१ तिमुति 3:15 - Muria Far Western

¹⁵ परमेस्वरना परिवारतिगा वरोर मानेय बदाम मन्दान इन्जोर नाकुन वायान साटि पकाय बेरा आयार ते इद निमाट समजेमायिला पहाजे। बाक्याकि परमेस्वरना परिवार मन्जे जिवित परमेस्वरना मसिलोकुरा सभा मन्ता। अनि इगा सबोय विस्वासि लोकुरक विस्वासता पायवा अनि खम्बा लेहका मन्तोरक। अनि बदाम पायवा अनि खम्बा पुरा लोतुन लाव हिन्ता अदामे मसिलोकुरा सभाता विस्वासि लोकुरक सोबाता पोल्लोतुन लाव हिन्तोरक।

१ तिमुति 3:15 Iomraidhean Croise

मत्ति 16:16

शिमोन पतरस उत्तर हितुर, “निमा जिवित परमेस्वरनोर मरि मसि आन्दि।”

मत्ति 18:18

येसु असा इतुर, “निमाट दरतितिगा बाताले दोहकिट ओद स्वरगतिगा दोहका, अनि निमाट बाताले दरतितिगा तरियकिट ओद स्वरगतिगा तरियका” इन्जोर नना मिकुन खरोय इन्तोना।

युहनाल 1:17

अनि परमेस्वर आपुना नियमतुन मूसाना द्वारा हिता मन्ता मति येसु मसिना द्वारा परमेस्वर आपुना बारेते खरोय बाताल मन्ता इद प्रगट किस ओना द्वारा माकुन आशिरवाद कितोर।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 18:37

अनि पिलातुस ओन इतुर, “निमा राजा आन्दि बहे?” अनि येसु उत्तर हितुर, “नना राजाल आन्दान इन्जोर निमाय इन्तोन। खरोयता बारेते गवाहि हियान साटि नना इद दुनियाते जनमा येतितान अनि अदेन साटि दुनियातिगा वातान। बोरायि खरोयता हरिते ताकान्तोर ओर नावा पोल्लोंग केन्जान्तोर।”

युहनाल 6:69

अनि परमेस्वर लोहतोर पवित्र मानेय निमाय आन्दि इन्जोर माक विस्वास कितोम अनि पुतोम।”

बुतोंग 14:15

“हे लोकुरक, निमाट बाताल किन्तोरिट? माक वने मिया लेहका सुख-दुःखवाले मानेय मन्तोरोम, अनि निमाट इव बेकार पोल्लोताल अलग आस स्वरग अनि दरति अनि समुद्र अनि अगा सबोय बनेहकितोर जिवित परमेस्वरनिके मलाट इन्जोर ओद सुसमाचार माक मिकुन वेहान्तोरोम।

रोमि 3:2

इंगो, सबोय प्रकारते पकाय फायदा मन्ता! बाक्याकि सबोयता मुने परमेस्वरना उपदेशतुन ओरे लोकुरकुन सोपे कितुर।

रोमि 9:26

अनि “निमाट नावोर लोकुरक आयविट इन्जोर बगा परमेस्वर ओरकुन इन्ज मतोर अगाय ओरक जिवित परमेस्वरना सन्तान इन्दानुरक” इदाम यहुदि आयोर लोकुरा बारेते परमेस्वरना पोल्लो वेहवाल होशेयाना पुस्तकतिगा इन्तोर।

१ कुरिन्थुस 10:32

यहुदिलोकुरक साटि अनि यहुदि आयोर लोकुरक साटि अनि मसिलोकुरा सभातुन साटि बोदे दोखाता कारण निमाट बनेमायमाट।

१ कुरिन्थुस 3:16

निमाटे परमेस्वरना मन्दिर आन्दिट इन्जोर परमेस्वरना आत्मा मियागा मन्तोर इदाम बाताल निमाट पुनविट?

