१ तिस्लुनि 5:6 - Muria Far Western

⁶ इन्जोर निमाट अविस्वासि लोकुरक लेहका मिया हेरे बाताल बाताल आन्ता अदेना बारेते पुन्वाप लेहका मनमाट मति निमाट पकाय ध्यान किसुन आपुना मन अनि मेन्दुलतुन नियन्त्रन किसोरिन मन्ट।

१ तिस्लुनि 5:6 Iomraidhean Croise

मत्ति 13:25

मति सबोय लोकुरक हुज्तुरक असके ओनोर दुश्मन वास गोहकनिगा केळाता विजा वीतस हतुर।

मत्ति 24:42

इन्जोर मिवोर प्रबु बोद दिया वायनुर इदाम निमाट पुनविट इन्जोर केपसोर मन्ट।

मत्ति 25:13

अदामे नना मानेयतोर मरि बसके वायका इदाम पुनविट इन्जोर निमाट दरोज केपसोर मन्ट।”

मत्ति 25:5

दुलहान वायान साटि बेरा आतु असके अवेहकुन उसकाळ वान्दु अनि ओव हुन्जतुंग।

मत्ति 26:38

असके येसु ओरकुन इतुर, “नावा जिवा हायाना लेहका पकाय दुःखि मन्ता, निमाट इगा पोस नावासंग केपसोर मन्ट।”

मरकुस 13:37

अनि नना मिकुन इन्तोना ओदे सबोय लोकुरक साटि इन्तोना: निमाट केपसोर मन्ट।”

लूका 12:37

अनि मालकाल वायनुर असके सबोय तयारि किस मालकाल साटि हर हुळसोर मन्तोरक ओरक दास धन्य मन्तोरक। मालकाल आपुना तयारि किसुन ओरकुन तिन्दान साटि उपहानुर अनि ओरा सेवा कियानुर इन्जोर नना मिकुन चेतेकिसुन वेहान्तोना।

लूका 12:39

नेन्ड बचोन बेरा कलेर वायनुर इन्जोर लोतोर मालकाल पुन्ज मनेर ते ओर चेता मन्जुन केपेर अनि आपुना लोतिगा कलिला हेवोर आयेर।

लूका 21:36

इन्जोर निमाट इव सबोय पोल्लोताल पिसियस मन्दान साटि अनि नना मानेयतोर मरिना मुने निताना लायेक बनेमायान साटि दरोज प्रार्थना किसोरिंग निमाट सावदान मन्ट।”

लूका 22:46

“निमाट बाक्या हुन्जान्तोरिट? परिक्षाते अरमाट इन्जोर तेदचुन प्रार्थना किम्ट” इन्जोर येसु चेलालोरकुन इतुर।

बुतोंग 20:31

इन्जोर इदाम लोकुरताल हुशार मन्ट! नना मून्ड वरसांगवनाह नरका-पलिंग किल्स-किल्स निमाट सबोयलोरकुन करियनाताल रोमहोन आतान इन्जोर आल्हाट।

१ कुरिन्थुस 15:34

इन्जोर खरोय रितिते विचार किस निमाट होसते मन्ट अनि पाप कियाना तासिम्ट, बाक्याकि मियागडाल हुचुलोर लोकुरक परमेस्वरना बारेते पुनोरक, इन्जोर मिकुन लज्जा आयि इन्जोर नना इदाम इन्तोना।

१ कुरिन्थुस 16:13

हे नावोर बायि-दादालोरक, निमाट हुशारते मन्ट, अनि विस्वासते स्थिर मन्ट अनि हिमतवाले बनेमाम्ट। अनि विस्वासतिगा लाव वाले बनेमाम्ट।

इफिसुस 2:3

ओरिगा माक सबोय लोकुरक पहले आपुना मन्दा खराब इच्चाता अनुसार ताकिन्दोम, मेन्दुलतुन अनि मन्दा इच्चातुन गिरदा किस दुसरो लोकुरा लेहका परमेस्वरना दन्ड येताना योग्य बालक मतोम।

इफिसुस 5:14

इन्जोर ओर इदाम इन्तोर, “हे हुन्जवाल, हातोर निगाडाल जिवे माम; ते मसिना वेळिचि नियागा चमकेमायार।”

इफिसुस 6:18

सबोय बेरा अनि सबोय परिस्थितिते आत्माता लावदे प्रार्थना किसोर मन्ट। अनि सबोय पवित्र लोकुरक साटि सावदानते दरोज प्रार्थना किसोर मन्ट।

फिलिप्पि 4:5

आपुनतुन हुळिला बनेकिस मन्ता मिया सोबाय स्वभाव सबोय लोकुरकनिगा प्रगट आयि। प्रबु येसु मसिना असा मल्स वायाना हेरे मन्ता इन्जोर दरोज आल्हाट।

