१ तिमुति 2:4 - Muria Far Western

⁴ अनि सबोय लोकुरक परमेस्वरना द्वारा पिसाना स्विकार केविर अनि ओरक परमेस्वरना खरोय उपदेशतुन समजेमायिला पहाजे इन्जोर परमेस्वरना इच्चा मन्ता।

१ तिमुति 2:4 Iomraidhean Croise

मत्ति 28:19

इन्जोर निमाट हन्जुन, बाबो अनि मरि अनि पवित्र आत्माता पोरोयते बपतिस्मा हिस,

मरकुस 16:15

येसु ओरकुन इतुर, “निमाट दरतिता सबोय जागादिगा हन्जुन सबोय लोकुरकुन सोबाता पोल्लो प्रचार किम्ट।

लूका 1:77

मावोर परमेस्वरना पकाय हजोर दयाते ओना लोकुरकुन परमेस्वरना पापता मापि मिलेमास पिसाना पुटान साटि निमा परमेस्वरना लोकुरकुन बुद्धि वेहचुन प्रबुना हरि तयार कियान साटि निमा ओना मुने मुने दाकि,

लूका 14:23

अनि असा वने मालकाल आपुनोर दासकुन इतुर, ‘सळेकनिगा अनि अवाह हेरे हन्ट अनि अवाह परके मन्वालोरकुन वेहचुन नावा लोन लोकुराते निन्दिरक इन्जोर जबरदस्ति किम्ट।

लूका 24:47

अनि येसु मसिना पोरोयदे लोकुरकला मन्दुन परमेस्वरनिके मलस ततान साटि पापताल मुक्ति हियाना इद सन्देश्तुन येरुसलेम सहेरतिगाडाल सुरुकिस सबोय जातितोरक लोकुरकनिगा वेहिला पहाजे इन्जोर पवित्र पुस्तकतिगा कोटताल मन्ता।

युहनाल 14:6

अनि येसु ओन इतुर, “हरि अनि खरोय अनि जिवन ननाय आन्दान। अनि नावा सिवायि बोरायि बाबोना हेरे अविला परोर।

युहनाल 17:17

अनि निया पोल्लो खरोय मन्ता इन्जोर निया बुतो कियान साटि ओद खरोय पोल्लोता द्वारा ओरकुन निमा तयार किम।

युहनाल 6:37

बाबो नाकुन सोपेकितोर ओर सबोय लोकुरक नावा हेरे वायनुरक अनि बोरायि नावा हेरे वायनुर ओन नना बसकेय टन्डोन आयका।

रोमि 11:14

बदामे आयि निमाट यहुदि आयोर लोकुरकुन हुळस नावोर आपुनोर यहुदिलोकुरकुन हेवा आयिला पहाजे अनि अदाम ओरागडाल हुचुलोर लोकुरा पिसाना आयिला पहाजे इन्जोर नना आपुना सेवातुन पकाय मह्त्वाता मानेमान्तोना।

१ तिमुति 4:10

अनि इद कारणते माक जिवित परमेस्वरनिगा आशा इरस पकाय मेहनत किन्तोरोम। ओर सबोय लोकुरकुन विशेषाल ओनागा विस्वास किन्तोर ओर लोकुरकुन मुक्ति हेवाल मन्तोर।

२ तिमुति 2:25

अनि निया खरोय करिहनातुन बोर विरोद किन्तोरक ओरकुन नम्रताते ओरा गलतितुन समजेहकिस हिम, बाक्याकि ओरकुन परमेस्वर पस्तेमायानाता सन्दि हियानुर,

२ तिमुति 3:7

अनि अव आसक दरोज पुनांग पुनांग उपदेशतुन करियसोर मन्दानुंग मति अवेहकुन येसुना खरोय उपदेश बसकेय समजेमायिला परो।

तितुस 1:1

परमेस्वर आचतोरक ओर लोकुरकुन विस्वासते मजबुत कियान साटि अनि परमेस्वरना सबोय आग्यातुन पालन किस जिवेमायान साटि मदत किन्ता ओद खरोय पोल्लोतुन ओरकुन करहान साटि, इदेनते ओरकुन परमेस्वरनासंग अनन्त जिवन जिवेमायाना आशा पुटानसाटि प्रबु येसु मसि नाकुन निवळेकितुर।

तितुस 2:11

बाक्याकि सबोय मानेयकना पिसाना साटि परमेस्वरना दया प्रगट आतु,

यहुदि 10:26

बाक्याकि येसुना बारेता खरोय पोल्लोतुन पुन्जुन अनि पजा माक सबोय पुन्जुन ते वने असा पाप किसोर मनकाट ते मिया पापता मापि साटि असा बोदे बलिदान पिसता हिले।

याकुब 3:14

मति निमाट आपुना आपुना मन्दे दुसरो लोकुरा बारेते हेवा अनि स्वार्थ किन्तोरिट ते खरोयता विरुद घमेन्ड केमाट अनि खोटाल वळकमाट।

२ पतरस 3:9

हुचुलोर लोकुरक विचार किन्तोरक लेहका प्रबु आपुना वाचा पुराकियान साटि बेरा केवोर। मति बोरे नाश आयमाकिर इन्जोर सबोय लोकुरकुन पस्तेमायाना सन्दि पुटि इन्जोर मिया बारेते पोसोरिंग सहेन किस मन्तोर।

२ यहुनाल 1:1

अनि मावागा मन्ता अनि मावागा दरोज मन्ता खरोयिता द्वारा नना वरोरे आयो मति ओद खरोयतुन मया किन्तोर,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 14:6

पजा असा दुसरो वरोर स्वरगदूत आबारता नडुमतिगा परयाना नना हुळतान, ओना हेरे दरतितिगा मनवालोर सबोय जातितोरक, अनि गोत्र अनि अलग-अलग बोलि वळकवालोरक अनि लोकुरकुन वेहान साटि परमेस्वरना सोबाता पोल्लोता सबोय काळ साटि मन्ता सन्देश मता।