता सबोय पुनाल करहानाते बहके मायमाट। पालन केवालोर लोकुरकुन बोदे फायदाते हिले जेवनता बारेता नियमते आयो मति परमेस्वरना दयातिगा मन स्थिर कियाना उचित मन्ता।

याकुब 5:20

बोरायि पापि मानेयतुन वापस ततान्तोर ते ओर उन्दि जिवातुन हायानाताल पिसहान्तोर अनि ओना पकाय पापतिगा मापि पुटार इन्जोर निमाट पुन्ट।