१ तिमुति 3:1 - Muria Far Western

¹ अनि बोरे मसिलोकुरा सभाता अध्यक्ष आयान साटि इच्चा किन्तोर ते ओर सोबाय बुतोता इच्चा इरान्तोर इन्जोर विस्वासयोग्य मन्ता।

१ तिमुति 3:1 Iomraidhean Croise

लूका 15:10

इदामे वरोर पापि मानेय आपुना पापताल पस्तेमायाना बेरा परमेस्वरनासंग स्वरगदूतकना मुने ओना बारेते गिरदा आन्ता इदाम नना मिकुन वेहान्तोना।”

बुतोंग 1:20

“ ‘ओना लोन खालि आयि, अनि अगा बोरे मनमाकिर’ अनि ‘ओना सेवाता पद बोरे दुसरो येतिर’ ” इन्जोर भजन संहितातिगा कोटता मन्ता।

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

रोमि 11:13

इदेक नना यहुदि आयविट मिकुन इन्तोना बाक्याकि निमाट यहुदि आयोर लोकुरक साटि परमेस्वर नाकुन लोहतोर,

इफिसुस 4:12

अनि ओर लोकुरा सेवाता द्वारा मसिना मेन्दुल मन्ता ओद मसिलोकुरा सभातुन मसिना संबन्दते मजबुत बनेहकियाना साटि परमेस्वरना सबोय लोकुरकुन तयार कियाना मन्ता।

फिलिप्पि 1:1

मसि येसुनोर सेवा केवालोरक पोलुस अनि तिमुथियुस फिलिप्पि सहेरतिगा मन्वालोर मसि येसुनिगा विस्वास किन्तोरक सबोय पवित्र लोकुरक अनि मसिलोकुरा सभाता मुक्यालोरक अनि ओरकुन मदत केवालोर सेवक लोकुरकुन साटि इद पत्र कोटान्तोरोम।

१ तिस्लुनि 5:14

हे बायि-दादालोरक, बोरे गलति रितिते दान्तोर ते ओरकुन ओरा गलतितुन समजेहकिम्ट इन्जोर माक मिकुन वेहान्तोरोम। अनि बोरे मन्दे कमजोर मन्तोर ते ओरकुन मजबुत किम्ट। अनि कमजोर लोकुरकुन संभाले किम्ट अनि सबोय लोकुरासंग धीरज तोहाट।

१ तिमुति 1:15

अनि येसु मसि पापि लोकुरकुन मुक्ति कियान साटि दरतिते वातोर इद पोल्लो खरोय अनि सबोय लोकुरक स्विकार कियान योग्य मन्ता। अनि ओर पापि लोकुरकनिगाडाल नना सबोयताल हजोर पापि मन्तोना।

१ तिमुति 4:9

अनि नना वेहता इव सबोय पोल्लोंग खरोय अनि सबोय लोकुरकुन स्विकार कियान साटि योग्य मन्ता।

२ तिमुति 2:11

अनि माक येसु मसिना संग हातोम ते येसु मसिना संगे जिवेमायिकाट;

तितुस 1:7

अनि मसिलोकुरा सभातोर अध्यक्षना कयदिगा परमेस्वरना सेवा सोपे कितोर, इन्जोर ओर निरदोष मनिर; घमन्ड केवाल आयमाकिर, ओर होंग केवाल आयमाकिर अनि दाळंगो उन्वाल आयमाकिर, अनि ओर वाहचमाकिर, खराब बुतो किसुन पयसांग कमेय केवाल आयमाकिर।

तितुस 3:8

अनि इव पोल्लोंग बोव नना मिकुन वेहान्तोना इव पोल्लोंग पकाय खरोय मन्तांग, इन्जोर विस्वासि लोकुरकुन इव पोल्लोंग डाटेह किसुन ओरकुन समजे किम। अनि बोर परमेस्वरतिगा विस्वास कितोर ओरकुन इव पोल्लोनुंग सोबाय बुतो कियान साटि मन लावेह किसोर मनिरक इन्जोर इव पोल्लोंग पकाय सोबाय मन्तांग अनि सबोय लोकुरकुन फायदातांग मन्तांग।

यहुदि 12:15

अनि मियागा बोरायि मानेय परमेस्वरना दया तासिस विस्वासताल परके हन्जुन होंगता पकाय हजोर जेहेर तयार आस खराब आस दुसरो लोकुरकुन वने बिगडेमायमाकिर। अनि बोरे व्यभिचारि,

१ पतरस 2:25

बाक्याकि निमाट पहले लेस्कता बेळांग लेहका मतोरिट, मति इदेक आपुना मेहवाल अनि आपुना जिवातुन केपवाल मसिना हेरे मलस वातोरिट।

१ पतरस 4:15

मियागाडाल बोरे मानेयतुन हव्काना या कलाना बुतो या खराब बुतो कियाना या दुसरोना बुतोतिगा कय वाटानाते पकायि तकलिप ताहाना सन्दि बनेकेमाट।

१ पतरस 5:2

मिया कयते सोपे किता बेळांगता गोहडि लेहका मन्ता परमेस्वरना लोकुरकुन केपाट अनि इद जबरदस्तिते आयो मति परमेस्वरना इच्चाता अनुसार गिरदाते किम्ट, अनि डबुंगना लालुचते आयो मति ओरिगा मन लावेकिस किम्ट।