१ तिमुति 3:11 - Muria Far Western

¹¹ अनि मसिलोकुरा सभाता सेवातुन मदत केवांग आसक वने गम्बिर अनि सम्मानता योग्य आयिला पहाजे; दोष केवि आयमाकि अनि हर पोल्लोते विस्वास योग्य आयि।

१ तिमुति 3:11 Iomraidhean Croise

मत्ति 4:1

असके सयताननिकेडाल येसुना परिक्षा आयि इन्जोर पवित्र आत्माता लावते ओर वारु पल्लातिगा हतुर।

युहनाल 6:70

असके येसु ओरकुन उत्तर इतुर, “बाताल नना मिकुन बारा लोकुरकुन आचोन बहे? मति मियागडाल वरोर मानेय सयतान मन्तोर!”

रोमि 1:29

ओर लोकुरक सबोय प्रकारतांग अदरम, पाप, लालुच अनि वयरताते आतुरक। ओरक हेवा, हव्काना, वाहचाना, जल कपट, अनि दुजा भावते आतोरक ओरक दुसरोना बारेते दरोज सोबाय विचार केवोर मति ओर लोकुरक दुसरोना चाहळिंग वेहिन्तोरक,

१ तिमुति 1:12

अनि नाकुन लाव हितोर ओर आपुना प्रबु येसु मसि नाकुन विस्वासयोग्य हुळसुन ओना सेवा साटि ठहरे कितुर इन्जोर नना ओन धन्यवाद किन्तोना।

१ तिमुति 3:2

अनि अध्यक्ष निरदोष मनिर, उन्दिय मुतेवाले मनिर, शान्ति स्वभावतोर मनिर अनि लोकुरासंग सोबाय संबन्द केवाल, लोकुरा आदर केवाल, वरताहकुन सोबाय गिरदाते मानेमायवाल अनि सोबाय उपदेश केवाल मनिर,

१ तिमुति 6:2

अनि बोरे दासनोर मालक विस्वासि मन्तोर ते ओर दास आपुनोर मालकान आपुनोर दादाल लेहका मानेमास तुच्च समजेमायमाकिर। बाक्याकि बोर मालकान साटि ओर बुतो किन्तोर ओर मालकाल ओनोर दादाल अनि प्रिय मानेय मन्तोर इन्जोर ओर मालकान साटि असा सोबाय बुतो किसोर मनिर। अनि इद सबोय पोल्लोंग निमा विस्वासि लोकुरकुन करहा अनि वेहा।

२ तिमुति 3:3

अनि ओरक बोनायसंग मया केवोरक आयनुरक अनि दुसरोना गलतितुन बसकेय मापि केवोर आयनुरक अनि सोबाय लोकुरा विरोद गलति पोल्लोंग वेहच सबोय प्रकारता नाश कियानुरक। अनि आपुना गलति विचार अनि खराब बुतोतुन काबु किपरोर आयनुरक अनि पकाय दुष्ट लोकुरक आयनुरक। अनि सबोय सोबाय पोल्लोनुंग विरोद केवालोरक आयनुरक,

२ तिमुति 4:5

अनि हे तिमुथियुस, निया सबोय परिस्थितितिगा सावदान मन, अनि दुःख सहेकिम, परमेस्वरना पोल्लोतुन प्रचार कियाना बुतो किम अनि परमेस्वर निया कयदे सोपे किता परमेस्वरना सेवातुन पुराकिम।

तितुस 2:3

इदामे परमेस्वरिन वरियस पवित्र जिवन जिवे मायींग, अनि दुसरोनागं चाहळिंग वळकसुन दुसरोन बदनाम केमाकिगं, दाळंगो उनमाकिंग मति दुसरोरकुन सबोय पोल्लोंग करहिंग इन्जोर सेळोह आसकुन वने करहा।

तितुस 3:2

अनि बोनांगे चाहळिंग वळकस बदनाम केमाकिरक, मति कोमल स्वभावतोर मन्दिला पहाजे अनि सबोय लोकुरासंग दरोज हजोर नम्रताते मिलेमास मनिर।

१ पतरस 5:8

आपुनतुन नियत्रण किस हुशियारते मन्ट, मिवोर विरोदि सयतान गुरजेमान्ता सिंह लेहका बोन हिक्स तिनका इन्जोर पळकसोर वलियान्तोर।