कुलुसि 4:2

प्रार्थनाते ध्यान किसोर मन्ट, अनि धन्यवादता संग प्रार्थनाते केपसोर मन्ट।

१ तिस्लुनि 4:13

हे बायि-दादालोरक, बोर येसु मसिनिगा विस्वास किस हातोरक ओर लोकुरकना बारेते निमाट समजेमायिला पहाजे इन्जोर माक इच्चा किन्तोरोम। बाक्याकि येसु मसिनिगा विस्वास केवोर आस हातोर लोकुरकना बारेते बोदे आशा हिले। अनि निमाट ओरा लेहका दुःख किसुन मनमाट।

१ तिस्लुनि 5:10

अनि माक जिवित मन्तोरोम या हास मतोरोम ते वने मावा साटि हातोर मावोर प्रबु येसु मसि वायाना बेरा ओनासंग माक वने असा जिवेमायन साटि ओर प्रबु येसु मसिना द्वारा पुटता मुक्तितुन पुटहान साटि परमेस्वर माकुन ठहरे कितुर।

१ तिस्लुनि 5:8

माक विस्वासता अनि मयाता चिलम करसुन अनि टोपि लेहका पिसानाता आशा करसुन मनकाट बाक्याकि माक पियालता बालक मन्तोरोम।

१ तिमुति 2:15

मति आसक परमेस्वरना खरोय पोल्लोता अनुसार परमेस्वरनिगा सोबाय विस्वास अनि मया किसुन आपुना जिवातुन पवित्र बनेकिस विस्वास किसोर मनिंग ते बालकुन जनम हियाकि तेवने परमेस्वर आसकुन पिसहानुर।

१ तिमुति 2:9

अनि निमाट सबोय लोकुरक प्रार्थना साटि मिलेमायाना बेरा आसक आपुना सन्दराना बारते सोबाय ध्यान केविंग, अनि बोदायि शानवाले सन्दरा करमाकि। अनि लोकुरकुन आकर्षन साटि आपुना कल्कना पकाय सिंगार केमाट। अनि पकाय पयसाना सन्दरांग अनि मोतिंग अनि सोनाता सिंगार केमाकि। इदाम किसुन आसक शालिनाता अनि संयम स्वभावता मनि,

१ तिमुति 3:11

अनि मसिलोकुरा सभाता सेवातुन मदत केवांग आसक वने गम्बिर अनि सम्मानता योग्य आयिला पहाजे; दोष केवि आयमाकि अनि हर पोल्लोते विस्वास योग्य आयि।

१ तिमुति 3:2

अनि अध्यक्ष निरदोष मनिर, उन्दिय मुतेवाले मनिर, शान्ति स्वभावतोर मनिर अनि लोकुरासंग सोबाय संबन्द केवाल, लोकुरा आदर केवाल, वरताहकुन सोबाय गिरदाते मानेमायवाल अनि सोबाय उपदेश केवाल मनिर,

२ तिमुति 4:5

अनि हे तिमुथियुस, निया सबोय परिस्थितितिगा सावदान मन, अनि दुःख सहेकिम, परमेस्वरना पोल्लोतुन प्रचार कियाना बुतो किम अनि परमेस्वर निया कयदे सोपे किता परमेस्वरना सेवातुन पुराकिम।

तितुस 2:12

अनि ओद दया प्रगट आतु इन्जोर मावोर हजोर परमेस्वर अनि मावोर पिसिहवाल येसु मसि हजोर लावदे असा वायनुर इन्जोर गिरदाते माक आशा किस जिवित मन्दानपा दुनियाता बेकार पोल्लोतुन तासिस इद दुनियातिगा संयम, परमेस्वरना मुने येताना योग्य अनि परमेस्वरना भक्तिते जिवन जिवेमायान साटि इद दया माकुन मदत किन्ता,

तितुस 2:6

अदामे लयोरक शान्त स्वभावतोर आयिर इन्जोर निमा ओरकुन समजेह किम।

१ पतरस 1:13

इन्जोर आपुना मन्दुन तयार किस आप आपुना मन्दुन नियत्रण किस मन्ट। येसु मसि मिकुन असा दिसाना बेरा मिकुन पुटवाल मन्ता ओद दयातिगा पुरा आशा इराट।

१ पतरस 4:7

सबोय पोल्लोता अन्त सान्डेय आयवाल मन्ता इदाम समजदार आस निमाट आपुनतुन काबु किस प्रार्थना कियान साटि हुशार मन्ट।

१ पतरस 5:8

आपुनतुन नियत्रण किस हुशियारते मन्ट, मिवोर विरोदि सयतान गुरजेमान्ता सिंह लेहका बोन हिक्स तिनका इन्जोर पळकसोर वलियान्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 16:15

“हुळा, नना कलेर लेहका वान्तोना, आपुना लज्जा लोकुरक हुळमाकिर इदाम भान्डाल वलियमाकिर इन्जोर आपुना सन्दराता चवकसि किस तयारिते केपसोर मन्तोर ओर धन्य मन्तोर।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:2

हुशार आम, अनि हायवाल मन्ता मिया पिसतांग पोल्लोंगतुन मजबुत किम, बाक्याकि निया बोदे बुतोंगतुन नावा परमेस्वरना मुने नना पुरा आयाना हुळोन।