१ तिमुति 1:18 - Muria Far Western

¹⁸ हे नावोर मरि लेहका मन्तोन तिमुथियुस, पहलेटाले निया बारेते पुटता परमेस्वरना पोल्लोता अनुसार उन्दि सयनिक आपुना देश साटि बदाम लळायि किन्तोर अदामे निमा वने परमेस्वरना खरोय उपदेशतुन जिकान साटि लळायि किम इन्जोर नना निकुन आग्या हिन्तोना।

१ तिमुति 1:18 Iomraidhean Croise

बुतोंग 16:1

पजा ओर दिरबे अनि लुस्त्रा सहेरतिगा वने हतुर। अगा तिमुथियुस पोरोयतोर वरोर चेलाल मतोर, ओर वरोर यहुदि मसि विस्वासि आळदा मरि मतोर, मति ओनोर बाबो युनानि मतोर।

१ कुरिन्थुस 4:17

इन्जोर प्रबुनिगा सोबाय विस्वास केवाल अनि इमान्दारि मन्तोर नावोर मरि लेहका नना मया किन्तोना ओर तिमुथियुसिन मिया हेरे लोहतोना। अनि नना बोद बोद जागातिगा दान्तोना ओद सबोय जागाता सबोय मसिलोकुरा सभातिगा नना करहितोना लेहका मसिसंग उन्दि आयानाते नाकुन पुटता पुनाल जिवनतिगा नना पोलुस बदाम ताकिला आतोना ओद पोल्लो ओर मिकुन आलहिच हियानुर इन्जोर ओनागा नावा विस्वास मन्ता।

१ कुरिन्थुस 9:7

बोरे सयनिक आपुना डबुते सयनिक सेवा कियानुर बहे? अंगुरता बगिचा लावेकेवाल मानेय अदेना कायांग तिन्दानुरे। हरेनुंग मेहवाल मानेय अवेहना पाल उन्डानुरे।

फिलिप्पि 2:22

मति तिमुथियुसिन अदाम आयो; वरोर मरि आपुना बाबोनसंग बुतो किन्तोर लेहका ओर येसु मसिना सोबाता पोल्लो वेहान साटि नावासंग मेहनत किस ओना सोबाय स्वभावतुन तोहतोर इन्जोर निमाट वने पुन्तोरिट।

१ तिमुति 1:2

अनि बाबो परमेस्वर अनि मावोर प्रबु येसु मसिनिकेडाल निकुन कृपा, दया अनि शान्ति हेविर।

१ तिमुति 1:5

अनि सबोय लोकुरक परमेस्वरना मयाता द्वारा पवित्र मन, खरोय अनि गलतितुन समजेमायान साटि सोबाय बुद्धि, अनि परमेस्वरनिगा कपटरहित विस्वास कियाला पहाजे इन्जोर मावा आग्याता उदेश मन्ता।

१ तिमुति 4:14

अनि मसिलोकुरा सभाता मुक्याल लोकुरक नियागा ओरा कय इरसुन प्रार्थना किस ओर लोकुरक निया बारेते परमेस्वरना पोल्लो वेहतुरक असके परमेस्वर निकुन हिता वरदानतुन निमा बसकेय तुच्च मानेमायमा।

१ तिमुति 4:4

अनि सबोय चिजतुन परमेस्वर सोबाय बनेकितोर इन्जोर बोदे तिन्दाना चिजतुन मना केमाट बाक्याकि परमेस्वरना धन्यवाद किसुन सबोय तिन्दाना चिजतुन तिनपरान्तोरोम,

१ तिमुति 6:20

हे तिमुथियुस, निकुन सोपेह किता ओद खरोय पोल्लोतुन निमा लोकुरकुन करहा, लोकुरक ग्यान इन्जोर गलति रितिते समजेकिन्तोरक ओद परमेस्वरना विरुद करहाना अनि व्यर्थ बहसताल लक हन।

२ तिमुति 1:2

बाबो परमेस्वर अनि मावोर प्रबु येसु मसिनिकेडाल निकुन कृपा, दया अनि शान्ति पुटसोर मनि।

२ तिमुति 4:7

अनि उन्दि लळायि लेहका नना परमेस्वरना विस्वास साटि लळायि कितान, वरोर वितवाल बदाम जिकान्तोर अदाम लेहका परमेस्वर नावा कयदे हिता सोबाता पोल्लो वेहानाता बुतो नना सोबाय पुरा कितान। अनि येसु मसिना खरोय करहाना उपदेशतुन नना बसकेय तासिस हनोन।

तितुस 1:4

परमेस्वरना आग्याते इद सोबाता पोल्लो वेहाना साटि सोपेकिया, नना परमेस्वरनोर दास अनि येसु मसिना खास चेला पोलुस, उन्दिय परमेस्वरनिगा विस्वास किन्तोरिट इन्जोर नावोर खास मरि लेहका मन्तोर ओर तितुस साटि इद पत्र कोटान्तोना; मावोर परमेस्वर बाबाल अनि पिसिहवाल येसु मसि निकुन दया अनि शान्ति हेविर इन्जोर नना प्रार्थना किन्तोना।

फिलेमोन 1:10

नना कयदि मन्दानपा येसु मसिना विस्वासतिगा ततान नावोर मरि लेहका मन्तोर ओर ओनेसिमुस साटि निकुन विनन्ति किन्तोना।