१ तिस्लुनि 5:12 - Muria Far Western

¹² हे बायि-दादालोरक, मिया साटि मेहनत किन्तोर ओरक मुक्याल लोकुरकुन अनि आत्मिक मार्गदर्शन किन्तोर ओर लोकुरकुन निमाट मानेमाम्ट इन्जोर माक मिकुन विनन्ति किन्तोरोम।

१ तिस्लुनि 5:12 Iomraidhean Croise

लूका 10:7

अनि बाताल आयि मिकुन हियानुर अदेन निमाट तिंट-उन्ट अदे लोतिगा मन्ट, बाक्याकि बन्यारतुन ओना बनि पुटाना योग्य मन्ता। अनि लोहक-लोहक मनमाट।”

युहनाल 4:38

निमाट मेहनत केविट ओद फसल कोयान साटि नना मिकुन लोहतान। अगा दुसरो लोकुरक मेहनत कितुरक अनि निमाट ओरा मेहनत किता फसलतांग हिसा येतवाल आतिट।”

बुतोंग 20:28

इन्जोर आपुनतुन अनि बेळांग लेहका मन्ता मसिलोकुरा सबोय सभातुन चवकसि किम्ट। परमेस्वर आपुनोर मरिना नतुर हिस असतोर परमेस्वरना बेळांग लेहका मन्ता मसिलोकुरा सभातुन केपान साटि पवित्र आत्मा मिकुन अध्यक्ष ठहरे कितोर।

बुतोंग 20:35

इदाम मेहनत किस जरुरि लोकुरकुन मदत कियाला पहाजे इन्जोर तोहान साटि सबोय पोल्लोतिगा नना मिकुन नमुना कितान। ‘येतानाताल हियाना पकाय धन्य मन्ता’ इदाम प्रबु येसु इतोर ओद पोल्लो नना मिकुन करिहतान।”

रोमि 16:12

अनि प्रबुना सेवातिगा मेहनत कितांग हेलाळ त्रुफेना अनि तुरफोसा अवेहकुन नावा नमस्कार इन्ट। अनि प्रबुना सेवातिगा पकाय मेहनत किता नावा प्रिय परसिस अदेन वने नावा नमस्कार इन्ट।

रोमि 16:6

मिया साटि पकाय कटिन मेहनत किता मरियम अदेन वने नावा नमस्कार इन्ट।

१ कुरिन्थुस 12:28

अनि मसिलोकुरा सभातिगा परमेस्वर पहले हुचुलोर लोकुरकुन येसुना खास चेलाना रुपते ठहरे कितुर अनि दुसरो हुचुलोर लोकुरकुन परमेस्वरना पोल्लो वेहवालना रुपते ठहरे कितुर अनि तिसरो हुचुलोर लोकुरकुन आपुना पोल्लो करहिवालना रुपते ठहरे कितुर। अदेना पजा चमत्कार केवालोरकुन, बिमारिताल सुदरे केवालोरकुन, दुसरोन मदत केवालोरकुन, मुक्यालना बुतो केवालोरकुन अनि अन्जान बोलि वळकवालोरकुन ठहरे कितुर।

१ कुरिन्थुस 15:10

अनि इदेक नना येसुना खास चेला मन्तोना, ओद परमेस्वरना दयाता कारणते मन्तोना अनि परमेस्वर नावागा किता ओद दया बेकार आयो बाक्याकि येसुना दुसरो सबोय खास चेला लोकुरताल नना पकाय मेहनत कितान। खरोय इनका ते नना ओद आपुनास मेहनत केवोन मति नावागा दया किस परमेस्वर ओद मेहनत कितोर।

१ कुरिन्थुस 16:16

इन्जोर निमाट इदाम लोकुरकुन अनि ओरासंग पकाय मेहनत किन्तोरक ओरा वने अधिनते मन्ट इन्जोर नना विनन्ति किन्तोना।

१ कुरिन्थुस 16:18

ओरक मिकुन गिरदा कितुरक अदामे नाकुन वने गिरदा कितुरक इन्जोर इदाम लोकुरकुन निमाट मानेमाम्ट।

१ कुरिन्थुस 3:9

माक परमेस्वर साटि बुतो केवाल संगवारि आन्दोम अनि निमाट परमेस्वरना डन्ड लेहका अनि परमेस्वर बनेकियाला आतोर उन्दि लोन लेहका मन्तोरिट।