२ कुरिन्थुस 3:3

ओद पत्र शायिते आयो मति जिवित परमेस्वरना आत्माते कोटस मतोर अनि कलदा पाटितिगा आयो मति मानेयना मन्दा हविरुपि पाटितिगा मसि मावा सेवाता द्वारे कोटस मता मसिना पत्र निमाट मन्तोरिट इन्जोर दिसान्ता।

२ कुरिन्थुस 6:16

अनि मूरतिहनासंग परमेस्वरना मन्डिलिता बाताल संबन्द मन्ता? बाक्याकि माक जिवित परमेस्वरना मन्दिर आन्दोम। “नना ओरासंग मनका अनि ओरासंग ताकिका; अनि नना ओरा परमेस्वर आयिका अनि ओरक नावोर लोकुरक आयनुरक” इदाम परमेस्वर इतोर इन्जोर पवित्र पुस्तकतिगा कोटता मन्ता।

२ कुरिन्थुस 6:7

परमेस्वरना खरोय पोल्लो इमान्दारिते वेहचुन, परमेस्वरना लाव मावागा बुतो किसोर मता, आपुना विरोदि लोकुरा सबोय विरोदि बुतोताल पिसान साटि परमेस्वरना मुने येताना योग्य जिवन जिवेमान्तोरोम।

गलाति 2:9

अनि मसिलोकुरा सभाता मुक्याल आस लोकुरक समजेमास मतोरक ओरक याकुब, पतरस अनि युहन्नाल परमेस्वरना दया नाकुन वने पुटत इन्जोर समजेमास नाकुन अनि बरनबासतुन ओरा संगे बुतो केवाल इदाम स्विकार कितुर। अनि ओरक यहुदि लोकुरा नडुम परमेस्वरना सोबाता पोल्लो वेहतुरक अदामे माकुन यहुदिलोकुरक आयोरिगा सोबाता पोल्लो वेहान साटि ओरक माकुन प्रोत्साहन कितुरक।

गलाति 3:1

हे निरबुद्धि गलातियातोर विस्वासि लोकुरक! मिकुन ते सबोय लोकुरा मुने येसु मसि कुरुस पोरो मिया साटि हातुर इन्जोर पकाय स्पष्ट रितिते तोहतान ते वने मिकुन बोर जादु किस मोहनिंग कितोर?

इफिसुस 4:21

अनि बाताल खरोय निमाट ओनायि केन्जतिट अनि करिहितिट ओद सबोय पोल्लो येसुना खरोय करहाना मता।

कुलुसि 1:5

ओद स्वरगतिगा परमेस्वर मिया साटि इरता मन्ता ओद आशाताल वान्ता। ओद सोबाता पोल्लोता खरोय सन्देशता द्वारा निमाट मुनेटाले केन्जतोरिट।

१ तिस्लुनि 1:9

बाक्याकि माक मियागा वायाना बदाम आत इन्जोर अनि जिवित मन्तोर ओर खरोय परेमेस्वरता सेवा किस,

१ तिमुति 3:14

नना निया हेरे सान्डे वायाना आशा मन्ता इन्जोर नना निकुन पहले इव पोल्लोंग कोटान्तोना,

१ तिमुति 3:16

अनि मसिहा मानेय आस जनम आतुर अनि ओर मसिहा आन्दुर इन्जोर पवित्र आत्माता द्वारा प्रगट आतुर। अनि स्वरग दूततुन दिसतुर अनि येसु मसिना बारेते ओनोर चेला लोकुरक सबोय जातिता लोकुरकुन वेहतुर। पजा लोकुरक ओनिगा विस्वास कितुरक। अनि परमेस्वर ओन स्वरगतिगा येतितुर। इदाम माक बाताल विस्वास किन्तोरोम अदेना खरोयिता रहस्य पकाय हजोर मन्ता। अनि इदेना बारेते बाताले शंका माकुन हिले।

१ तिमुति 3:2

अनि अध्यक्ष निरदोष मनिर, उन्दिय मुतेवाले मनिर, शान्ति स्वभावतोर मनिर अनि लोकुरासंग सोबाय संबन्द केवाल, लोकुरा आदर केवाल, वरताहकुन सोबाय गिरदाते मानेमायवाल अनि सोबाय उपदेश केवाल मनिर,

१ तिमुति 3:5

(अनि बोरे आपुना परिवारतुन बराबर पालन कियाना पुनोर ते ओर मसिलोकुरा सभातुन बदाम पालन किया परानुर?)

