१ तिमुति 1:10 - Muria Far Western

¹⁰ अनि मूसाना द्वारा परमेस्वर हिता नियम इदाम लोकुरक साटि मन्ता, बोर लोकुरक व्यभिचार किन्तोरक अनि समान लिंग लोकुरासंग कुकरम किन्तोरक अनि दासता लेहका दुसरोन मोमसुन पयसांग कमेहकिन्तोरक अनि खोटाल वळकवालोरक अनि खोटाल शपथ येतान्तोर अनि खरोय उपदेशता विरोद बुतो किन्तोर इदाम सबोय लोकुरक साटि मन्ता।

१ तिमुति 1:10 Iomraidhean Croise

युहनाल 8:44

मिवोर बाबो सयतान आन्दुर अनि निमाट ओनोरे मरि आन्दिट। बोद इच्चा येर किन्तोर अदे निमाट कियाना इच्चा किन्तोरिट। ओर ते मुनेटाले हव्कवाल मन्तोर, अनि दरोज परमेस्वरना खरोय पोल्लोता विरोदि मन्तोर, बाक्याकि ओनागा बाराय खरोय हिले, ओर खोटाल मन्तोर अनि जुटाह वळकवालोरा बाबो आन्दुर। इन्जोर आपुना स्वभावते ओर खोटाल वळकान्तोर।

रोमि 1:26

इन्जोर परमेस्वर ओरकुन खराब वासनाता कयदे सोपेह कितुर; ओरांग आसक मानेयनासंग हुन्जाना तासित अनि ओव दुसरो आळदासंग खराब वासनाते हुन्जिला लाकतुंग।

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

१ तिमुति 6:3

अनि हुचुक लोकुरक प्रबु येसुना खरोय उपदेशतुन तासि, परमेस्वरिन गिरदा किस जिवेमायिला पहाजे इन्जोर करहोर आस अलग पुनाल उपदेश हिन्तोरक।

२ तिमुति 1:13

अनि निमा नावाताल करियति ओद खरोय पोल्लोतुन निमा येसु मसिना विस्वास अनि मयातासंग पालन किसोर मन अनि ओद खरोय पोल्लोतुन दुसरोन वने करहा।

२ तिमुति 4:3

बाक्याकि लोकुरक खरोय उपदेशतुन केन्जोर आयनुरक अनि ओरक केन्जान साटि विचारकिता पोल्लोंग वळकस ओरकुन गिरदा किन्तोर करिहवालोरकुन ओर लोकुरक पळकानुरक।

तितुस 1:13

अनि इद गवाहि खरोय आन्दु; इन्जोर अव गलति आन्दुंग इन्जोर ओरकुन रांगसुन वेहा। अनि इदाम ओरकुन विस्वासते पका किम,

तितुस 1:9

अनि ओर खरोय करियनातुन उपदेश हिस प्रोत्साहन किया परिर, अनि बोर लोकुरक खरोय करिहनातुन होंग किन्तोर ओरा गलतितुन समजेहकिसुन ओरा वळकाना बन्द केवाल मनिर इन्जोर ओर माक करिहिता विस्वास योग्य पोल्लोता अनुसार स्थिर मनवाल पहाजे।

यहुदि 13:4

सबोय लोकुरक मरमिंग आदरता पोल्लो समजेमायिला पहाजे। अनि मरमिंग आतोरक लोकुरक आपुना मुजो या मुत्तेन तासिस दुसरो आळ या मानेयतासंग हुन्जमाट। बाक्याकि परमेस्वर व्यभिचारिंग लोकुरकुन अनि मरमिंग आतेक पजा दुसरो आळ या मानेयनासंग हुन्जवालोर अनि मरमिंगना मुने इदाम गलति केवालोरकुन वने परमेस्वर न्याय कियानुर।

यहुदा 1:7

इदाम रितिते सदोम अनि अमोरा अनि येरा लेहका व्यभिचारि आस दुसरो मेन्दुलता लागेमास मतोरक अवेहना हेरेगुरेटा सहेरता लोकुरकुन अनन्त दन्डता किसते दन्ड कितुर। इद मावा साटि चेतावनि मन्ता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 18:13

अनि दालचिनि पोरोयता पकाय किमतिवाले दवा साटि मन्ता दयमुर तेल, सबोय प्रकारता मसालांग, धुप, दयमुर निय, लोबान, अंगुर जोमा, निय, मयदा, पिन्डि, टालाल-बुळगाह, बोकळाह-हरेंग, कोडांग, रथ अनि दास, अनि मानेयना जिवा इदाम चिजक मतांग। इदेक अदेना इदाम चिजक बोरे अदेना मोमोर आतुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:27

मति केवल बेळा पिलाता जिवनता पुस्तकतिगा पोरोय कोटता मन्ता ओर लोकुरक अगा दायनुरक। मति बोदे अपवित्र चिजक, लज्जाता बुतो अनि खराब बुतो केवालोरक बोरे अगा हनोर आयनुरक।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 21:8

मति वरियवालोर, अनि अविस्वासि लोकुरक, कपटि, अनि हव्कवालोरक, अनि व्यभिचारि लोकुरक, अनि होदाल बुतो केवालोर अनि मूरति पुजा केवालोर अनि सबोय खोटाल वळकवालोरा भाग किस अनि गंधकते पतियसोर मन्ता ओद तळायतिगा पुटार, इद दुसरो हामुर आन्दु।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:15

मति नयक, अनि होदाह अनि व्यभिचारिंग अनि हव्कवालोरक अनि मूरति पुजा केवालोरक अनि खोटाल पोल्लोंग कियाना इच्चा केवाल अनि खोटाल वळकवाल इदाम खराब लोकुरक सहेरता बाहरो आयनुरक।”