२ कुरिन्थुस 11:23

बाताल ओरके मसिनोर सेवक आन्दुर बहे? नना बयहाल लेहका इन्तोना। नना ओराताल विळस मन्तोना। ओराताल नना पकायि मेहनत कितोना, ओराताल नना पकायि बेरा जेहलतिगा दन्ड भोगेमातान। ओराताल नना पकायि मार तितान। ओराताल नना पकायि बेरा हायाना दोखाते अरतान।

२ कुरिन्थुस 5:9

इन्जोर माक इद दुनियाता मन्दाना योग्य मेन्दुलतिगा मनकोम या इद मेन्दुल तासिस स्वरगतिगा मन्दाना योग्य मेन्दुलतिगा मनकोम ते वने प्रबुन सोबायि गिरिदा कियालागार इदाम मावा इच्चा मन्ता।

२ कुरिन्थुस 6:1

माक परमेस्वरना बुतो मिया संगे केवालोर मन्तोरोम इन्जोर परमेस्वरताल मिकुन पुटता ओद दया बेकार हन्दिला हेमाट इन्जोर मिकुन विनन्ति किन्तोरोम।

गलाति 4:11

नना मिया साटि किता मेहनत बेकार आत इन्जोर नना मिया बारेते वरयान्तोना।

फिलिप्पि 2:16

इदाम निमाट कियाकिट ते नना मिया साटि किता ओद सबोय बुतो अनि मेहनत बेकार हनो इन्जोर येसु मसिना असा मल्स वायाना दियांग इद हुळस मिया हजोरपण किया परका।

फिलिप्पि 2:19

प्रबु येसुना इच्चा मन्दार ते नना तिमुथियुसिन मिया हेरे सान्डे लोहका इदाम विचार किन्तोना। ओर मलस वायानपा मिया बारेता गिरदाता पोल्लो वेहाना केन्जुन नाकुन शान्ति पुटि इन्जोर नना ओन लोहका।

कुलुसि 1:29

इदाम सबोय लोकुरकुन मसिते परिपूर्ण बनेहकियान साटि नावागा लावते बुतो कियाला आता मसिना पकाय लावता अनुसार नना मन लावेकिस मेहनत वने किन्तोना।

१ तिस्लुनि 2:9

हे बायि-दादालोरक, निमाट मावा परिश्रम अनि मेहनतुन आलिहसोर मन्तोरिट; अनि परमेस्वरना सोबाता पोल्लोतुन वेहचुन माक बोने डब्बुना बारेते तकलिप आयमाकि इन्जोर नरका पियाल माक बुतो किसोर मन्तोम।

१ तिस्लुनि 4:1

इन्जोर हे बायि-दादालोरक, बदाम निमाट मावाकेडाल योग्य चाल चलन ताकाना अनि परमेस्वरतुन गिरिदा कियाना करियतोरिट, अदाम निमाट ताकिन्तोरिट अनि असा वने विळसोर हन्ट इन्जोर माक मिकुन विनन्ति किस समजेकिन्तोरोम।

१ तिस्लुनि 5:14

हे बायि-दादालोरक, बोरे गलति रितिते दान्तोर ते ओरकुन ओरा गलतितुन समजेहकिम्ट इन्जोर माक मिकुन वेहान्तोरोम। अनि बोरे मन्दे कमजोर मन्तोर ते ओरकुन मजबुत किम्ट। अनि कमजोर लोकुरकुन संभाले किम्ट अनि सबोय लोकुरासंग धीरज तोहाट।

१ तिमुति 5:1

आपुना वयताल हजोर लोकुरकुन निमा होंगदे वळकमा मति ओरकुन आपुनोर बाबोन लेहका समजेमास वळका। अनि आपुना वयता हुडलोर लोकुरकुन तमो लेहका वळका।

१ तिमुति 5:20

अनि पाप कितोर मानेयतुन सबोय लोकुरा मुने रांगा बाक्याकि अद हुळसुन दुसरो विस्वासि लोकुरक वने वरियला पहाजे।

२ तिमुति 2:6

अनि वरोर मेहनत केवाल कास्ताकार मानेय ओना मेहनता कायांग पहले ओन पुटिला पहाजे।

तितुस 1:3

मति परमेस्वरना ठहरे किता अदे बेराते आपुना पोल्लो वेहानाता द्वारा ओर अनन्ता जिवनता ओद आशा प्रगट कितुर।

