१ तिमुति 1:3 - Muria Far Western

³ अनि इफिसुस सहेरतिगा मन्ज सबोय खोटाल प्रकारता करहानातुन बन्द कियान साटि हुचुक लोकुरकुन आग्या हिम इन्जोर नना रोमि देशता मकदुनिया प्रदेशतिके हन्दानपा निकुन सोबाय समजेकिस मतोना,

१ तिमुति 1:3 Iomraidhean Croise

बुतोंग 18:19

अनि पोलुस इफिसुसतिगा अवस अक्विलास अनि प्रिसकिलान अगा तासितुर, अनि ओर यहुदि लोकुरा समाज मन्डलितिगा हन्जुन येसुना बारेते यहुदिलोरासंग वाद कियाला लागतुर।

बुतोंग 18:21

मति “परमेस्वर इच्चा कियानुर ते नना मिया हेरे असा वायका” इन्जोर इन्ज ओराताल विदा आतुर। असके ओर इफिसुसताल जहाजतिगा उदस हतुर।

रोमि 15:26

बाक्याकि मकिदुनिया अनि अखिया देशतोर विस्वासु लोकुरक येरुसलेम सहेरतोर गरिब विस्वासु लोकुरक साटि हुचुक दान जमा कितोर।

रोमि 16:17

हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना।

२ कुरिन्थुस 11:4

बोरे मानेय मिया हेरे वासुन मिकुन दुसरो येसुना बारेते वेहानबेरा ओद पोल्लो निमाट पकायि गिरिदा येतान्तोरिट। ओर करहान्तोर येसु मिया साटि माक करियस हिता येसु आयो। अनि निमाट दुसरो आत्मा अनि येसुना बारेता दुसरो सोबाता पोल्लो येताना साटि पकायि ध्यान किन्तोरिट मति ओद आत्मा मिकुन पुटता आत्मा आयो। अनि ओद सोबाता पोल्लो माक मिकुन हिता पवित्र आत्मा अनि येसुना बारेता खरोय सोबाता पोल्लो आयो। इदाम खोटाल पोल्लोतुन निमाट बदाम मानेमाय परान्तोरिट बहे? इद हुळस नना आश्चरय किन्तोना।

इफिसुस 4:14

इन्जोर माक हुडलोर बालक लेहका असा मनोम आयकोम। बाक्याकि बदाम समुद्रतिगा डोंगातुन वळिय वास नालुंग बासाडाल अदेन डेयहान्ता अदामे ओद खोटाल करहाना मावा विस्वासतुन डेयहार इन्जोर माकुन दोखा हिन्ता ओद खोटाल करहानातुन स्विकार केवाट। दोखा हेवालोरक इद खोटाल करहाना फयले किन्तोर।

फिलिप्पि 2:24

अनि नना वने सान्डेय मिया हेरे वायका इन्जोर प्रबुनिगा नाकुन भरोसा मन्ता।

१ तिमुति 4:11

अनि नना कोटता इव सबोय पोल्लोतुन पालनकियान साटि विस्वासि लोकुरकुन निमा आग्या हिम अनि इव पोल्लोंग निमा सबोय विस्वासि लोकुरकुन करहा।

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

१ तिमुति 5:7

अनि रान्डि आसकना बारेते इव सबोय पोल्लोंग निमा विस्वासि लोकुरकुन साटि आग्या हिम बाक्यकि ओव निरदोष आयिंग।

१ तिमुति 6:10

बाक्याकि पयसाना लालच सबोय प्रकारता खराब बुतोतुन मुक्या कारण आन्ता। इदाम पयसाना लालच किस हुचुक लोकुरक आपुना खरोय विस्वास तासिस पकाय दुःखते अरतुरक।

१ तिमुति 6:17

इद दुनियाता धनि मानेयकुन पकाय अभिमानि बने केमा अनि वान्ता दान्ता धनतिगा आशा इरमाकिर इन्जोर करहा, बाक्याकि आपुना गिरदा साटि सबोय चिजनुंग पकाय हिन्तोर ओर परमेस्वरनिगा आशा इरविर।

१ तिमुति 6:3

अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।

२ तिमुति 1:18

अनि न्याय कियानाता दिया प्रबु ओन दया केविर! अनि इफिसुस सहेरतिगा ओर नाकुन बचोन मदत कितुर इन्जोर निमा सोबाय पुन्तोन।

२ यहुनाल 1:7

बाक्याकि इदाम दोखा केवाल मानेय पकाय इद दरतितिगा पसियतोरक। ओर येसु मसि मानेय आस वातोर इन्जोर मानेमायोर। दोखा केवाल अनि येसुना विरोद केवाल इदाम लोकुरक मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:14

मति नाकुन निया विरुद हुचुक पोल्लोंग इन्दाना मन्ता; बाक्याकि इस्रायेल लोकुरकुन मूरतिहकुन चळेहकिता चिजक तिनिर अनि व्यभिचार केविर इदाम ओरा खरोय विस्वास तासिविर इन्जोर बालाकतुन करहिच हितोर ओर बिलामना करहानातुन मानेमान्तोरक हुचुलोरक लोकुरक निया हेरे मन्तोरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:20

मति आपुनास परमेस्वरना पोल्लो वेहवाल आन्दान इदाम खोटाल वळकस व्यभिचार कियाना अनि मूरतिहना मुने चळेहकिता चिजक तिन्दान साटि वने नावोर दासकुन करहिस भळकेह किन्ता इसाबेल पोरोयता आळदुन निमा परवांगि हितोन इदाम निया विरुद उन्दि दोष इन्दाना मन्ता।