१ तिमुति 3:2 - Muria Far Western

² अनि अध्यक्ष निरदोष मनिर, उन्दिय मुतेवाले मनिर, शान्ति स्वभावतोर मनिर अनि लोकुरासंग सोबाय संबन्द केवाल, लोकुरा आदर केवाल, वरताहकुन सोबाय गिरदाते मानेमायवाल अनि सोबाय उपदेश केवाल मनिर,

१ तिमुति 3:2 Iomraidhean Croise

लूका 1:6

ओरक आळिवुर परमेस्वरना मुने येताना योग्य अनि प्रबुना सबोय आग्यातुन स्विकार किस मानेमायवाल मतोरक,

लूका 2:36

अनि असेरना पाळिताल पनुवेलना पेडि हन्नाल पोरोयदा परमेस्वरना पोल्लो वेहवाल उन्दि पेडि मता। अनि मरमिंग आता पजा आपुना मुजोनासंग सात वरसांग मता, अनि पजा अदेना मुजोहाराल हातुर।

रोमि 12:13

अनि विस्वासि लोकुरकुन बोदायि जरुरत मन्ता ओरकुन मदत किम्ट अनि वरताहना स्वागत कियान साटि पकाय गिरदाते मन्ट।

१ तिमुति 3:12

अनि सेवक लोकुरक उन्दि मुत्तेना मुजोहराल मनिर अनि आपुना परिवारतुन सोबाय प्रबन्द केवाल आयिर

१ तिमुति 3:8

अनि मसिलोकुरा सभाता सेवकलोकुरक गम्बिर आयिला पहाजे अनि लोकुरा मुने उन्दि पोल्लो वळकसुन परके दुसरो पोल्लोंग वळकवाल आयमाकिर अनि दाळंगो उनवालोर अनि गलत बुतो किसुन पयसांग कमेय केवालोर मनमाकिर।

१ तिमुति 4:3

अनि लोकुरक मरमिंग केमाट अनि हुचुक विशेषाल तिन्दाना चिजतुन तिनमाट इन्जोर खोटाल शिक्षण करिहवालोरक मना कियानुरक। मति खरोयतुन पुनवालोर विस्वासि लोकुरक अदेन परमेस्वरना धन्यवाद किस तिनिर इन्जोर परमेस्वर अवेहकुन बनेहकितुर।

१ तिमुति 5:10

अनि ओद रान्डि आसक सोबाय बुतो केवे मनि अनि आपुना बालकिन पालन पोषन किस वरताहकुन सोबाय गिरदाते मानेमास पवित्र लोकुरा सेवा केवे मन्दिला पहाजे, अनि दुःखि लोकुरकुन मदत किस सबोय सोबाय बुतो कियान साटि मन्दे गिरदा केवे मन्दिला पहाजे। इदाम रान्डि आसकना पोरोय मसिलोकुरा सभाता मदत सुचितिगा कोटिला पहाजे।

१ तिमुति 5:22

अनि मसिलोकुरा सभाता मुक्याल लोकुरकुन सान्डेय आचमाट, बाक्याकि पाप केवाल वरोर मानेयतुन निमा मसिलोकुरा सभाता मुक्याल बनेकियाकि अनि ओर पाप कियानुर ते परमेस्वरना मुने निमा ओना पापता जिमेदार आयकि इन्जोर निमा आपुनतुन पवित्र बनेकिम।

१ तिमुति 5:9

अनि मसिलोकुरा सभाता मदत सुचितिगा रान्डि आसकना पोरोय कोटानपा साट वरसाना कमि मन्तांग ओव रान्डि आसकना पोरोय कोटमा, अनि ओव रान्डि आसक उन्दिय मुजो मता रान्डि आळ पहाजे,

२ तिमुति 2:24

अनि प्रबुनोर सेवक वाहचवाल आयमाकिर मति सबोय लोकुरासंग शान्तिते मन्दिला पहाजे। अनि परमेस्वरना पोल्लोतुन सोबाय करहिवाल आयिर अनि आपुना पोरो दोष केवाल लोकुरा दोषतुन सहन केवाल मनिर।

तितुस 2:2

अनि मुदयाह मानेयकुन करहा, अनि ओरकुन आपुनतुन हुशयार मन्वाल बनेहमायिर, अनि लोकुरक ओरकुन हुळसुन आदर केविर इदाम ओरक जिवेमायिर, समजदार आयिर, विस्वास इरिर, मया केविर, बोदायि दुःख सहेमायिला मजबुत आयिर।

यहुदि 13:2

मसि विस्वासि लोकुरकुन मिया लोतिगा स्वागत किस ओरकुन पाहुणचार कियाना मरिंगमाट। बाक्याकि इदेना द्वारा पकाय लोकुरक स्वरगदूतकुन वने पुनवाय ओरा पाहुणचार कितोरक।

यहुदि 3:14

बाक्याकि माक येसुनिगा विस्वास किता केवल ओद पहलेटा दियातांग विस्वासतिगा आपुना जिवाता आकरिवनाह मजबुते मनकाट ते माक मसिना सहभागि आसोर मनकाट।

१ पतरस 4:7

सबोय पोल्लोता अन्त सान्डेय आयवाल मन्ता इदाम समजदार आस निमाट आपुनतुन काबु किस प्रार्थना कियान साटि हुशार मन्ट।

१ पतरस 4:9

बळबडेमायवाय वरोन दुसरोना गिरिदाते पाहुन्चार किम्ट।

१ पतरस 5:8

आपुनतुन नियत्रण किस हुशियारते मन्ट, मिवोर विरोदि सयतान गुरजेमान्ता सिंह लेहका बोन हिक्स तिनका इन्जोर पळकसोर वलियान्तोर।