१ तिमुति 1:11 - Muria Far Western

¹¹ इद करहाना परमेस्वरना सोबाता पोल्लोता अनुसार मन्ता, ओद सोबाता पोल्लो दुसरो लोकुरकुन वेहान साटि हजोर परमेस्वर नाकुन आचतुर इन्जोर नना परमेस्वरना धन्यवाद किन्तोना।

१ तिमुति 1:11 Iomraidhean Croise

लूका 2:14

“स्वरगतिगा परमेस्वरना हजोरपण दिसिर अनि दरतितिगा परमेस्वर बोनिगा गिरिदा आन्तोर ओरकुन शान्ति पुटि” इदाम इतोरक।

रोमि 2:16

नना वेहता सोबाता पोल्लो लेहका परमेस्वर निवळे कितोर ओर येसु मसिना द्वारा उन्दि दिया मानेयना मकतांग विचारता न्याय कियानुर असके इव पोल्लोंग आयनुंग।

१ कुरिन्थुस 9:17

इद सोबाता पोल्लोतुन वेहाना बुतो आपुना इच्चाते किन्तोना ते नाकुन रोजि पुटार। इद नावा इच्चाते आयो मति मसिना सोबाता पोल्लो वेहाना बुतो नाकुन सोपे कितुर इन्जोर नना इद बुतो किन्तोना।

२ कुरिन्थुस 4:4

मसि परमेस्वरना रुप मन्तोर। ओर मसिना महिमाता सोबाता पोल्लोता वेळिचितुन ओरक हुळिला परोर इन्जोर साटि इद सन्सारतोर स्वामि सयतान विस्वास केवोर ओर लोकुरा मन्दुन आन्दराल कितोर।

२ कुरिन्थुस 4:6

बाक्याकि “आन्दारताले वेळिचि मान्जार” इदाम इन्ज मतोर ओरे परमेस्वर मसिना चेहराते दिसता परमेस्वरना महिमाता बारेता ग्यान माक पुन्दाना साटि मावा मन्दिगा मान्जिहतुर।

गलाति 2:7

मति पतरसतुन परमेस्वर यहुदिलोकुरकुन सुसमाचार वेहाना बुतो हिस मतोर अदामे परमेस्वर यहुदि आयोर लोकुरकुन सुसमाचार वेहाना बुतो नाकुन हितोर। इदाम परमेस्वर नाकुन उन्दि खास बुतो सोपे कितोर इन्जोर इदेना बारेते येरक मुक्यालोरक समजेमातुरक।

इफिसुस 1:12

मुनेटाले मसिनिगा आशा इरस मता माक ओना पकाय हजोर महिमाता स्तुति आयान साटि इदाम कितुर।

इफिसुस 1:6

ओन आपुना मायातोर मरिना द्वारा माकुन फुकोटते हिता ओना पकाय दयाता स्तुति आयि।

इफिसुस 2:7

इदेनते परमेस्वरना अतुलय रूपता पकाय हजोर दया अनि दया येसु मसिना द्वारा माकुन हितुर इन्जोर परमेस्वरिन वायाना काळता सबोय लोकुरकुन इद पोल्लो तोहपरान्तोर।

इफिसुस 3:10

इदाम इदेक स्वरगतिगा राज अनि अदिकारतुन परमेस्वरना अलग अलग प्रकारता ग्यान,

कुलुसि 1:25

परमेस्वर मिया भला साटि नाकुन हिता बुतोता योजनाता अनुसार परमेस्वरना सुसमाचारतुन पुर्ण रितिते प्रचार कियान साटि नना मसिलोकुरा सभाता सेवक बनेमातोना।

१ तिस्लुनि 2:4

अनि परमेस्वर माकुन योग्य ठहरे किस सोबाता पोल्लोतुन माकुन सोपेकितुर इन्जोर माक वळकिन्तोरोम। अनि माक लोकुरकुन गिरदा कियान साटि कोसिस केवोम मति माक ते परमेस्वरतुन गिरदा किन्तोरोम, बाक्याकि ओर मावा मन्दा उदेशतुन पुन्तोर।

१ तिमुति 2:7

अनि येसु मसि कुरुस पोरो हातुर इन्जोर सबोय लोकुरकुन आपुना पापते लेहचियाना पुटार। अनि इद पोल्लोतुन यहुदि आयोर लोकुरकुन करहान साटि नाकुन वेहवाल अनि येसुना खास चेला आस आचतुर। अनि नावा इव पोल्लोंग खोटाल पोल्लो आयो मति पकाय खरोय मन्तांग।

१ तिमुति 6:15

अनि येसु मसि स्तुति येतान साटि योग्य मन्तोर। अनि ओर वरोर राजाल, अनि चत्रपति अनि प्रबुनोर प्रबु मन्तोर। ओर निरनय किता ओद बेराते प्रगट आयनुर,

१ तिमुति 6:20

हे तिमुथियुस, निकुन सोपेह किता ओद खरोय पोल्लोतुन निमा लोकुरकुन करहा, लोकुरक ग्यान इन्जोर गलति रितिते समजेकिन्तोरक ओद परमेस्वरना विरुद करहाना अनि व्यर्थ बहसताल लक हन।

२ तिमुति 1:11

इद सुसमाचारतुन फयलेकियान साटि नाकुन वेहवाल अनि येसुना खास चेला अनि उपदेशक आस निवळेकितुर।

२ तिमुति 1:14

अनि निकुन परमेस्वर सोपेकिता सबोय सोबाय पोल्लोतुन पवित्र आत्माता मदतते केपसोर मन।

२ तिमुति 2:2

अनि नना पकाय लोकुरा मुने परमेस्वरना पोल्लो वेहतुर अनि निमा वने अदेन केन्जति। अनि इद पोल्लोतुन दुसरोन वने करहान साटि योग्य मन्तोर ओर इमान्दार लोकुरा कयते इद पोल्लोतुन निमा सोपेकिम।

तितुस 1:3

मति परमेस्वरना ठहरे किता अदे बेराते आपुना पोल्लो वेहानाता द्वारा ओर अनन्ता जिवनता ओद आशा प्रगट कितुर।