१ तिमुति 1:15 - Muria Far Western

¹⁵ अनि येसु मसि पापि लोकुरकुन मुक्ति कियान साटि दरतिते वातोर इद पोल्लो खरोय अनि सबोय लोकुरक स्विकार कियान योग्य मन्ता। अनि ओर पापि लोकुरकनिगाडाल नना सबोयताल हजोर पापि मन्तोना।

१ तिमुति 1:15 Iomraidhean Croise

मत्ति 1:21

ओद वरोर पेकान जनम हियार अनि ओर आपुना लोकुरकुन ओरा पापताल पिसहानुर इन्जोर निमा ओना पोरोय येसु इरकि।”

मत्ति 18:10

येसु असा ओरकुन इतुर, “निमाट येर हुडलोरनिगाडाल बोने तुच्च समजेमायमाट इन्जोर सावदान मन्ट, बाक्याकि स्वरगतिगा ओरा दूतक नावोर स्वरगतोर बाबोना चेहरा दरोज हुळान्तोर इन्जोर नना मिकुन इन्तोना।

मत्ति 18:11

(बाक्याकि मानेयतोर मरि लेस्तोरकुन पिसहान साटि वातोर।)”

मत्ति 20:28

नना मानेयतोर मरि नावा सेवा किहाना साटि आयो मति नना दुसरोना सेवा कियान साटि अनि पापता बन्दनते मतोरक पकाय लोकुरकुन लेहचियान साटि आपुना जिवा अदेना किमत आस हेविर इन्जोर वातान।”

मत्ति 9:13

‘बलिदान आयो मति नना दयाता इच्चा किन्तोना’ इन्जोर पवित्र पुस्तकतिगा कोटता पोल्लोता अर्थ बाताल मन्ता इन्जोर निमाट हन्जुन करियाट। नना परमेस्वरना मुने येताना योग्य बुतो केवाल मन्तोना इदाम आपुनतुन समजेमायवाल लोकुरकुन साटि आयो मति माक पापि लोकुरक आन्दोम इदाम विचार केवालोरकुन केयान साटि नना वातोना” इन्जोर इतुर।

मरकुस 2:17

येसु इद केन्जचुन ओरकुन, “सोबाय लोकुरकुन आयो मति बिमार मानेयतुन डाक्डरना जरुरि मन्ता। नना परमेस्वरना मुने येताना योग्य बुतो केवाल मन्तोना इदाम आपुनतुन समजेमायवाल लोकुरकुन साटि आयो मति माक पापि लोकुरक आन्दोम इदाम विचार केवालोरकुन केयान साटि नना वातोना” इन्जोर इतुर।

लूका 15:2

“येसु पापि लोकुरासंग मन्तोर अनि ओरासंग निन्तोर” इदाम परीसिलोकुरक अनि मूसाना नियमतुन करिहवालोरक येसुना बारेते कुळकुळेमायिला लाकतुरक।

लूका 19:10

परमेस्वरना मयाताल लक आतोरक लोकुरकुन पळकसोरिंग परमेस्वरना हेरे मलस ततान साटि अनि ओरा मुक्ति कियान साटि नना मानेयतोर मरि वातोना।”

लूका 5:32

नना परमेस्वरना मुने येताना योग्य मन्तोना इदाम आपुनास घमन्ड केवालोरकुन साटि आयो मति माक पापि आन्दोम इदाम आपुन विचार केवालोरकुन पस्तेमायाना साटि केयिलाय वातोना।”

युहनाल 1:12

मति हुचुक लोकुरक ओन स्विकार कितुर अनि ओनागा विस्वास कितुरक। ओरकुन परमेस्वरना मरि आयाना अदिकार हितुर।

युहनाल 1:29

दुसरो दिया येसु आपुनिके वायानपा हुळसुन बपतिस्मा हेवाल हुन्नाल इदाम इतुर “हुळाट, येर दुनियातोर लोकुरा पापताल मुक्ति हियान्तोर परमेस्वरनोर बेळा पिला आन्दुर।।

