१ तिस्लुनि 5:21 - Muria Far Western

²¹ अनि सबोय पोल्लोतुन परिक्षाकिसुन सोबाय पोल्लोतुन पयिस मन्ट।

१ तिस्लुनि 5:21 Iomraidhean Croise

लूका 12:57

अनि येसु असा इतुर, “बोद पोल्लो बरोबर आन्द इन्जोर निमाट आपुहे बाक्या निर्णय केविट?

युहनाल 15:4

अनि निमाट नावागा मन्ट अनि नना मियागा मनका। अनि कोहक टोन्डा मरातिगा मनोंग ते अव आपुने हादिला परोंग अदामे निमाट वने नावागा मन्वि आयकिट ते बाताले किया परवि आयकिट।

युहनाल 8:31

असके येसुनिगा विस्वास कितोर येहुदि लोकुरकुन येसु इतुरक, “निमाट नावा करहानातिगा दरोज मान किसोर मनकिट ते निमाट खरोय नावोर विस्वासि आयकिट।

बुतोंग 11:23

ओर बरनबास वरोर सोबाय मानेय मतोर; अनि ओर पवित्र आत्मातुन मानेमास परमेस्वरनिगा सोबाय विस्वास केवालोर मतोर, ओर अगा अवस परमेस्वर लोकुरा पोरो हिन्तोर आशिष हुळस गिरदा आतुर अनि जिवालावे किस प्रबुनिगा विस्वास किम्ट इन्जोर सबोयलोरकुन उपदेश हितुर। अनि दुसरो पकाय लोकुरक प्रबुनिगा विस्वास कितुरक।

बुतोंग 14:22

“विस्वासते बनेमास मन्ट अनि माकुन पकाय तकलिप ताहच परमेस्वरना राज्यतिगा हन्दा लागार” इदाम उपदेश किस येसुना चेलालोरा मन्दुन स्थिर किसोर मतोरक।

बुतोंग 17:11

बिरिया नाटेनिगा मन्ता ओद यहुदि लोकुरा समाज मन्डलिता यहुदिलोकुरक ते तिस्सलुनितोर यहुदिलोकुरकताल परमेस्वरना पोल्लो करियाना इच्चा केवालोरक मतोरक। अनि ओरक पोलुस अनि सिलास प्रचार किता मसिना बारेता सोबाता पोल्लो पकायि गिरिदाते स्विकार कितुरक, अनि ओरक वेहता इव पोल्लोंग इदाम मन्तांग या हिलेंग इन्जोर दरोज पवित्र पुस्तकतिगा पकाय ध्यानते पळकसोर मतोरक।

रोमि 12:2

अनि निमाट इद सन्सारता लोकुरक लेहका बनेमायमाट मति परमेस्वरतुन मिया मन्दुन बदले किया हिम्ट। अनि ओर मिकुन पुनाल मानेय बनेकियानुर असके परमेस्वर साटि सोबाय अनि ओना गिरदा कियाना बुतो बाताल मन्ता इन्जोर मिया बारेता ओना सबोय इच्चातुन मिकुन समजेमायार।

रोमि 12:9

निमाट वरोर दुसरोन खरोय मन्दे मया किम्ट। खराब बुतोतुन विरोद किम्ट अनि सोबाय बुतोतुन गिरदाते किसोर मन्ट।

१ कुरिन्थुस 15:58

इन्जोर हे नावोर प्रिय बायि-दादालोरक, निमाट विस्वासते मजबुत मन्ट अनि बोदे कारणते निमाट विस्वासताल लक हन्माट। अनि प्रबुन साटि निमाट किन्तोरिट ओद मेहनत बेकार हिले इदाम समजेमास निमाट प्रबुना बुतो पकाय लावदे मुने किसोर मन्ट।

१ कुरिन्थुस 2:11

वरोर मानेयना मन्दा पोल्लो ओना लोपा मन्वाल केवल ओना आत्मा पुन्ता। मति दुसरो बोरे मानेय पुनोर ओद परमेस्वरना पोल्लोंग परमेस्वरना आत्माय पुन्तोर, दुसरो बोरे पुनोर।

