१ तिस्लुनि 5:23 - Muria Far Western

²³ अनि शान्ति हिसोर परमेस्वर मिकुन पवित्र बनेहकेविर, मिया आत्मा, मिया जिवा अनि मिया मेन्दुलतुन मावोर प्रबु येसु मसिना दुसरो बेरा प्रगट आयानपा पुरा निरदोष बनेकिसुन ओना मुने प्रगट आयान साटि मिकुन सुरक्षित मनि।

१ तिस्लुनि 5:23 Iomraidhean Croise

लूका 1:46

अनि मरियम इतु, “नावा जिवा प्रबुना हजोरपण किन्ता

युहनाल 17:19

अनि ओर वने नावा वेहता खरोय पोल्लोता द्वारा निया साटि सोपेहकियाला पहाजे इन्जोर ओरा साटि नना आपुनतुन सोपेहकिन्तोना।”

बुतोंग 20:32

मिकुन मसिना विस्वासते मजबुत कियाना अनि सबोय पवित्र लोकुरकुन परमेस्वर हिता वाचाता वारिस हिया परान्तोर ओर परमेस्वरनिगा अनि ओना दयाता पोल्लोतिगा नना इदेक मिकुन सोपे किन्तोना।

बुतोंग 26:18

अनि ओरांग कोन्डांग तरियान साटि अदेनते ओरकुन अन्धारताल वेळिचितिगा अनि सयताना लावताल परमेस्वरनिके वासुन ओरा पापता मापि पुटहानुर, अनि नावागा विस्वास इरानाता मारे पवित्र बनेमातोरक ओर लोकुरकनिगा जागा पुटहान साटि नना इदेक निकुन यहुदि अनि यहुदि आयोर लोकुरा हेरे लोहान्तोना।’ ”

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 15:33

शान्ति हेवाल परमेस्वर मिया सबोयसंग मनिर इन्जोर नना प्रार्थना किन्तोना। आमिन।

रोमि 15:5

मावोर परमेस्वर माकुन धीरज अनि शान्ति हिस निमाट वरोर दुसरोनासंग शान्तिते मन्दान साटि ओर मिकुन मदत केविर इन्जोर परमेस्वरनिके नना प्रार्थना किन्तोना बाक्याकि येसु मसिना चेला लोकुरकुन इदामे कियाला पहाजे।

रोमि 16:20

मावोर शान्ति हेवाल परमेस्वर ओर सयताना नाश किस मिया अदिकारते ततानुर। अनि मावोर प्रबु येसु मसि मिकुन दया केविर इन्जोर नना प्रार्थना किन्तोना।

१ कुरिन्थुस 1:2

येसु मसिना द्वारा पवित्र किहितुर अनि सबोय लोकुरकनिगा मावोर अनि ओरा प्रबु येसु मसिना आरादना केवालोर सबोय लोकुरासंग परमेस्वरना पवित्र लोकुरक आयान साटि केयतोर निमाट लोकुरकुनेय इद पत्र कोटान्तोरोम;

१ कुरिन्थुस 1:30

परमेस्वरे मिकुन येसु मसिनसंग मिलेह कितुर अनि परमेस्वर मसिन मावोर ग्यान बनेकितुर। मसि माकुन परमेस्वरना मुने येताना योग्य अनि परमेस्वरना पवित्र लोकुरक बनेकिस माकुन पापता सबोय बन्दनताल लेहच हितुर।

१ कुरिन्थुस 14:33

बाक्याकि मावोर परमेस्वर सबोय क्रमानुसार केवाल मन्तोर। मति सबोय आयि सोबाय रितिते शान्तिते आयिला हेवाल मन्तोर।

२ कुरिन्थुस 5:19

परमेस्वरना नियमता विरोद दुनियातोर लोकुरक किता पापतुन ओर मापि किसोर मसिना द्वारा ओरकुन आपुनिगा मिलेकियालागतुर, अनि मानेयतुन परमेस्वरनासंग मिलेकियाना इद पोल्लो लोकुरकुन वेहाना बुतो माकुन सोपे कितुर।

फिलिप्पि 1:10

इदाम निमाट सोबाय अनि खराबतुन समजेमास दरोज भलायितुन आचोर हन्ट अनि मसिना असा मल्स वायाना दियांगवनाह आपुना जिवनते पवित्र बनेमास बोरायि मिकुन दोष हेमाकिर,

फिलिप्पि 1:6

इन्जोर, परमेस्वर मियागा सोबाय सेवा कियाना सुरु कितोर, ओर अदेन येसु मसिना असा मल्स वायानावनाह कियानुर अनि ओना असा मल्स वायानाते ओद बुतो पुरा आयार इन्जोर नाकुन इद पोल्लोता बारेते भरोसा मन्ता।

फिलिप्पि 4:9

बोव पोल्लोंग निमाट नावागा हुळतिट, अनि केन्जतिट, अनि करियतोरिट, अनि स्विकार कितिट, अदेनाय पालन किसोर मन्ट, असके शान्तिता झरा मन्तोर ओर परमेस्वर मियासंग मन्दानुर।

