१ तिमुति 2:8 - Muria Far Western

⁸ इन्जोर निमाट बगाय प्रार्थनाकियान साटि मिलेमायिकिट ते निमाट मानेयक वरोन दुसरोनसंग होंग अनि बहस हरचिस आपुना मन अनि मेन्दुल पवित्र योग्य बनेकिसुन प्रार्थना किम्ट।

१ तिमुति 2:8 Iomraidhean Croise

मत्ति 21:21

येसु ओरकुन, “निमाट शंका केविट विस्वास मन्ता ते इद अन्जीर मरातुन नना कितोना ओदे निमाट वने कियापरान्तोरिट। इचोने आयो मति इद मटातुन इगाडाल पसियस समुद्रदिगा हन्ज मुळन्दा इदाम इन्किट ते अदाम आयार इन्जोर नना मिकुन खरोय इन्तोना।

मत्ति 5:44

मति नना ते मिकुन इन्तोना, आपुनोर दुश्मनतुन मया किम्ट अनि आपुनतुन सतेह केवालोर साटि प्रार्थना किम्ट।

मत्ति 6:12

अनि माक आपुना दोषिहकुन मापि कितोम अदामे निमा वने मावा दोषतुन मापि किम।

लूका 23:34

असके येसु इतुर, “हे बाबा, येरक बाताल किन्तोरोम इन्जोर येरक पुनोरक इन्जोर येरकुन मापि किम।” अनि पजा ओरक चिटिंग इरसुन ओनांग सन्दरांग तुहकसितुरक।

लूका 24:50

असके येसु ओरकुन येरुसलेम सेहेरता बाहरो बेथानिया नाटेनिके ओतुर अनि आपुनांग केयकुन ताहचुन ओरकुन आशिष कितुर।

युहनाल 4:21

अनि येसु अदेन उत्तर हितुर, “हे बायि नावा पोल्लोता विस्वास किम। निमा बाबोना आरादना इद मटा पोरो या येरुसलेमतिगा वने केवि आयकि इदाम बेरा वायार।

बुतोंग 10:2

ओर परमेस्वरनिगा सोबायि विस्वास केवाल मतोर। अनि ओर आपुना सबोय परिवारतासंग परमेस्वरतुन वरियन्दुर अनि जरुरि लोकुरकुन दान हेवाल अनि परमेस्वरना मुने रोज प्रार्थना केवाल मतोर।

बुतोंग 10:31

अनि ओर इन्दिला लागतुर, ‘हे कुरनेलियुस, निया प्रार्थना केन्जतोर अनि गरिब लोकुरकुन निया दान हियाना बुतोतुन परमेस्वर आल्हितोर।

बुतोंग 10:4

कुरनेलियुस ओन बेस हुळसुन वरियतुर अनि ओन “हे प्रबु, बाताल मन्ता?” इन्जोर पुच्चेमातुर। ओर कुरनेलियुसतुन इतुर, “निया प्रार्थनांग अनि निया दान्तांग सोबाय बुतो परमेस्वर हुळतुर। अनि परमेस्वर निकुन आल्हान्तोर।

बुतोंग 21:5

ओरासंग मन्दाना दियांग पुरा आतुंग असके माक अगडाल येरुसलेम हन्दाना यात्रा सुरु कितोम, अनि सबोयलोर आसक अनि बालकसंग माकुन नाटेना बाहरोवनाह अविहतुरक अनि माक सबोय समुद्र टका हेरे मिन्डांग टेकेकिस प्रार्थना किस वरोर दुसरोनताल विदा कितुर।

बुतोंग 7:60

स्तिफानुस मिन्डांग टेकेकिस, “हे प्रबु, इद पाप ओरागा लावे केमा” इन्जोर जोरदे इन्जुन हासुन अडिय अरतुर।