युहनाल 12:47

बोरायि नावांग पोल्लोंग केन्जुन मानेमायोर ते नना ओना न्याय केवोन, बाक्याकि नना इद दुनियातुन न्याय कियान साटि आयो मति दुनियातुन पिसान साटि वातोना।

युहनाल 3:36

परमेस्वरना मरिनिगा विस्वास किन्तोर ओनेय अनन्त जिवा पुटार मति परमेस्वरना मरिनिगा विस्वास केवोर ओन अनन्त जिवा पुटो आयार मति परमेस्वरना होंग ओनागा मन्दार।”

बुतोंग 11:1

पजा यहुदि आयोर लोकुरक वने परमेस्वरना पोल्लो मानेमातोर इन्जोर येसुना खास चेलाल लोकुरक अनि यहुदि प्रदेशतिगा मनवालोर तमोलोरक केन्जतुरक।

बुतोंग 11:18

ओरक इद केन्जचुन पतरसना विरोद वाद कियाना बन्द किस कमेक मतोरक: “असके ते परमेस्वर यहुदि आयोर लोकुरकुन वने अनन्त जिवन साटि पस्तेमायाना दान हितोर” इदाम इन्जुन परमेस्वरना महिमा कियाला लागतुर।

बुतोंग 3:26

मियागाडाल सबोय लोकुरक आपुना खराब बुतोंग बन्द किहिस आशिष हेविर इन्जोर परमेस्वर आपुनोर सेवक येसुन तेहच पहले मिया हेरे लोहतुर।”

रोमि 11:14

बदामे आयि निमाट यहुदि आयोर लोकुरकुन हुळस नावोर आपुनोर यहुदिलोकुरकुन हेवा आयिला पहाजे अनि अदाम ओरागडाल हुचुलोर लोकुरा पिसाना आयिला पहाजे इन्जोर नना आपुना सेवातुन पकाय मह्त्वाता मानेमान्तोना।

रोमि 5:6

माक कमजोरे मतोम ते वने मसि परमेस्वर ठहरे किता बेराते, माक परमेस्वरना विरोदते ताकवाल पापि लोकुरक साटि, आपुनतुन बलिदान हितुर।

१ कुरिन्थुस 15:9

बाक्याकि नना येसुना सबोय खास चेलानिगाडाल नाकुन बाताले महत्व हिले अनि नना परमेस्वरना सभातुन पकाय तकलिप हिस मतोना इन्जोर नना येसुना खास चेला इन्दानता योग्य वने हिलेन।

इफिसुस 3:8

अनि सबोय पवित्र लोकुरकनिगा नना हुडलोरताल हुडलोर मन्तोना मति यहुदि आयोर लोकुरकनिगा नाकुन मसिना अनन्त दनरुपि सोबाता पोल्लोतुन प्रचार कियाना,

१ तिमुति 1:13

अनि येसु मसि नाकुन आचाना मुने नना ओना निन्दा किन्तोना अनि ओनागा विस्वास किन्दुर ओर लोकुरकुन पकाय तकलिप किसोर मतोना अनि ओरकुन पकाय हिंसा किन्दान। मति नना इदाम गलति कियाना बेरा प्रबु येसु मसिनिगा विस्वास केवोन आसि अनि ओना खरोय पोल्लोतुन समजेमायो आसि इन्जोर ओर नाकुन मापि कितुर।

१ तिमुति 1:19

अनि प्रबु येसु मसिना पोरोयता दरोज विस्वास किम अनि खरोय अनि गलति बाताल मन्ता इन्जोर दरोज समजेमायिला पहाजे। अनि हुचुक लोकुरक खरोय अनि गलति बाताल मन्ता इन्जोर ओद समजनातुन हरचितुरक। अनि उन्दि जहाज बदाम समुद्रतिगा मुळदिन्ता अनि पुरा नाश आन्ता अदामे खरोय उपदेशतुन हरचवालोरा विस्वास पुरा नाश आतु।

