१ तिमुति 4:12 - Muria Far Western

¹² अनि बोरे निकुन हुडलोर समजेमायमाकिर बाक्याकि ओरकुन करहान साटि निमा पकाय लयोर मानेय मन्तोन। निया वळकाना रिति, चाल चलन, दुसरो लोकुरा बारेते निया माया, विस्वास, अनि निया जिवनता पवित्रता इद सबोय पोल्लोते निमा सबोय विस्वासि लोकुरकुन सोबाय आदरश बनेमाम।

१ तिमुति 4:12 Iomraidhean Croise

मत्ति 18:10

येसु असा ओरकुन इतुर, “निमाट येर हुडलोरनिगाडाल बोने तुच्च समजेमायमाट इन्जोर सावदान मन्ट, बाक्याकि स्वरगतिगा ओरा दूतक नावोर स्वरगतोर बाबोना चेहरा दरोज हुळान्तोर इन्जोर नना मिकुन इन्तोना।

१ कुरिन्थुस 11:1

नना आपुना जिवनते बदाम येसु मसिना लेहका जिवेमान्तोना अदाम निमाट वने जिवेमाम्ट।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

१ तिस्लुनि 1:6

अनि मिया पकाय तकलिपतिगा, प्रबु अनि माक बदाम पकाय तकलिपतुन सहेन किस मतोम अदाम प्रबुना पवित्र आत्मा मिकुन हिता गिरदाता संग येसु मसिना सोबाता पोल्लोतुन मानेमासुन निमाट वने ओद पकाय तकलिपतुन सहन किस मावा अनि प्रबुना चाल ताकिला आतोरिट।

१ तिस्लुनि 2:10

अनि माक विस्वासि लोकुरा नडुम मिया व्यवहारते पवित्र अनि परमेस्वरना मुने येताना योग्यताते अनि निरदोषते मतोम इन्जोर निमाट अनि परमेस्वर वने गवाहि मन्तोरक।

१ तिमुति 1:14

अनि मावा प्रबुना दया नाकुन पकाय पुटतु। अनि नना येसु मसिनासंग मन्तोना इन्जोर नना ओनागा विस्वास कियापरान्तोना अनि दुसरोन वने मया कियापरान्तोना।

२ तिमुति 2:15

अनि परमेस्वर निकुन स्विकार कियान साटि योग्य अनि परमेस्वरना उचित सेवक आसुन निमा सोबाय मेहनत किम। अनि परमेस्वरना खरोय पोल्लोतुन खरोय रितिते करहा। अनि इदाम कियाकि ते प्रबुना मुने बसकेय निमा लज्जित आयो आयिकि।

२ तिमुति 2:22

इन्जोर हे तिमुथियुस, लयोर लोकुरक ओद पापता बुतो कियाना इच्चा किन्तोर मति निमा इदाम गलतितिकेडाल लक हन। अनि निमा परमेस्वरना मुने दरमि बनेमाम अनि भरोसा योग्य बनेमाम अनि दुसरोनिगा मयाकिम, अनि बोर शुद्ध मन्दे प्रबुनिगा विस्वास किन्तोर ओर लोकुरासंग शान्तिते मन्दान साटि पकाय कोसिस किम।

२ तिमुति 2:7

अनि नना वेहता पोल्लोता बारेते निमा पकाय ध्यान किम अनि प्रबु इद सबोय पोल्लोतुन निकुन समजे केविर।

तितुस 2:15

अनि निकुन सबोय पोल्लोनुंग वेहानाता अदिकार मन्ता, निमा ओरकुन करहा अनि सोबाय समजे किम। अदाम सबोय लोकुरक निकुन आदर हेविर।

तितुस 2:7

अनि निमा सबोय बुतोनुंग सोबाय किम अनि लयोरक लोकुरक वने अदामे कियाला पहाजे। अनि निमा ओर परमेस्वरना बारेते करिहकि ते इमान्दारिते करिहकि, अनि समजदारिते ओरक करिहतांग पोल्लोनुंग मानेमायिर,

याकुब 3:13

अनि मियागाडाल ग्यानि अनि समजदार मानेय बोर मन्तोर? ओर ग्यानि अनि समजदार मन्तोर ओर ओना ग्यानता चिन्ह मन्ता ओद नम्रतातासंग सोबाय चाल-चलन किस आपुना बुतोतुन प्रगट केविर।

याकुब 3:17

मति स्वरगताल वायवाल ग्यान पहले पवित्र मन्ता पजा शान्ति प्रिय, नम्रता, आग्याकारि, दया अनि सबोय प्रकारता सोबाय बुतो इदाम पोल्लोतुन कियान साटि इद ग्यान माकुन लाव हिन्ता। अनि ओद बोनाय पक्षपात केवो अनि कपटि हिले।

१ पतरस 5:3

अनि निमाट कटोर रितिते ओरागा अदिकार केमाट मति परमेस्वरना लोकुरा मुने आदर्श बनेकिस किम्ट।