१ कुरिन्थुस 1:2

येसु मसिना द्वारा पवित्र किहितुर अनि सबोय लोकुरकनिगा मावोर अनि ओरा प्रबु येसु मसिना आरादना केवालोर सबोय लोकुरासंग परमेस्वरना पवित्र लोकुरक आयान साटि केयतोर निमाट लोकुरकुनेय इद पत्र कोटान्तोरोम;

१ कुरिन्थुस 7:7

सबोय मानेयक नावा लेहका मन्दिला पहाजे इदाम नावा इच्चा मन्ता। मति परमेस्वर वरोन वरोन अलग अलग रितिते जिवन ताकहाना वरदान हितोर। बोने मरमिंग केवाय जिवन ताकहाना वरदान हितोर अनि दुसरो बोने मरमिंग किस जिवन ताकहाना वरदान हितोर।

२ कुरिन्थुस 2:14

मति मसिनिगा दरोज माकुन विजयता गिरिदातिगा ओन्तोर अनि मसिना बारेता ग्यान सोबाय दयमुर लेहका मावा द्वारा सबोय जागातिगा फयले किन्तोर ओर परमेस्वरना धन्यवाद आयि।

फिलिप्पि 1:12

हे बायि-दादालोरक, नावागा बाताल आता अदेनतेय येसु मसिना सोबाता पोल्लो पकाय फयलेमात इन्जोर निमाट वने पुन्ट इदाम नावा इच्चा मन्ता।

१ तिस्लुनि 1:8

बाक्याकि मियागडाल मकिदुनिया अनि अगया प्रदेशता सबोय लोकुरक प्रबुना सोबाता पोल्लो केन्जतोर। अनि मिया विस्वास ओर परमेस्वरनिगा मन्ता, अदेना बारेते सबोय नाटे नाटेनिगा चर्चा फयलेमात इन्जोर अदेना बारेते बाताले इन्दाना जरुरि हिले।

१ तिमुति 5:14

इन्जोर लयांग रान्डि आसक मरमिंग किसुन बालकुन जनम हिस आपुना परिवारतुन सोबाय संभालेकेवि अनि अदामे दुश्मनतुन दोष हियाला सन्दि हेमाकि इन्जोर नावा इच्चा मन्ता।

तितुस 3:8

अनि इव पोल्लोंग बोव नना मिकुन वेहान्तोना इव पोल्लोंग पकाय खरोय मन्तांग, इन्जोर विस्वासि लोकुरकुन इव पोल्लोंग डाटेह किसुन ओरकुन समजे किम। अनि बोर परमेस्वरतिगा विस्वास कितोर ओरकुन इव पोल्लोनुंग सोबाय बुतो कियान साटि मन लावेह किसोर मनिरक इन्जोर इव पोल्लोंग पकाय सोबाय मन्तांग अनि सबोय लोकुरकुन फायदातांग मन्तांग।

यहुदि 10:22

इन्जोर माक खरोय मन अनि पुरा विस्वासतासंग ओना हेरे दाकाट। अनि मसि परमेस्वरना मुने आपुनतुन बलि हितुर इन्जोर पापता मापि मन्ता। इन्जोर अन्तकरणता दोष लक किस मसिना नतुर मावा मन्दिगा हिदिक्स अनि मेन्दुलतुन शुद्ध एते नोरस परमेस्वरना हेरे दाकाट।

याकुब 4:8

अनि निमाट परमेस्वरना हेरे हन्ट ते परमेस्वर वने मिया हेरे वायनुर। हे पापि लोकुरक, निमाट गलति कियाना बन्द किम्ट अनि हे रन्ड मन्कनोर लोकुरक आपुना मन्दुन पवित्र किम्ट।

१ पतरस 3:7

अदामे हे मुजोहारालोरक, मिया प्रार्थना व्यर्थ आयमाकि इन्जोर सोबायि बुद्धिते मुत्तेहनासंग जिवन जिवे माम्ट, अनि आसकुन कमजोर मन्तांग ते वने माक इवुरास जिवनता वरदानता वारिस आन्दोम इदाम समजेमास अवेहना आदर किम्ट।