१ तिमुति 3:1

अनि बोरे मसिलोकुरा सभाता अध्यक्ष आयान साटि इच्चा किन्तोर ते ओर सोबाय बुतोता इच्चा इरान्तोर इन्जोर विस्वासयोग्य मन्ता।

१ तिमुति 4:9

अनि नना वेहता इव सबोय पोल्लोंग खरोय अनि सबोय लोकुरकुन स्विकार कियान साटि योग्य मन्ता।

१ तिमुति 6:13

अनि सबोय लोकुरकुन जिवन हिन्तोर ओर परमेस्वरना मुने, अनि पुन्तियुस पिलातुसना मुने, पकाय सोबाय गवाहि हिस मन्दुर ओर येसु मसिना मुने नना निकुन इद आग्या हिन्तोना। नना निकुन हिता सबोय आग्यातुन मावोर प्रबु दुसरो बेरा वायानवनाह पालन किसोर मनकि ते दुसरो लोकुरक नियागा दोष लावे केवोर आयनुर।

२ तिमुति 2:11

अनि माक येसु मसिना संग हातोम ते येसु मसिना संगे जिवेमायिकाट;

तितुस 3:8

अनि इव पोल्लोंग बोव नना मिकुन वेहान्तोना इव पोल्लोंग पकाय खरोय मन्तांग, इन्जोर विस्वासि लोकुरकुन इव पोल्लोंग डाटेह किसुन ओरकुन समजे किम। अनि बोर परमेस्वरतिगा विस्वास कितोर ओरकुन इव पोल्लोनुंग सोबाय बुतो कियान साटि मन लावेह किसोर मनिरक इन्जोर इव पोल्लोंग पकाय सोबाय मन्तांग अनि सबोय लोकुरकुन फायदातांग मन्तांग।

यहुदि 7:25

इन्जोर येसुना द्वारा परमेस्वरना हेरे वान्तोर लोकुरक साटि विनन्ति कियान ओर सबोय काळदे जिवित मन्तोर इन्जोर येसु ओरकुन परिपूर्ण आस पिसिला परान्तोर।

१ युहनाल 3:5

अनि येसु पापता नाश कियान साटि प्रगट आतुर इन्जोर निमाट पुन्तोरिट। अनि येसुन बोदे पाप किपरोर।

१ युहनाल 3:8

बोरायि पाप किन्तोर ओर सयतानोर बालक मन्तोर बाक्याकि सयतान मुनेटाले पाप किसोर मन्तोर। परमेस्वरनोर मरि सयताना बुतोता नाश कियान साटि प्रगट आतुर।

१ युहनाल 5:11

अनि परमेस्वर माकुन अनन्त जिवा हितोर अनि इद जिवा ओनोर मरिनिगा मन्ता इन्जोर ओद गवाहि मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:5

सिंहासनतिगा उदस मतोर ओर इतुर, “हुळा, नना सबोयतुन पुनाल किसिन्तोना।” पजा ओर इतुर, “कोटा, बाक्याकि इव पोल्लो विस्वासता योग्य अनि खरोय मन्तांग।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:6

पजा स्वरगदूत नाकुन इतुर, “इव पोल्लोंग विस्वासयोग्य अनि खरोय मन्तांग। सान्डेय पुरा आयाना जरुरि मन्ता अव पोल्लोंग आपुना दास लोकुरकुन तोहिर इन्जोर परमेस्वरना पोल्लो वेहवालोरा आत्मांगता परमेस्वर मन्तोर ओर प्रबु आपुनोर स्वरगदूततुन लोहतुर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 5:9

ओरक इदाम उन्दि पुनाल पाटा ओयिला लागतुरक: “इद गुन्डे किस मता ओद पुस्तकतुन येतान साटि अनि इदेना शिल देहान साटि निमा योग्य मन्तोन, बाक्याकि निकुन कदियतोर अनि निया नतुरते सबोय गोत्रताल अनि बोलिताल अनि लोकुरकनिकेडाल अनि सबोय जातितोर लोकुरकनिकेडाल परमेस्वर साटि लोकुरकुन निमा असतोन।