कुलुसि 1:22

मिकुन आपुना टोडि मुने पवित्र अनि निष्कलन्क अनि निरदोष बनेहकिस हाजर केविर इन्जोर ओर इदेक मसि शारिरिक मेन्दुलतिगा हायानाता द्वारा मिकुन वने मिले कितुर ते निमाट केन्जता ओद सोबाता पोल्लोतिगा हिता आशाताल निमाट बदलेमायमाट अनि स्थिरता अनि मजबुतासंग निमाट ओद सोबाता पोल्लोतिगा विस्वास किसोर मन्ट।

१ तिस्लुनि 2:19

अनि मावा सोबाय आशा अनि महिमा आयानाता मुकुट बाताल मन्ता? ओद निमाटेय मन्तोरिट बहे? प्रबु येसु दुसरो बेरा असा प्रगट आयनुर असके ओना मुने माक नितकोम। असके मिकुन हुळसुन माक अभिमानि आयार।

१ तिस्लुनि 3:11

इदेक मावोर बाबो परमेस्वर अनि मावोर प्रबु येसु मसि माकुन मियागा वायान साटि माकुन हरि हेविर।

१ तिस्लुनि 3:13

अनि बदाम मावोर प्रबु येसु आपुना पवित्र लोकुरासंग वायनुर असके निमाट बाबो परमेस्वरना मुने पवित्र जिवाते निरदोष आयिर इन्जोर मिया मन्दुन प्रबु स्थिर केविर।

१ तिस्लुनि 4:3

बाक्याकि निमाट पवित्र जिवन बनेमाम्ट मन्जे व्यभिचार लोकुराताल लक मन्ट इन्जोर परमेस्वरना इच्चा मन्ता।

१ तिस्लुनि 5:22

अनि सबोय खराब पोल्लोंगताल पिस मन्ट।

२ तिस्लुनि 3:16

अनि शान्ति हेवाल प्रबु बोदे परिस्थितितिगा मिकुन दरोज शान्ति हिसोर मियासंग मनिर।

यहुदि 13:20

इदेक वरोर हजोर मेहवाल लेहका मसिलोकुरा सभाता मुक्याल मन्तोर मावोर प्रबु येसुन हातोरिगाडाल असा जिवेहकितोर शान्ति हेवाल परमेस्वर अनन्त काळदा करारता नतुरते सबोय सोबाय पोल्लो हिस मिकुन परिपूर्ण केविर! अदाम येसु मसिना द्वारा मावागा बुतो किसोर मन्ता परमेस्वरना इच्चा ओना योजना अनुसार पुरा कियान साटि मिकुन मदत केवि। सबोय काळदे ओना हजोरपण आसोर मनि। आमिन।

यहुदि 2:11

येसु लोकुरकुन पवित्र बनेकिन्तोर अनि ओर अनि ओना द्वारा पवित्र आतोर सबोय लोकुरक उन्दिय लोतोर मन्तोर इन्जोर पवित्र आतोर ओर लोकुरकुन हेलाळ-दादा इन्दिलाय येसु गिरिदा किन्तोर।

यहुदि 4:12

परमेस्वरना पोल्लो जिवित अनि लाववाले मन्ता। ओद बोदायि रन्ड धारवाले तलवारताल वने पकाय होळता मन्ता। ओद मावा आत्मा अनि जिवा, अनि पळेकाना जोळक अनि पळेकाना लोपा मन्ता मज्जाताल वने आरपार पसियस दान्ता। अनि ओद मन्दा इच्चा अनि विचारतुन समजेमान्तोर।

याकुब 1:4

मति मियागा बोदे पोल्लोता कमि हिलेर आस परिपूर्ण आयान साटि मजबुतते सहेन किस पुरो बुतो किम्ट।

१ पतरस 1:2

मिकुन दया अनि शान्ति पकाय पुटसोर मनि।

१ पतरस 5:10

इदेक परमेस्वर ओर सबोय दयातोर बाबो मन्तोर, ओर मिकुन मसिना कारण आपुना अनन्त महिमासाटि केयतुर, मिया हुडुक बेरावनाह पकाय तकलिप सहन कितपा पजा आपुनास मिकुन सिद्ध बने किस अनि स्थिर बने किस लाववाले बनेकियानुर।

२ पतरस 3:14

इन्जोर हे गोतियालोरक, निमाट परमेस्वर सबोय लोकुरकुन न्याय कियान साटि वायाना ओद दियातुन हर हुळान्तोरिट ते परमेस्वरना मुने निरदोष अनि बोदे डाग हिलेर आस शान्तिते मिकुन हुळान साटि पकायि कोसिस किसोर मन्ट।

यहुदा 1:1

येसु मसिनोर सेवक अनि याकुबनोर तमो यहुदा, बाबो परमेस्वर मया किन्तोर अनि येसु मसि साटि सुरक्षित इरान्तोर ओर सबोय केयतोर लोकुरक साटि इद पत्र कोटान्तोना।

यहुदा 1:24

इदेक अरानाताल मिकुन पिसहिच आपुना महिमाता मुने पकाय गिरदातासंग निरदोष किस निपिहला परान्तोर,