तितुस 1:5

ते नना निकुन समुद्र नडुमता क्रेते नाटेना पिसताल बुतोतुन पुरा कियिला अनि नावा आग्या अनुसार नाट-नाटेनोर मसिलोकुरा सभाता मुक्याल लोकुरकुन आचकि इन्जोर निकुन क्रेते नाटेनिगा इरस वातान।

तितुस 2:15

अनि निकुन सबोय पोल्लोनुंग वेहानाता अदिकार मन्ता, निमा ओरकुन करहा अनि सोबाय समजे किम। अदाम सबोय लोकुरक निकुन आदर हेविर।

यहुदि 13:17

मसिलोकुरा सभाता मुक्याल लोकुरा पोल्लोतुन मानेमास ओरा अधिनते मन्ट। ओरक परमेस्वरना मुने मिया बारेता हिसाब हियाला पहाजे इन्जोर ओरक मिया साटि केपसोर मन्तोरक। ओरा आग्यातुन मानेमायकिट ते ओरा सेवा गिरदाते किया परान्तोरक। निमाट ओरकुन मानेमायवेक ते ओरक आपुना सेवा गिरिदाते केवोर आयनुरक इन्जोर मिकुन बोदे फायदा वने पुटो।

यहुदि 13:7

मिकुन परमेस्वरना पोल्लो करिहतोर मियोर मुक्याल लोकुरकुन आल्हाट। अनि ओरक बदाम आपुना जिवनता आकरिवनाह परमेस्वरना विस्वासते मन्जोर मतोरक इन्जोर ध्यान किस ओरा विस्वासता अनुकरण किम्ट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:20

अनि नावा तिन्दान कयतिगा हुळति अव सात हुकोंगना अनि सोनोता ओव टिवरि इराना सोनाता सात गोटातांग रहस्य इदाम मन्ता: ओव सात हुकोंग मसि विस्वासि लोकुरा सात सभाता दूतक आन्दुरक, अनि टिवरि इराना सोनाता ओव सात गोटांग मसि विस्वासि लोकुरा सात सभांग आन्दुरक।”

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:12

“पिरगमुन सहेरता मसिलोकुरा सभाता दूततुन इद कोटा: पकाय होळता रन्ड धारवाले तलवार मन्तोर इदाम इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:18

“तुयाथिरा सहेरता मसिलोकुरा सभाता दूततुन इद कोटा: पतियता किसिता ज्वाला लेहका कोन्डांग अनि पान्डरि पितळी लेहका काल्क मन्तांग परमेस्वरनोर मरि वेहिन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:3

अनि पकाय तकलिप सहेन किस मन्दाना हिमत नियागा मन्ता, अनि नावा पोरोय साटि पकाय तकलिप सहेन किसोर मतोरिट ते वने अवकेमायविट इन्जोर नना पुन्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:8

“स्मुरना सहेरता मसिलोकुरा सभाता दूततुन इद कोटा: पहले अनि अन्तिम मन्तोर, अनि हास मतोर मति इदेक असा जिवेमास तेदितोर इन्तोर:

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:1

“सरदिस सहेरता मसिलोकुरा सभाता दूततुन इद कोटा: परमेस्वरना सात आत्मांग अनि सात हुकोंग मन्तोर ओर इदाम इन्तोर: नना निया बुतोंगतुन पुन्तोना, निकुन जितो इन्तोरक मति निमा हास मन्तोन।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:14

“लवुदिकिया सहेरता मसिलोकुरा सभाता दूततुन इद कोटा: विस्वास योग्यवाले अनि खरोय गवाहदार मन्तोर अनि परमेस्वरना सृष्टिता राज केवाल मन्तोर आमिन पोरोयतोर इदाम इन्तोर।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 3:7

“फिलेदिलफिया सहेरता मसिलोकुरा सभाता दूततुन इद कोटा: पवित्र अनि खरोय मन्तोर अनि दावुदना किल्लिंग आपुना कयदे मन्तोर अनि ओर तरियता कवाळतुन दुसरो बोरे बन्द किया परोर इदाम तरियान्तोर अनि ओर बन्द किता कवाळतुन दुसरो बोरे तरियला परोर इदाम बन्द किन्तोर ओर इव पोल्लोंग इन्तोर: