१ तिस्लुनि 5:15 - Muria Far Western

¹⁵ अनि सावदान मन्ट! बोरे खराब बुतोता बदला खराब बुतो केमाट अनि सबोय लोकुरासंग दरोज भलायि किसोर मन्ट।

१ तिस्लुनि 5:15 Iomraidhean Croise

मत्ति 5:39

मति नना ते मिकुन इन्तोना खराब मानेयना विरोद केमाट; बोरायि निया तिन्दानबासाडा कोरवितिगा हेविर ते ओना मुने दुसरो कोरवि वने किम।

लूका 6:35

मति निमाट ते आपुनोर दुश्मन लोकुरासंग मया किम्ट, अनि ओरा भलायि किम्ट, उदारि हिता ओद मिकुन मलस पुटार इन्जोर भरोसा इरमा, इद भावते निमा दुसरो लोकुरकुन उदारि हिम्ट। असके मिया साटि स्वरगतिगा हजोर आशिष मन्दार, अनि निमाट सबोयताल हजोर परमेस्वरनोर बालक आयकिट। बाक्याकि परमेस्वरना धन्यवाद केवोरकुन अनि दुष्ट लोकुरकुन वने परमेस्वर दया किन्तोर।

बुतोंग 16:28

मति पोलुस जोरदे इतुर: “आपुनतुन बाताले तकलिप अविहमा, बाक्याकि माक सबोयलोर इगाय मन्तोरोम” इन्जोर जोरदे इतुर।

रोमि 12:9

निमाट वरोर दुसरोन खरोय मन्दे मया किम्ट। खराब बुतोतुन विरोद किम्ट अनि सोबाय बुतोतुन गिरदाते किसोर मन्ट।

रोमि 14:19

इन्जोर माक दरोज वरोर दुसरोनासंग शान्तिते मन्दान साटि कोसिस कियाला पहाजे अनि वरोर दुसरोना विस्वासतिगा मजबुत बनेमायान साटि मदत कियाला पहाजे।

१ कुरिन्थुस 14:1

मया सबोयताल हजोर पोल्लो मन्ता इन्जोर निमाट दरोज वरोन दुसरोनसंग मया किसोर मन्ट! अनि पवित्र आत्माता द्वारा हिता सबोय वरदानतुन पुटहान साटि विशेषाल परमेस्वरना पोल्लो वेहानाता वरदान पुटि इदाम निमाट पकाय इच्चा किसोर मन्ट।

१ कुरिन्थुस 16:10

तिमुथियुस मिया हेरे वायनुर असके निमाट ओना सोबाय स्वागत किम्ट, निमाट इदाम सोबाय वेवहार कियाकिट ते ओर बिना वरेते मियासंग मन्दिला परानुर। बाक्याकि नना मन्तोना अदामे ओर वने प्रबुना सेवा केवाल मन्तोर।

१ कुरिन्थुस 6:7

निमाट विस्वासि लोकुरक वरोन दुसरोनसंग वाहचान्तोरिट ते निमाट खरोय मसि विस्वासि आयो। मिया विरोदते बोरे मानेय गुना किन्तोर ते ओद सहेन कियाना अनि मिया बोदे चिज बोरे मानेय ओन्तोर ते बाक्या अदेन ओयिला हेविट?

गलाति 6:10

इन्जोर माक सन्दि पुटानपा सबोय लोकुरकुन विशेषाल विस्वासि लोकुरा भलायि किम्ट।

इफिसुस 5:15

इन्जोर मिया जिवनता बारेते हुशयारिते मन्ट, निरबुद्धि लेहका जिवे मायमाट मति बुद्धिमान लेहका ताकाट।

इफिसुस 5:33

मति मियागाडाल सबोय लोकुरक आपुना मुत्तेन आपुनाय लेहका मया इरिर अनि मुत्ते वने आपुना मुजोहाराना आदर कियाला पहाजे।

१ तिस्लुनि 5:21

अनि सबोय पोल्लोतुन परिक्षाकिसुन सोबाय पोल्लोतुन पयिस मन्ट।

१ तिमुति 6:11

मति हे तिमुथियुस, निमा परमेस्वरनोर मानेय मन्तोन इन्जोर निमा वने इद सबोय खराब पोल्लोताल लक आस परमेस्वरना मुने येताना योग्य बनेमाम। अनि दरोज परमेस्वरना भक्ति किस येसु मसिनिगा विस्वास किम अनि सबोय लोकुरकुन मया किस धीरज अनि नम्र स्वभावता परके हन।

२ तिमुति 2:24

अनि प्रबुनोर सेवक वाहचवाल आयमाकिर मति सबोय लोकुरासंग शान्तिते मन्दिला पहाजे। अनि परमेस्वरना पोल्लोतुन सोबाय करहिवाल आयिर अनि आपुना पोरो दोष केवाल लोकुरा दोषतुन सहन केवाल मनिर।

तितुस 3:2

अनि बोनांगे चाहळिंग वळकस बदनाम केमाकिरक, मति कोमल स्वभावतोर मन्दिला पहाजे अनि सबोय लोकुरासंग दरोज हजोर नम्रताते मिलेमास मनिर।

यहुदि 12:14

सबोय लोकुरासंग शान्तिते मन्दाना अनि सबोय रितिते परमेस्वरतुन सोपेकिस पवित्रता साटि कोसिस किसोर मन्ट। पवित्रताता शिवाय बोरे मानेय प्रबुना हेरे हन्दिला परोर आयनुर।

१ पतरस 1:22

खरोयतुन पालन कियानाता कारण मिया आत्मा निषकपट बन्धुभावता माया साटि शुद्धकिस इन्जोर मन लावेकिस वरोर दुसरोन पकाय मया किम्ट।

१ पतरस 2:17

सबोय लोकुरा आदर किम्ट, तमोलोरकुन मया इराट, परमेस्वरतुन वरियाट, राजाना आदर किम्ट।

१ पतरस 3:9

खराब बुतोता बदला खराब बुतो केमाट, अपमानता बदला अपमान केमाट मति निमाट आशिषता वारिस आयान साटि केयतोर मन्तोरिट इन्जोर अदेना बदलाते आशिरवाद हिम्ट।

३ युहनाल 1:11

हे प्रिय, गलति लोकुरा चेला आयमा मति भला बुतो किन्तोर लोकुरा चेला आम। अनि भला बुतो किन्तोर ओर परमेस्वरनिकेडाल मन्तोर मति बोर गलति किन्तोर ओर परमेस्वरदुन पुनोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 19:10

अनि नना ओन आरादना कियान साटि ओना काल्क पोरो अरतान असके ओर नाकुन इतुर, “हुळा, इदाम केमा, नना निया लेहका अनि निया हेलाळ-दादाह लेहकाय येसुना बारेता गवाहि हेवाल वरोर दास मन्तोना; केवल परमेस्वरिन आरादना किम। येसुना गवाहि परमेस्वरना पोल्लो वेहवाल आत्मा आन्दु” इन्जोर इतुर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:9

मति ओर नाकुन इतुर, “हुळा, इदाम केमा, बाक्याकि नना निया अनि परमेस्वरना पोल्लो वेहवाल नियोर तमोह लोकुरा अनि इद पुस्तकता पोल्लोनुंग मानेमायवालना संगतोर दास आन्दान। केवल परमेस्वरिन आरादना किम।”