१ तिमुति 4:10

अनि इद कारणते माक जिवित परमेस्वरनिगा आशा इरस पकाय मेहनत किन्तोरोम। ओर सबोय लोकुरकुन विशेषाल ओनागा विस्वास किन्तोर ओर लोकुरकुन मुक्ति हेवाल मन्तोर।

१ तिमुति 6:16

अनि ओर वरोरे दरोज जिवोत मन्तोर अनि बोरे बसकेय हन्दा परोर इदाम पकाय हजोर ज्योतिते मनवाल अनि बोरे हुळोर अनि बसकेय हूळ परोर इदाम मन्तोर: ओना आदर अनि लाव राज्य सदा काळवनाह मन्दार। आमेन।

२ तिमुति 2:19

मति बोर परमेस्वरनिगा विस्वासकिन्तोर ओर लोकुरक उन्दि लोता मजबुत पायवा लेहका मन्तोर। ओरा विस्वास बसकेय नाश आयो आयार। अनि ओद पायवातिगा इदाम उन्दि शिक्का कोटस मतोर: “प्रबु आपुना लोकुरकुन सोबाय पुन्तोर अनि ओर लोकुरक पाप कियाना बन्द कियाला पहाजे।”

२ तिमुति 2:20

अनि उन्दि धनि मानेयना लोतिगा सोनाता अनि चान्दिता दळियांग मन्तांग अनि मराना अनि तोळियता दळियांग वने मन्तांग; अनि हुचुक दळियांग खास बुतो साटि अनि दुसरो हुचुक दळियांग साधारन बुतो साटि उपयोग किन्तोर।

यहुदि 10:21

बाक्याकि परमेस्वरना लोकुर साटि वरोर अदिकारि आस वरोर हजोर याजक मावा हेरे मन्तोर।

यहुदि 12:22

मति निमाट स्वरगतिगा मन्ता सिय्योन मटाता हेरे अनि जिवित परमेस्वरना सहेर मन्ता स्वरगिय येरुसलेमतिगा अनि लाख लाख स्वरगदूतकना हेरे निमाट अवतोरिट।

यहुदि 3:12

हे बायि-दादालोरक, जिवित परमेस्वरताल मियागा बोरे परमेस्वरनिगा विस्वास केवो इदाम दुष्ट मन्दा कारण परमेस्वरताल बोरे लक आयमाकिर इन्जोर निमाट सावदान मन्ट।

यहुदि 9:14

ते दरोज मनवाल पवित्र आत्माता द्वारा आपुनतुन बोदे दोष हिले आस परमेस्वरतुन बलि हितुर मसिना नतुर जिवित परमेस्वरना सेवा साटि मावा अन्तकरणतुन अनन्त काळता हायानाता दन्डताल मापि किस बचोन शुद्ध कियानुर?

१ पतरस 2:5

निमाट वने आपुनास जितो कल लेहका आत्मिक लोन आस बनेमासोर दान्तोरिट, अनि येसु मसिना कारण परमेस्वरतुन स्विकार मन्ता ओद आत्मिक बलि कियान साटि योग्य याजकलोरा पवित्र समाज आस बनेमासोर दान्तोरिट।

१ पतरस 4:17

बाक्याकि न्याय कियाना बेरा आतु, अनि न्याय कियाना पहले परमेस्वरना लोकुरिगा आयार। अनि न्यायता सुरुवात मावागाडाले आयार ते बोर परमेस्वरना सोबाता पोल्लोतुन मानेमायोर ओरा न्याय बचोन हजोर आयार?

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 7:2

असा वरोर दुसरो स्वरगदूततुन जितो परमेस्वरना शिक्कातासंग पूरव दिशातिकेडाल पोरो वायानपा नना हुळतान। ओर जागा अनि समुद्रतुन नाश कियानाता अदिकार हिस मतोर ओरक नालुरक स्वरगदूतकुन,