गलाति 6:10

इन्जोर माक सन्दि पुटानपा सबोय लोकुरकुन विशेषाल विस्वासि लोकुरा भलायि किम्ट।

इफिसुस 5:10

अनि प्रबुन गिरदा कियाना पोल्लो बाताल मन्ता इदेन निमाट समजेमाम्ट।

फिलिप्पि 1:10

इदाम निमाट सोबाय अनि खराबतुन समजेमास दरोज भलायितुन आचोर हन्ट अनि मसिना असा मल्स वायाना दियांगवनाह आपुना जिवनते पवित्र बनेमास बोरायि मिकुन दोष हेमाकिर,

फिलिप्पि 3:16

इन्जोर परमेस्वर बाताल मावा साटि तोहतुर अदेना अनुसार माक ताकिकाट।

फिलिप्पि 4:8

इदेक हे प्रिय बायि-दादालोरक, बोव बोव पोल्लोंग खरोय मन्तांग अनि बोव बोव पोल्लोंग आदर योग्य मन्तांग, अनि बोव बोव पोल्लोंग बराबर मन्तांग इन्जोर परमेस्वर स्विकार किन्तोर, अनि बोव बोव पोल्लोंग पवित्र मन्तांग, अनि बोव बोव पोल्लोंग मयाता मन्तांग, अनि बोद पोल्लो स्तुतिता योग्य मन्तांग, अनि अव पोल्लोताल पकाय सोबाय, अनि आदर हियाना योग्य पोल्लो मन्तांग अव पोल्लोतिगा पकाय ध्यान लावे किम्ट।

१ तिस्लुनि 5:15

अनि सावदान मन्ट! बोरे खराब बुतोता बदला खराब बुतो केमाट अनि सबोय लोकुरासंग दरोज भलायि किसोर मन्ट।

१ तिस्लुनि 5:22

अनि सबोय खराब पोल्लोंगताल पिस मन्ट।

२ तिस्लुनि 2:15

हे बायि-दादालोरक, निमाट विस्वासते कम्बिर मन्ज मावा पोल्लोता या पत्रता रुपते मिकुन पुटता करहानातुन पालन किसोर मन्ट।

२ तिमुति 1:15

अनि आसिया प्रदेशता सबोय विस्वासि लोकुरक नाकुन विळिच वितितुर इन्जोर निमा पुन्तोन। अनि पुगिलुस अनि हिरमुनेस वने ओरासंग मतोरक।

२ तिमुति 3:6

अनि खरोय विस्वासता लावतुन हरचिन्तोर ओर लोकुरक दुसरोना लोहक लोहक दान्तोरक। अनि ओद लोता मुर्ख आसकनिगा आपुना गलति उपदेश किस अवेकुन नियत्रण किन्तोर। अनि अव आसक दरोज पाप किस सबोय प्रकारता गलति शारिरिक विचारता नियत्रणते मन्तांग,

२ तिमुति 4:14

अनि तांबाना बुतोकेवाल सिकन्दर माकुन येसु मसिना पोल्लो वेहाना बेरा पकाय विरोद कितुर। ओर नाकुन बाताल कितुर अदेन अनुसार प्रबु ओन बदले कियानुर।

यहुदि 10:23

अनि माकुन प्रतिज्ञा कितोर ओर खरोय मन्तोर ओर अदेन पुरा कियानुर इन्जोर माक जरुर पुटार इदाम वाचा पुटता पोल्लोता बारेते दुसरो लोकुरकुन वेहिलाय हिमतते मनिर।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:25

मति मियागा मन्ता खरोय विस्वास नावा असा मलस वायानवनाह हिमते पयस मनिर इन्जोर नना आग्या हिन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:11

नना सान्डेय वायवाल मन्तोना, निया मुकुटतुन दुसरो बोरे उन्च ओयमाकिर इन्जोर नियागा मन्ता ओद खरोय विस्वासतुन हिमते पयस मन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:3

इन्जोर ओरक निकुन केन्जिहता खरोय करिहाना अनि बदाम निमाट ओव पोल्लो येतितोन इन्जोर अलहा। ओद खरोय करहानातुन पालन किम अनि आपुना पापताल पस्तेमाम। अनि निमा हुशार मनवि आयकि ते नना कलेर लेहका वायका अनि बोद बेरा नना निया हेरे वायकान इन्जोर निमा पुनवि आयकि।